::... معك سلف ملياااااار ....::

[مـــــؤيـــــد]

( مجرد سواليف )
قابلت واحد من اللي " وشّت " عقولهم عقب الأسهم !

صارت كل سواليفه بالدراهم ! ..

سألته .. : إلا يا بوفهد وش كانت مشاريعك يوم إنك ما غير تراكض في صالات الأسهم ؟

قال : بصراحة المشاريع ما تقضي .. لكن الدراهم هي الـ " أون أوف " لأي فكرة ! .. من بين أهم الأفكار اللي جت في البال .. فكّرت لو أجمع مليار ريال .. وأشتري أرض في حدى دول العالم " السابع " .. .. مثلا .. جزيرة مساحتها عشرة أو عشرين مليون متر مربع .. المتر بـ عشرة .. عشرة .. عشرين .. عشرة ( ويومي بيده ) .. وأطير بأوراقي للأمم المتحدة .. وأقدّم على نيو " دولة " ! ..

: وش دعوى صارت كتابة عدل ! ..

: طبعا .. كتابة العدل الدولية " عاد أنتم يالمطاوعة ـ مع احترامي ـ لكن ما فيه أمل يوافقون لكم بدولة لو على أرض مترين في متر " .. لكن أنا أبوقع على كل شروطهم " وأبخششهم " .. وصدقني ما تجي السنة الجاية .. إلا وعيالك يدرسونها في الجغرافيا ! ..

: ما يخالف .. .. وبعدين ؟!

: بعدين .. أشتري طاولة وثلاثة كراسي .. وأنزّل اعلان عن مقابلات شخصية .. أي واحد يبي الجنسية يدفع خمسين ألف ريال .. ويصير مواطن صالح في بلد جديدة .. ما لها بالمشاكل !

: أووف خمسين ألف ريال .. كأنها كثير شوي ؟!

: ولا كثير ولا شي .. هذي دولة جديدة يشكلونها على كيفهم .. وبعدين فيها انتخابات .. ويمكن يصير " وزير " أو " وكيل وزارة " .. أو " مدير مكتب وكيل وزارة " ..

: أو رئيس وزراء ..

: لا .. هذي يفتح الله .. زين إذا حصلت لي ! .. المهم .. ونبدأ باختيار الشعب .. وإذا وصّلت 50 ألف نسمة .. أبغلق التسجيل بشكل مؤقت ..

: صار منتدى !

: .. يصير في خزينة الدولة على هالحال أكثر من مليارين وخمسمية مليون .. ونوزّعهم .. : عشرة آلاف من الشعب يصيرون جيش .. والباقي نقولهم " انتشروا " ويبدأ العمل من أجل بلد واعد .. وما تمر سنة أو سنتين .. إلا وحنا مثل ماليزيا !

: أحلام سعيدة يا فندم ..

: طيّب .. عندك سلف مليار .. أرجعه لك بعد خمس ست سبع سنوات بالكثير !

: تعيّني رئيس وزراء ؟! ..

: لأ ..

: أجل اسمح لي !

: شف يا حبيبي .. اختر اللي تبي إلا ( رئيس وزراء .. وزير دفاع .. داخلية .. صحّة * ) .. هذي اسمح لي .. وغيرها خذ اللي تبي !

: لأ ..

: أجل بكيفك .. !

!!!!!!!!!

( عاد لو شفت أبوفهد هذا .. كان عرفت وش معنى إذا قالوا : " ( كل ) طبقات المجتمع اشتغلت بالأسهم " !!! .. )

القصة .. ذكرتني بزميلي بالعمل " ابوابراهيم " ـ الحاصل على جائزة ثاني أبخل إنسان في العالم ـ تقهويت معه .. وقلت له : يا بوابراهيم .. لو جاك خمسميّة مليون ريال . تعطيني خمسميّة ألف ؟! .. قال : أوووووف .. خمسميّة ألف مرّة وحدة ؟! وليش .. شايفني جمعية خيرية ؟!! حدّك خمسين ألف ريال " سلف " ترجّعه بعد شهرين !! ..

وذيك آخر مرة تقهويت وياه !!

............................

منقوول..

ههههههههههههه ياحبيله راعي الموضوع هو واللي يقرب له مانن عليه بالفلوس وهي جايته بلاااااااش

صدق بعض الناس مايقنع بشي ولا يملى عينه الا .. التراب

مـــــؤيـــــد

[عبدالله سليمان العلي]

هههههههههههههههههههههههه


مؤيد انا من ناحيتي لو يجين خمسين مليون ابعطيك انا تسعو اربعين مليون وتسع وتسعين الف وتسع وتسعين ريال واباخذ الريال انا <<< الدعو هرج ههههههههههه


الصراحه انهم رايحن فيها الاثنين

اما البخيل يبي يسلف ماراح يعطي عطاء << او الله الحاله


مشكور اخوي على الموضوع المميز كما عودتنا


تقبل مروري

[مـــــؤيـــــد]

طبعك ابو سليمان كريم من نسل كرام ههههههههه

عاد الريال بقولك هذا عطني اياه بشتري فيه ببسي وانا راجع للرس
عسى ربي يغنيك ويرزقك بحلاله عن حرامه ويوفقك بكل امورك ويزرقك الوظيفة الزينه < اهم شي

ابو سليمان تميز مواضيعي في ردودك عليها يالغالي

شاكر لك

[زعيم الرس]

هههههههههههههههههههههههههههههههههههههههههههههههههه ههههههههههههههههه
هههههههههههههههههههههههههههههههههههههههههههههههههه ههههههههههههههههه
هههههههههههههههههههههههههههههههههههههههههههههههههه ههههههههههههههههه
هههههههههههههههههههههههههههههههههههههههههههههههههه ههههههههههههههههه
هههههههههههههههههههههههههههههههههههههههههههههههههه ههههههههههههههههه



واللللللللللللللللله بعدة سلف وشهرين

بس موضوع رهيب

واليك اخلص تحياتي اخوك زعيم الرس

[عبدالله الصالح]

شـــــــــــــــاكر لك
والله يرجك

[مـــــؤيـــــد]

زعيم وادلبي دلبك على هالضحكه عساها دوم يااااارب


ومشكور على مرورك

رساوي الله يرجك انت :p

شاكر لك مرورك

...

[._$برنسيـ الغفيلي ـسة$_.]

ههههههههههههههههههههههههههههه

والله انهم منسميييييييييين :)

يسلموووووووووو مؤيـد

ثانكس

[همس السكوت]

ياحسره على اخواني..

خساير بالاسهم..وماشفنا من هالافكار:)


الله يرحم حاله صاحب الموضوع هو وخويه:)

يعطيك العافيه على مواضيعك مؤيد..
ماقصرت

[مـــــؤيـــــد]

همس وبرنسيسة..

اشكركم على مروركم..

[بنت الأصول]

ههههههههههههههههههههههههههههههههههههه حلووووووووووه


الناس اليومين ذولا منهبلين بجد


يالله مشكور خيو على الموضوع

مامننحرم منك يارب

مرسي

[غلا]

>> عضوه تشاهد الجانب الاخر من المواضيع :) >> معقده عمرها :)

المهم

صحيح ياللي معاه مليار يقدر يعمل كل هالافكار هذي

اوف جوازات و ميزانية دولة و حكي كبير

معقولة والا مزحه ؟ :nosweat:

>> الجانب الاصلي بالموضوع

و الله واقع

الناس كلها متقاربة بالطباع بعد الاسهم خاصة :)

يسلمو لي مؤيد عالموضوع الحلو

ماتقصر

اشواقي

[مـــــؤيـــــد]

دلوعه .. مشكورة على مرورك

غلا.. معقوله ونص .. انا فكرت فيها بس مالقيت المليار.. وعيال عمي مو مقصرين بنصير الحكام هناك
خخخخخخخخخخخ
مشكوره على مرورك غلا