آخـــر حــــب

[غفيلية وافتخر]

آخـــر حــب كنت احسب اني عرفت الحب قبل اعرفك
وعشقت قبل اعشقك واشتقت قبل التقيك

وكنت احسب اني لقيت احباب قبل اوصلك
واثري توهمت في غيرك وانا كنت ابيك

تعال نعطش وتشربني وانا اشربك
تعال قبل الوعداجلس معي نحتريك

تعال شفني وانا استناك .. كم اشبهك
يطري علي ألف راي وراي واحتار فيك

اجي مكان الوعد والا اسبقه انطرك
والا اخذ الموعد اللي يحتريك واجيك

يااخر الحب ذقت الحب في اولك
ويااول الشوق اقصى الشوق ماينتهيك

علمتني كيف اعرفك لين صرت اجهلك
ضيعتني في متاهاتك وكنت ارتجيك

حبيب الاحلام يابعدك ويامقربك
حرام يكفي تبعثرني وانا احتويك

ان شفتك بحلم صدقته وانا اتوهمك
وان شفتك بعلم كذبته الين انتشيك

اخاف اغمض عيوني وإن رمشت افقدك
واخاف افتح وتصبح حلم ولا التقيك


من إبداعات الشاعر : طلال الرشيـــد " رحمه الله "

[بحر الكتمان]

خاااااااااااطره رائعه لشاعر رائع

رحمه الله وجعل مثواه الجنه

وسلمت اناملك اختي غفيليه ع روعة انتقائك للخواطر

[حزن وفرح]

يا اخي انتي روعه ومبدعه في كل شي

مبدعه في الكتابه ومبدعه في النقل ومبدعه في الرد

عيني عليك بارده

والله يخليك لنا ولا يحرمنا من ابداعاتك