قولـي احبــك

[علي اليامي]

مساء الخير

هذي قصيده لاخوي سرقتها

ابي رايكم فيها عساها تعجبكم

تحياتي...

قولـي احبــك

تكلمـي يـا بنـت تكفيـن قولـي الى متى وآنا انتظر فـي حراهـا
قولي احبك حب طاهـر طفولـي ألقصه اللي صاحبـك مـا قراهـا
قولي احبك خففـي مـن حمولـي كلمه بعينك يا غناتي اراهــــــا
بعلمك وشهــــي سبايب فضولي بحروف شعراًً من الف لين ياها

ابي السكوت اللي يحاصر فصولـي يعلم بأن الصمت حـالي براهـا
صمتك متاهه ضيعت لي حلولـي وصمتك غرس فيني الجروح وذراها
لامن ذكرتك ضاعو الناس حولي دامك غناة الروح وغاية مناها
خلي بروق البوح تـروي ذبولـي و غيمـة سكوتك بللينـي بمـاهـا

يابو رهاف ٍ كنهـا صـف لولـي وشفايف ٍ كن العسـل فـي لماهـا
وخد ٍ ندي وجفن خاثـر كسولـي وعين سكب ربي السحر في ثراها
ورمش ٍ مثل جيش ِ يخلي الفحولي تبرك على ركبها وترقب قضاهـا
وعود ٍ تهزع ليـن ٍ بـه نحولـي ويلي بري حالي الغنج في خطاها

مجنون ليلى كيف صرت مهبولي ماهي بمشاعل جعل ليلى فداها
ما انلام لانوخـت عنـده ذلولـي ما انلام يا عطر الحيـاه وشذاهـا
ماابغاك تبقى في غرامك خجولي داوي جروحي بالذي كان داها
هـذي مراسيلـي وهـذا رسولـي وانتي تعرفين الجـروح ودواهـا

[حزن وفرح]

علي والابداع كلمتان لا تفترقان ابدا

من جد حتى في السرقه مبدع

تحياتي لك

[علي اليامي]

الله يسلمك

اخوي حزن وفرح

والله لا يحرمني من قلبك الطيب

منور يالغالي بطلتك البهيييييييييييه

[غفيلية وافتخر]

يسلموووووووووووو علاوي دايما اسرق لنا من اخوك والا خله يسجل فالمنتدى
حمستني انزل الخواطرالباقيات اللي عندي لانو نزلت وحده وماحسيت عليها ردود
بس انشالله بنزل اللي عندي تشوفو غفيليه اذا روقت وعصرت مخها عصراااا :p

[علي اليامي]

الله يسلمك

اختى غفيليه

والله عرضت عليه بس

مشغووول مع برامج ومنتديات

والله يخليك لا تحرمينا من خواطرك

ومايحتاج تعصرين مخك الخواطر تطلع من القلب ;) :) :p