خدمة الdslفي الرس(معلومات+مناقشة)

[صلوح المملوح]

السلام عليكم




مثل ماأنتم عارفين خدمةالDSL صارت متوفرة في الرس


طبعا خطوط الDSL ماتقارن بالدايل أب من ناحية السرعةوالكفاءة
وفيها أهم ميزة ان الخط مايصير مشغول وانت على النت وما يحتاج تقطع الاتصال عشان تكلم
اضافة الى ان النت يصير مفتوح24ساعة :cool:
وتقدر تدخل بأي وقت تبيه دون الحاجة لتأسيس اتصال

وأيضا تقدر تأسس شبكة داخلية ببيتكم وتخلي كل اهلك وان بغيت شغالتكم يدخلون على النت من خلال خط واحد :eek:


الصراحة ودي نشوف اللي منكم مشترك بالخدمة يعلمنا عن تجربته
وعن الشركة الأفضل في تقديم الخدمة

طبعا رسم التأسيس 300 ريال اضافة الى رسم شهري 120 ريال
هذي للاتصالات
أما الشركات راح أعرض أسعار اهم شركتين من وجهة نظري

أولا نسمة


السرعة السعر


64/64 كيلو بت بالثانية 130 ريال
128/128 كيلو بت بالثانية 230 ريال
128/256 كيلو بت بالثانية 330 ريال


سعودي نت


1. سرعة 64k بتكلفة 150 ريال شهريا
2. سرعة 128k بتكلفة 230 ريال شهريا
3. سرعة 256k بتكلفة 380 ريال شهريا

طبعا أنت تختار السرعة اللي تناسبك هذا بالاضافة للمودم بس الظاهر المودم يشمله العرض


لنفرض انك أخذت سرعة 64k بتكلفة 150 ريال شهريا بالاضافة للرسم 120
تدفع شهريا 270ريال يابلاش
الحين الاتصال 50 كيلو بايت وتلقى الفاتورة 600ريال أو 700
اذا كنت راعي نت وبعدين الخط يصير مشغول ولازم تفتح اتصال كل مرة

يعني مافيه مقارنة-بالنسبة لي-

طبعا الDSL اللي فالرس خط تجريبي حسب معلوماتي
وراح يركبون خط بعد كم شهر

هذا اللي عندي واللي عنده شي لايبخل علينا


تحياتي :)

[مهند]

شوكوووووورن

صلوحكه >>>>>> شهالابداع والحضور؟؟ ;)

** انا ماعندي فكرة عن الاسعار,,

لكن الاسبوع الماضي كنت عند واحد من الشباب عنده الخدمة...

وسألته عن السرعة >>>> طلع الله بالخير :p

ما يدري ,,, سألته عن السعر قال 1300 ريال ,,

للعلم المديوم عنده 2 مو واحد (والسعر شامل المودم)

وقال هذا لمدة ثلاث اشهر..... إنتهى كلامه رحمه الله حيا ميتا,,

** يعني اللي يقول فاتورتي بالنت تتعدى ال500 مع الاقتصاد

والتقنين.. المفروض يكون اول من يشترك.....



** من حيث الخدمة ,, انا اشتغل عليها بالرياض (ايام الدوام )

بصراحة جدا فيه فرق ,, وماراح اقولك انه فيه ذيك الفروق بين

السرعات المختلفه لاني ما اشتغلت الا على 128 وبس,,

لكن لاعنك ان الفرق مو بس واضح إلا بصراحة اللي بيشتغل على هالخدمة

راح يقول >>>>> اثري ماعمري دخلت نت,,, بسم الله ما شاء الله

... اما الخدمة بالرس >>>> قالو لي قدم والخدمة ممكن تجيك بعد كم اسبوع,,

وانا كنت بقدم عن طريق (المكتب)

[صلوح المملوح]

هاي مهند :D

ولو أثرك موظف ولاتعلمنا ولاشي>>> وش يبي ذا

طيب انت قدمت في الرس ولا لا وبعدين خويك >>> تراه موب بحر :D

وشلون مركب مودمين؟؟

ومشكور على التشجيع :)

اطرائك وسام أعلقه على جبهتي :D

وبعدين تعال>>>مايقضي أبد

وش معنا صلوحكه
قلبتها يمين ويسار وماعرفت شي ؟؟؟

[بحر الكتمان]

ياعيني عليكم

مهند مسوي دعاية لمحل المكتب

[مهند]

اقصد ان السعر على كلام

الرجال شامل تركيب عدد 2 موديوم (بالعربي يقدر يركبهن على جهازين)

** 2 مويم = 2 سفن اب >>>>>>>>>> :mad:

واللي اعرفه ان المودم تتفاوت اسعار لكن ارداهن بحدود 300 ريال

وقد تصل بعض الانواع 550 ريال

[صلوح المملوح]

بحر الكتمان

مشكور على المرور

مهند

مشكور على تفاعلك وتوضيحك يالغالي