فجر وعصافير

[حسام الغفيلي]

خلي الفجر مستور في خيمة الليـل
خليـه نايـم لا يصحـي عصافيـر
صبحك يرد الناي لقمري المواويـل
ويرد عطـر قـد نستـه النواويـر
ويخلي فنجال نسـى نفحـة الهيـل
يذكر هتـون دلال كانـت مباهيـر
ماغير صبحك صبح هـز المعاميـل
وقامت تصـوت ياهـلا بالمسايـر
انتي صبـاحٍ بـه تضيـع القناديـل
وصارت ظلام بعد كانـت مسافيـر
مدري مراويـح انتـي ولا مخايـل
على الصحاري اللي بصدري مداهير
والا انتي خطوه ماتحب المواصيـل
لعشاق صبحك وما تداني المشاويـر
وكانـك غديتـي لليالـي المقابيـل
ذكرى بقول الحظ وهـذي المقاديـر
والا انا بذكرك من جيل إلـى جيـل
في كل صبح مع زهور وعصافيـر

[مهند]

شوكووووووووورن

ولدنا الغالي ;) ,,,

الله يعافيك على الابداع >>>>>> خاصة بهذا المنتدى (الشعر والادب)


ماغير صبحك صبح هـز المعاميـل

* انت اكثر من رائع ولك كل الشكر على ماتبذله من مجهود

وصدقني انت حاليا (مسيطر على هذا المجلس),, وإلى الامام :)

* لكن لوتترك عنك بعض القصايد (القصائد) اللي مالهن داعي :eek:

[حسام الغفيلي]

هلا وغلا فيك يا مهند لكن ممكن تحدد لي القصائد اللي ماتبيهن وانت آمر وتدلل




اي قصيدة ما تعجبك قلي بس اكثر منها



هههههههههههههههههههه



ولو اني قبل ما انزل اشوف القصايد واقراها لكن ما لقيت فيها شي عيب الا كانك تقصدالطالب والمدرس



فانا ما ادري عنك

[مهند]

حبيبي ولد الغفيلي

صدقني مجهودك >>> واضح

وكمان اكبر دليل >>> الحضور القوي لك ماشاءالله

* والرد يصل لك على الخاص ;)