دعوة لحضور إجتماع الغفيلي

[فايز الغفيلي]

بسم الله الرحمن الرحيم

بمناسبة الاجتماع القادم اهديكم ابياتي المتواضعة واهيبكم الحضور:


سلام مني على العمان
واجمل كلام وترحيبه
ترحيبة كلها ريحان
والكل ارحب و اهلي به
واهدي بعد شكر والعرفان
للي جمعنا بعد غيبه
يا ملحنا يوم صرنا إخوان
بالحق والعدل نمشي به
قالوا غفيلي من العجمان
نسل الشهامة وأهل طيبه
من حقنا جدنا راكان
نفخر بذكره نماري به
قمت أتذكر زمان كان
وقت مضى كنت لاهي به
عن شوفة الربع والخلان
محروم ياللي ما تدري به
لكن ما لحد عذر الآن
لازم تشارك ماهو عيبه
حتى حضورك ضروريان
قدرك عزيز ولك هيبة
إن كنت واصل مع الجيران
وصالنا واجب تجيبه
خذها نصيحة بلا اثمان
ما الكل تصفى مشاريبه
دامك سعيد وفي آمان
نفذ حقوقك بترتيبه
احمد إلهك عظيم الشان
مسجده لازم تصلي به
والوالدين حقهم مليان
واجب علينا نوفي به
حتى عمومتك ياانسان
نسيانهم اكبر مصيبة
واللي نسى اقاربه غلطان
بيذكر كلامي بعد شيبه
واحذر من اللي طلع خوان
يمشي مع الناس بالغيبة
وانصح صديقك بخيراحسان
حتى ما تكثر عذاريبه
سقت النصايح بلا عنوان
ويمكن أبخطي ولااصيبه
وأحلى الختام الصلاة أطنان
بالوزن كله مع اللي به
والا عدد نجم زان وبان
فوق السما بعد تغييبه
على نبي الإنس والجان
اللي سكن مكة وطيبة

حرر بتاريخ10\4\1427هـ

*شكر خاص وخاص جدا لأخي وعزيزي وابن عمي وصديقي حسام على ماقدمه لي من معروف وتشجيع على طرح هذه الأبيات وامل ان تكون حازت على رضا الله ثم رضاكم.

[غفيلي وافتخر]

أخوي : قالط

كتبت فأبدعت أهنئكـ على هذا المجهود ...

همسه : الله يشفي أبوكـ

[الغفـ ولد ـيلي]

صح لسانك اخوووي قالط ,,
وان شاء الله لناء لقاء في الاجتماع :) ,,,

[حسام الغفيلي]

قالط



صح لسانك ما تكفي والله يا الغالي


الله لا يهينك وان شاء الله يعقب هالمطر سيل


لنا لقاء ان شاء الله

[غلا]

صح لسانك قالط

وربي صادق في اللي كتبته

الدنيا ولا حاجة بلا شوفت الغاليين وجمعت الاحباب

الحمد الله اللي جمعكم

قالط

تسلم ايدك اللي كتبتها

ماقصرت اخوي

يعطيك الف عافية

[MeShL]

صح لسانك اخ قالط

روعة ماشاء الله عليك

تسلم ايدك والله على ابداع ماكتبت

والله يجمعكم دوم يارب ولا يفرقكم

كل التحايا .................................

[فايز الغفيلي]

غفيلي وافتخر،ولد الغفيلي،حسام الغفيلي،غلا،meshl

ياهلا وغلا فيكم

الصراحة حضوركم ياابناء عمي هو غايتي من طرح هذا الموضوع

فلم تكتفون بالحضور فقط بل وبالمرور على الموضوع وتشريفه بردودكم المشجعة فشكرا لكم احبتي..

في رعاية الله..،

[**مقطعني الغرور**]

صح لسانك وسلمت يمناك

أخي فايز شاعر والله وعقبال التقدم ان شاء الله

بس حبيت أخذ ايميلك أو أنت اضفني
abo_mhmd9@hotmail.com

[قمر]

مرحبا

صح لسانك قالط

كلماتك جدا رائعة

ومعاني قصيدتك اكثر من رائعة

تسلم ايدك

ويسلم قلمك

ماتقصر

ويعطيك الف عافية

تحياتي

[فايز الغفيلي]

ابو محمد ، قمر

اشكركم حزيل الشكر على مروركم واطرائكم..

برايفت ابو محمد : من طول الغيبات جاب الغنايم

[روى]

ما شاء الله ما شاء الله
من ورانا
وشلوووووون يعني دايم تكتب شعر ولا بس قريحه مع الغفالا ابي تفسير منطقي
طيب حنا اولى بالشعر لو بيتين ميخالف
ذاك الشبل من ذاك الاسد الله يقومه بالعافيه ويخليه لنا ان شاء الله

[فايز الغفيلي]

روى

من يوم شفت اليوزر ظنيت ولاخاب ظني..

مرحبا بك بين اسوار منتديات عائلتك

وان شاء الله تشوفين مني اللي يسرك..

وحنا بعد ننتظر منك مشاركات..

وشكرا لك على لفتك الكريمة انتي والعضو غفيلي وافتخر بالدعاء لوالدي الله يقومه بالسلامة وجميع مرضى المسلمين

[بنت الأصول]

ألف شكر لك أخوي