هالكثر غلااك... ياحمّود..؟؟

[مـــــؤيـــــد]

بسم الله الرحمن الرحيم

السلام عليكم جميعاً


البارح كالعادة جيت للبيت حوالي الساعه 11 ودخلت للمنتدى وانصدمت بخبر وفاة الغالي

اللهم لاعتراض على قضاءك وقدرك

وإن شاءالله انه راح لدار اخير من داره واخير من داره..

و مالنا الا ندعي له ونحلله بكل شي .. وزي ماذكر اخوي مراهق وسبقني بموضوعه الصدقه الجاريه.. لأنه اذا مات ابن ادم انقطع عمله الا من ثلاث ..الى اخر الحديث..


اللي بخاطري ماادري كيف اعبر عنه.. لهالدرجه حب اهل المنتدى لك ياحمود؟

من البارح لفت نظري محبة المنتدى واهله لحمود..

من بعد انزال خبر وفاة حمود والمنتدى هادي.. الردود تعد على الاصابع الا فيما يخص تعزية حمود

موضوع التعزية بأقل من 12 ساعه وصل 4 صفحات

ماشاءالله عليك ياحمّود.. كل هالمحبه لك؟ ياعسى ربي يحبك أكثر منا ومن كل هالناس..
فيه اشياء تدل ان مو بس حنا نحب حمّود.. لا
الله سبحانه يحبه..

اذا احب الله احد من خلقه ابتلاه..
وحمود جاه ذا المرض وهو توه بعمره صغير ابتلاه ربي بذا المرض.. ربي يحبك ياحمود.. ويحب امك وابوك.. ابتلاهم بأخذه لبكرهم..

ربي أخذك ياحمود.. اخذك من اهلك.. رحت لعنده .. لعند ربك.. ربك اللي يحبك أكثر من أهلك.. ربك اللي رحمته توسع كل هالكون..رحت للي ارحم من امك وابوك.... ربك اللي من حبه لك ابتلاك..


حمّـود.. قابلتك مره وحده بس.. قابلتك ولا راح انسى الضحك والتعليق والمزح والنقره بيننا..

اتمنى اني قادر اجي واصلي عليك.. بس ظروفي ماتسمح لي..

حمود.. الله يغفر لك كل ذنب وكل خطيئة وكل صغيره وكبيرة..
الله يجعل مرضك هذا تكفير لكل سيئاتك
الله يوسع لك بقبرك ويخلف عليك شبابك بجنات النعيم..

اعضاء المنتدى..

لهالدرجه حبكم لحمود؟
كلكم تدخلون المنتدى بس تقرون التعازي وتشيكون على بعض المواضيع وتطلعون؟

الاحظ ناس ماشاركت ولا مشاركة من يوم نشر الخبر.. وهم بالعاده مالا يقل عن 10 مشاركات..؟؟ كل هذا حب لحمّود؟؟

اذا كلكم تحبون حمود.. ترا حمود يبي شي واحد.. يبي الدعااااااء والدعااااااء والدعااااااء

يبيكم تدعون له..

يبيكم تحللونه وتسامحونه

....

بعد.. ياللي حزنتوا على حمود جيمعاً.. فيه شي مو بسيط.. تقدرون تقدمونه كهديه لحمود..نعتبرها هديه.. والا هي صدقه.. زي ماقال اخوي مراهق بموضوعه..


نبي تفاعل مع موضوع مراهق.. نبي شي صحيح مو كلام.. تبرعوا لو بريال ..

وحسب المبلغ اللي ينجمع تكون الصدقه..

... وبعد..

تقدرون تقدمون له صدقات بدون هالمشروع.. عشيات.. تبرعات... افطار صائم..

وبعد.. تقدرون تاخذون عنه عمره..

ياناس
حبكم هذا لحمود فرحني والله فرحني..

أصيلين ماتنسون العشرة ياعيال عمي..

اتمنى تكبر هالفرحه.. وحنا نشوف مشروع لو صغير بإسم المرحوم

وربي يغفر لك ياحمود ويرحمك ويطهرك من كل ذنب..
اللهم آمين..


هذا كله كلام بقلبي حبيت اطلعه واقوله..

مؤيد

[The Princess]

بالفعـــــل

أحب أضيف إن اللي ما تتوفــر له الصدقة

^^
^^
^^

لا ينســـــــاه من الدعاء والإلحاح فيه

نـــور الله له قبره و أدخله فسيــــــح جناته

آميـــــن

جزاك الله كل خيــر أخي مؤيد على التذكير

[مراهق]

الله يرحمه

الله يرحمه

الله يرحمه

صحيح اني الم اتقابل معه والم اعرفه لافي هذ المنتدى والاكن كان نعم الاخ والصديق وبموته رحمه الله فقدنا اخ وعضو غالي على قلوبنا فلقد كان محبوب من جميع الاعضاء بدون استثناء

الله يرحمه ويسكنه فسيح جناته

[موال دايم]

ربي أخذك ياحمود.. اخذك من اهلك.. رحت لعنده .. لعند ربك.. ربك اللي يحبك أكثر من أهلك..


الله يرحمه .....


جعل الله لك يامؤيد بكل حرف حسنه....
وأنار لك بها طريق للهدى ورحم الله حمووودي ....وعوضه دارا خير من داره

[نصـراوي ورأسي عـالي]

ألله يرحمـه ومحمد محبـووب من الكــل مشاء الله عليـه

[×رسـاوي شـرقاوي×]

الله يرحمه ويسكنه فسيح جناته

ويلهم اهله الصبر والسلوان .................

جزاك الله خير يامويد

[أحلـى غـرور]

ياااااااااااه لا تعيدونها وربي وربي محبته ما توصف




ولا راح ننساه من الدعاء اصلا حتى يوم كان بمرضه الله يرحمه ما جاء يوم ما كنت ادعي له.....





ربي يغفر لك ويرحمك ...........




:( :( :(





ما راح انساك ما حييت




مؤيد يعطيك ربي الف عاااافيه وراح نبين حبنا له واكثر

[هلاليه ودمي ازرق]

الله يرحمه ويغفر له يارب


يعطيك العافيه مؤيد

[همس]

الله يرحمه ويغفر له وينور قبره
حمود مايبغى منكم الا الدعاء

[حسام الغفيلي]

سبحان الله يا مؤيد


امس الصبح سألني واحد من الشباب معاي في الجامعة عن محمد - يعرفه من قبل - .. وبيّنت له حالته وانه ما يحتاج الا الدعاء

يوم جاء المغرب دق علي اخوي وعلمني الخبر .. قابلت زميلي وسألته .. وش تعرف عن حمود .. قال ولا شي .. معرفة سطحية .. قلت ووش في قلبك عليه ... قال احبه لله في لله ..

قلت يطلبك الحلّ .. ما تتصور وقع الصدمة عليه

الله يرحمه ويغفر له

[الــوافــي]

مشكور اخوي مؤيد

والله العظيم نحب حمود بس قضاء الله وقدره


حمود انسان طيب مررره يحب كل واحد يشوفه

انا اول مره شفته باجتماع تكريم للغفالا ويحب يضحك

وطلعنا مع بعض وتعشينا وكل يوم اسلم عليه ويوم كان بالمانيا كنت


ماخذ رقمه واكلمه ويفرح كثير والله


واليوم راح حمود الى جوار ربه

وقبل الصلاه بشرني شخص انه شارك في غسل المرحوم حمود

وقال لي لو رائت وجه نور يشرق منه وابتسامته لامثيل لها

وصلينا عليه اليوم العصر ودموعي تتناثر من كل جه وشاركنا في

دفنه في قبره وكل محبين حمود موجودين في الصلاه عليه ودفنه


في المقبره والكلام كثير عن الراحل والاخو العزيز حمود

ماراح انسى ابد طلعتنا مع بعض ولا ضحكتك ابد ابد ابد

الله يرحمك ياحمود وستضل بقلوووب محبينك كلهم

ولاتنسونه بالدعاء يا اعضاء الغالين


الوافي المجروح

[بنت الأصول]

حرام عليكم والله عذبـــــــتونا في كتباتكم وربي مادري وش الي خلاني ادخل المنتدى الحين


لكن ياحمود انت بقلوبنا مستحيل ننساك بدعواتنا وعسى ربي يجعل مثواك الجنه يارب والله يعلم عن الي بقلوبنا لك من زمااااان بس ربي ماكتب اني أسوي الي في بالي ومرح أنسى هديتك

والله يصبر قلوب كل من حبك

[._$برنسيـ الغفيلي ـسة$_.]

:tears: :tears: :tears:

قـدر الله ومـاشاء فعـل

الله يـرحمه ويغفـر له ويجعـل مثـواه الجنه

وينـور قبـره ويجعله من ريـاض الجنه


والله الي سمعت عنه شي يبشر بالخير ولله الحمد

الله يــرحمك ويغفـر لك :tears:

يسلمووو أخوي مـؤيد ...

[رسااااااااااااويه ذوق]

الله يرحمه ويغفر له ان شاء الله

وانا والله اليوم حلمت فيه وقسم اني شفت نور من وجهه عمره ما شافته عيني

وجهه ان شاء الله انه يبشر بالخير وتاكد من كلام الوافي ان شاء الله خير


لا تنسونه من دعائكم هذا هو اللي يبيه منا الحين

والله يخليكم لاحد يصيح عليه لان الصياح على الموتى يسبب لهم التعذيب بالقبور

اذا تغلونه صدق ادعوله الله يخليكم

انا والله ما قد شفته بالمنتدى ولا صادفته ابد بس وربي ماتتخليون وشلون دخل قلبي


الله يرحكم حمود ويسكنك فسيح جناته

الله لااعتراض على حكمك وقضائك

ان لله وان اليه راجعون

[مـــــؤيـــــد]

البرنسيسه
مراهق
موال دايم
نصراوي
رساوي
احلى غرور
هلاليه
همس
حسام
الوافي
دلوعه
برنسيسة
رساوية

اشكركم جميعاً على المرور وعلى المشاركه

[همس السكوت]

سبحان من طرح المحبه في قلوبنا لهالشخص مع العلم ان علاقتي فيه لاتتعدى حدود المنتدى!!

الله اعلم بالحال بعد ماوصلنا الخبر..

لاكن مابيدينا الا ندعيله ونترحمله ونرجو الله انه تكون موتته خيرة له وراحه من اللي هو كان فيه!!!

وربي اللي سمعته عنه بعد الصلاة والدفن يثلج الصدر ويهون علينا..

الله يغفرله ويرحمه ويجعل ليلته ليلة مباركه بقبره..ويبدله بدار خير من داره وحال احسن من اللي كان فيها!!
والله يجمعنا وياه بجنات الخلد ازين من الدنيا ومافيها..

جزاك الله خير على كل اللي كتبت ..
هذا اخونا يامؤيد ومو سهله فقدته على الكل!!


(( اللهم اغفر ( لمحمد ) وارحمه عدد من قالها ويقولها القائلون من اول الدهر الى آخره عدد من احصاه كتاب الله واحاط به علمه واضعاف ذلك اضعاف مضاعفه وكل ضعف يتضاعف من ذلك مضاعفة ابد الابد ومنتهى العدد بلا أمد لا يحيط به الا علمه ))

[كحيـ الغفيلي ـلان]

والله ياجماعة اني حزنان مووت على فقدان حموود الله يرحمه

بس مو عارف وش اقول لاني بمواقف مثل هذي مااقدر اعبر ابد

الله يرحمه ويسكنه واسع جناته

[مـــــؤيـــــد]

همس..

كحيلان..

مشكورين على المرور .. وعلى مشاعركم وكلامكم..

يالله يارب بجنات النعيم ياحمّــود

[شوقة]

الله يرحمه ويغفرله ويسكنه فسييييييييح جناااااااااته....

ويعطيييييييك العافية الأخ مؤيد

ماقصرت.

[بنت الأصول]

آآآآآآآآآآآآآآآآآآآآآآآآآآآآآه يادنيا

اخذت أخو غالي على قلبي وربي يشهد ان مكانته غير عندي وربي مستحيل ننسى سوالفه بالمنتدى وربي غاااااااااااااالي حيل حيل بس الدنيا ماتدوم على حال لي فتره انتظر ردته وفجأه يبتعد عنا مره وحده


يالله يارب ياكريم تجيب دعواتنا

اللهم اجل قبره روضه من رياض الجنه وجعل مقره الفردوس الأعلى يارب ياكريم

مشكور اخوي على الموضوع

وعضم الله أجر الجميع