مشاهدة النسخة كاملة : |--*¨®¨*--|ديوان شاعر المنتدى خالد القحطاني ( طيرشلوا )|--*¨®¨*--|
حسام الغفيلي
05-27-2005, 08:13 PM
هذا ديوان للشاعر الكبير خالد القحطاني
سويتهـ قبل مدة
وبمناسبة عودتهـ البهية أبحط الديوان هنا بعد اذنهـ
وهذا آخر موضوع لي لان الاختبارات قربت
وراح يتثبت الموضوع الين ارجع
ادعوا لي بالنجاح
دار الزمـان وطبـع الايـام دوار
دار الزمـان وطبـع الايـام دوار
شمسً تشـع اليـوم لازم تغيبـي
حكمت اله الكون عـلام الاسـرار
علم بهـى راعـي الفـواد البيبـي
قبل أمس كنت اغوص غبات الابحار
و جيـب مـن خيراتهـا مايطيبـي
لؤلـؤ وياقـوتً وعنبـر ومحـار
أجيبهـا لوكـان دربـي صعيبـي
محسب حساب للخساير والاخطـار
ولاخاف كود الـي علينـا رقيبـي
وهبت رياح الصيف والبحر غـدار
ورضيت من غدر الدهر بالنصيبـي
وتحطم المركب على موج الاقـدار
وصابت وهي من قبل كانت تخيبـي
والشمس غابت واسدل الليل بستار
وياطول لليل الي فـواده صويبـي
خيل ولليل وبرد واعصار وامطـار
وصوت يغطيـه الظـلام الرهيبـي
ماتاكل الجمرة سوى من وطى النار
ولايكتوي ياكـود مـن لا يهيبـي
قنعان بس اسلـي النفـس بعـذار
ياعلـهـا لتسلـيـه تستحيـبـي
ولابد تشرق شمس بكره على الدار
وتدور عكـس الاولـه ياصحيبـي
__________________________________________________ _____________________________________
عــديـت انـا رجــم صـعـيب معــداه
ملاحظه : هذه القصيده سندها على مـاجـد عبدالله الغيداني
عــديـت انـا رجــم صـعـيب معــداه
من هــاجـسً خـرب علـي المزاجي
تجريبي الايـــام من دون مـشهــاه
دربً صعـيب ومـــــر دربً عـــدالي
يـقطـعك رجــلاً يستوي داه ودواه
لافيــــه لامــــراً ولافـيـــه حـــالي
دنيا تخلي الذيب يصبح كما الشاه
عـــزاه يادنــيا العـــناء عــزتالي
والصـاحب الي ذقـت انا عقبه الااه
ياويش اسوي لجل اشوفه اقبالي
بـذلت جهـداً اتعــب القلـب واشقاه
ومن بعـد ذيك الناس كنـي لحالي
يـاماجـد الحق صاحبك كان تبغاه
الحق على ابن جليد قبل الهبالي
ماقلت شعـري طـاربً فـي مغناه
اقولـهـا والقــلب يصـــلاه صـالي
طيري غـدىوالـذيب جاه وتعشاه
ونفسي عـزيزه مـاتذوق التـوالي
عيـت اهيـن النفـس والقلب نـــاداه
ولــولا الكرامــة طعــت قلبً يلالي
وهـذا قصيدي افهمـه قبل تقــراه
وعطنـي جوابك لا تطول الــليالي
__________________________________________________ _____________________________________
لي صاحبً يسوى كنـوز وملايين
يادنيتي شوفي وش انتي تشوفين
ماظـن احـد قـد ذاق شـيً جرالـي
لي صاحبً يسوى كنـوز وملايين
خوتـه تشـرى بالذهـب والريالـي
مدري وش الي صار جاته شياطين
شيً جرى ياناس ماهـو فـي بالـي
جاني الغلط والجرح منه بجرحين
وياشين جرح ان جاك من شخص غالي
ازعلت لجل ارضاه ناسً عزيزين
والمشكلـه مـاراءف حتـى لحالـي
ويش السوى دامه اعز المحبين
ويش السـوى يابـدر جانـي هبالـي
يقسى علي واقول باكر يبـا يلين
ولازلـت انـا ويـاه فـي هملالـي
وياجعل ربي يحفظه مع هل الدين
واذوق عقب المـر صافـي الزلالـي
__________________________________________________ _____________________________________
كم واحداً سافر دمشقً وبيروت
سالفتها تعرفونها من القصيده ولاكن بوضح لكم شوي
احد اعز اصدقائي سافر لشام ورجع متغير علي المهم كنت اتحاش
الكلام معه لدافع الصداقه وفي ذيك الليله جاني وعطاني ورقه
مكتوب فيها بيت يقول فيه
جاني الخطاء منك وانا بلحظت اسكوت
وياشين صمت الي انجرح من خويه
فرديت عليه في نفس الساعه بهذه القصيد التي ارجو ان تحوز على استحسانكم
تغلط وسامح والخطاء منك مزموت(محذوف)
لاكـن تــرا الــزلات مـنـك قـويـه
معزتـك بالقلـب بـانـي لـهـا بـيـوت
يشـهـد عـلـى مـاقـول رب البـريـه
كـم واحـداً سافـر دمـشـقً وبـيـروت
وعـود ولاكـن ماطعـن فــي خـويـه
لـك كـم يـومً مخلـفً نغمـت الصـوت
منـتـب خـويـي راعــي الاولـيــه
وتقول انا غلطـان فـي لحظـت اسكـوت
وشلـون مغلـط وانـت تغـلـط علـيـه
طبع الزمـان أيـدور وكـلً يبـى يمـوت
واخـذ الكـلام الـيـوم مـنـي وصـيـه
خـلـك خـبـري كـريـمً وشـفـلـوت
وعـدل مسـارك عــن دروب الخطـيـه
اسمـع كلامـي قبـل لايفوتـك الـفـوت
وتـذوق عقـب الحـلـو مــر التـريـه
__________________________________________________ _____________________________________
لا صرت تبغى يجي لك شان
لا ترخص الصاخب الغالي
هذي قصيده سندها على احد الاصدقاء
يقاله ماجد الغيداني الحربي
مناسبتها كنت اسولف معه وانشده عن الجامعه وقال تعرفت
على طالب معي في نفس القاعه حجازي يقول الرجال
ذيبان ماشفت منه شي يقول مازل عليه يومين لرجال يعرض علي
ولا يسلم ولا حتى صباح الخير يقول بعدها سحبت عليه وجمدته
وكتبت هذي القصيده وسندتها عليه اتمنا انها تحوز على استحسانكم
ياماجد اقعد وخل ريان
وجنب عن افلان وافلاني
احـذر مـن الــي رداهــم بـان
احـذر رديــن الافعـالـي
المرجلـه نـارهـا نيران
اصـبـر عـلـى الـنـار والصـالـي
لاصـرت تبغـى يجيلـك شان
لاترخـص الصـاحـب الغـالـي
وفشـعـر انــا شـاعـراً فـنـان
اوزن واعــدل باللحـانـي
افـهـم كـلامـي بــلا نقصان
افهـمـه ياطـيـب الـفـالـي
واقبل تحية بني قحطان
ياشاعراً قيل غيداني
حسام الغفيلي
05-27-2005, 08:14 PM
كل ينشدني عن الحال وش فيه
كلً ينشدني عن الحال وش فيه
محداً دراى اني ذقت مر الليالي
ومـحـداً درا ان القـلـب كـثـرة بلاويـه
ولـحـد نـشـدنـي ويـــش هـو اللــي جـرالــي
احــداً مــن الـخـلان بالغـصـب نغلـيـه
واحـداً لـونــه كـفــو مـاهــوب غـالــي
واحـــدأً كـريــم وتـفــل الـطـيـب أيـاديـه
واحــدأً رديً مـايـســاوي ضــلالــي
واحــداً لــون خـوتـه تـشـرى بنشريـه
واحـداً يـبــي الـخــوه وانـــا مـاطـرالـي
مـاخــاوي الا مـــن يـقــدر محبـيـه
الـي الـيــا مــنــي نـصـيـتـه عـنـالــي
الـصـاحـب الـــي بالمـواجـيـب نوفـيـه
والـيـا بـغـيـتـه دوم شـفـتــه قـبـالــي
ياجعل بعض الناس تصبح مواطيه
الي بخوتهم خسرت الرجالي
__________________________________________________ _____________________________________
فلا تستمع للبث يوم انتها الارسال
قبل لا تعاتبني دخيلك تشـوف الحـال
نزيف الجروح اثر على الحال واتعبهـا
لذالك فهل يعقل تقوليـن. وش لحـوال
والحوال تنقص يـوم صـدك سبايبهـا
قض العمر ياقسي على الحل والترحال
نروح ونرد ولجلـك الرجـل نتعبهـا
مع العلم حبك ثابتً في الحشى مـازال
وروحي وصالك ياعنى الروح مطلبها
تصبرت صبر وطال صبر المعنى طال
واحس بعذاب الصبر وايامي احسبهـا
وبعثت الرسايل ماوصل منك لو مرسال
حبيبـي مراسيلـك علـي لا تشحبهـا
وقالـو كـلام ولا تسمعـت للـعـذال
وجميع القرايب من سبايبـك مغضبهـا
وبان السبب والي معه حيلتـن يحتـال
تبيـن الخوافـي لا لقـت مـن يقلبهـا
ومن قبلنا قالو هل العـرف والامثـال
اموراً تضـرك واجـب انـك تجنبهـا
فلا تستمع للبث يـوم انتهـا الارسـال
نهاية غرورك واجـب انـك تحملهـا
وانا يوم شفت المسأله تنتهـي بشكـال
تركت البقيـه لـك لعلـك تمـر ابهـا
__________________________________________________ _____________________________________
انا يومً كتبت الشعر قلته لك وانا ملزوم
انا يومً كتبت الشعر قلته لك وانـا ملـزوم
وملازيم الرجل لابد يحميها كمـا عيالـه
كتبته لجل ابين لك خوافي فالصدر وهموم
همومً تجعل العاقل خبـل ويظيـع بهبالـه
سببها دنياً عيت تجاريني ولـو فـي يـوم
اجيها في دروب الطيب ترميني على حثاله
الاياويش اسوي كان هذا الحظ والمقسـوم
رميت الدلو لاكن طاح مني الدلو وحبالـه
زمان صار فيه الحر الاشقر مع عيال البوم
وصار الذيب يسرح بالغنم وينـام بظلالـه
وانا ماقلت شعري كود من علمً قفاه اعلوم
علومً ماتخلي خالد ابن جليـد فـي حالـه
ترا عيني لها مده سهيره ماتـذوق النـوم
سجين الهم وش ذنبـه اذا محـداً تعنالـه
ابي منك طلب تكفاء دخيلك انصر المظلوم
تحزم يابو خالـد لاتخلـي خالـد الحالـه
__________________________________________________ _____________________________________
بكتب لبوشافي من الشعر بيتين
**ملاحظة** : ابو شافي = يوسف الحربي ( مراقب في منتدى عزازي )
بكتب لبوشافي من الشعر بيتيـن
بيـتً يهـز امعلقـات القوافـي
البيت الاول فيه شين من اثنيـن
اما كلامي صـح والا عوافـي
والبيت الاخر دبرت الله تبى تبين
امـا تجـي قـدام والاخلافـي
وان كان حضي راح يم المقفيـن
نصيت لي رجلً كريـم سنافـي
رجال فالوقفات مايلحقـه ليـن
دايم على نقل الصعيبات وافـي
شرواك يايوسف يساوي ملايـن
عند الرجال الي على الطيب تافي
جتني الرسايل وافيه بالعناويـن
من ذيبً جات ماهـوب هافـي
ويايوسف الرجال فالوقفه ايبيـن
واليوم لك يالذيب سنـدت قافـي
__________________________________________________ _____________________________________
ياقلم مالقيت الا انت تجلي لـي الهمـوم
ياقلم مالقيت الا انت تجلي لـي الهمـوم
ولا لقيت احداً يسوي لي سواتـك ياقلـم
قبل اعرفك ياقلم عايش بدنياي امحـروم
وعقب عرفك زال مني الظيم وانزال الالم
عايش بدنياً تذل الرجل وتعـز الرخـوم
دنياً فيها يصير الرجل من ظمـن الجلـم
والامو اليا تساوت نبـي نفـرك خشـوم
قلتهـا والله مايسلـم سـوا منهـو سلـم
من يبي يرفع مقامه رقى فـوق النجـوم
ومن يبي ينزل مقامه ربـظ بيـن الغنـم
ومن يبي يجعل له بتاريخ صفحاته وسوم
يعتنز له في رجالاً علـى العليـا همـم
لاعتزيتبهم يجونك لو قفا علمـك علـوم
مع لامن الزمن عـزك ولا منـه ظلـم
رفقةً تسوى ملايـن التجـاره والسهـوم
جعل يفداهم جميع الي بـه الدنيـا حلـم
عندهم متجمعه كـل المراجـل والعلـوم
وفي علوم الطيب محداً مثلهم اصبح علم
وياقم ابشـرك زالـت وخلتنـي الهمـوم
هل حبرك وانثر ابياتـك ولحـن ياقلـم
حسام الغفيلي
05-27-2005, 08:16 PM
لا ترتجي امن المقفي معونة ( مرادية )
سند على الشاعر بدر بن مسحل الغيداني
قصيده ليس موجوده عندي كامله بس انا حافظ اولها يقول فيها
سر ياقلم وأكتب لبوجليد خطين
خط سلام وخط يطلب معونـه
شين جرا ياصاحبي يوم الا ثنين
من صاحبن لصد نفسي تهونه
لمو عليه مفرقيـن المحبيـن
الي بوقـت الحـق ماينفعونـه
واعذروني لنه سندها علي وحنا في الاستراحة وماامداني اخذها
منه بس حفظت البيتين الاولين المهم الرجال يشتكي من خوي له
كان معه على الحلوة والمره ثم راح وخلاه
ورديته عليه بها القصيد الي اتمنا انها تحوز على رضاكم
يامرحبا بك يابو مسحـل هلاويـن
ترحيبة مـن قلـب زادت اشطونـه
ترحيبـة تنصـاك بيـن الغياديـن
ياشاعراً جانـي تسوقـه حزونـه
في ذا الزمن ماينعرف شين من زين
وصاحبك ماتعرف مزوح اوطعونـه
هذا زمان الغدر والكـذب والشيـن
دنيا الردا ياخـوك دنيـا المهونـه
ابنصحك يابـدر نصيحـت محبيـن
جنب عن الي بـاع نـاسً يبونـه
لاباعك الانـذال بعهـم لـو ابديـن
بعهم ولا تترك لهـم مـن ميونـه
ولاشفت خلان الرخاء عنك مقفيـن
طبـق لهـم ياخـوك مايفعلـونـه
والمرجلة يابـدر تبغـي شجيعيـن
ماتبتغـي رجـلاً تـلـوا متـونـه
اقولها لك يابو مسحل مـن الحيـن
خـوت رفيـقً صـد لالا تصونـه
لاصد عنك صد لوهو مـن ادنيـن
لاترتجـي امـن المقفـي معونـه
واقبل تحية شاعـراً رد لـك ديـن
وان كان عندك شعر عطني فنونـه
__________________________________________________ _____________________________________
جيت ابكتب والقلم عيـى يطيـع
جيت ابكتب والقلم عيـى يطيـع
قمت احاول به على كل الجهـات
لين شفت بدنيتـي شـي فظيـع
شفت كل اهموم بقعـى مقبـلات
قام يمنعني عـن العالـم منيـع
كن مافي غيـر خالـد بالحيـاة
ان نزحت ايسار شفت امراً شنيع
وان نزحت ايمين جتني مايـلات
يالله المعبـود يالـرب الشفيـع
اشفع لمنهو فقـد طعـم المبـات
ويالله انـك لاتخلينـي اضـيـع
في حياة شتـت فكـري شتـات
اغفر اذنوبـي الاهـي يالسميـع
وافرج اهمومي قبل شوف الممات
وطيرشلوا صاح من شين فظيـع
يوم شاف اهموم بقعى مقبـلات
__________________________________________________ _____________________________________
قم ياحمد واذبط لنا الكيـف بالدلـه
قم ياحمد واذبط لنا الكيـف بالدلـه
كيفً يجي من وراء صنعاء لنا عاني
يعدل الي طغى بالـراس مـن علـه
وان ماشربته يصير الجسم مرضاني
ومن بعد ذالك بقول القول وافطن له
قولً يخلي سليـم الجسـم وجعانـي
احذر زمانك ترا الدنيـا بهـا خلـه
دنياً تخلي ردي الاصـل لـه شانـي
والرجل لاصار محداً يكتسـي ضلـه
مامن وراء عيشته ياكود نقصانـي
يقوله الـي غـزاه الهـم واحتلـه
يوم ان غيره من العربـان طربانـي
والسيف سله دخيلـك ياولـد سلـه
سله قبل لايجـي بالصـدر نيشانـي
ترا زمانك زمـان الهـون والذلـه
فيها الحرامي بري والاجودي جانـي
تلومني يوم اقـول الشعـر واهلـه
ارجي عسى انسى همومً بي وتنساني
لاكن هموم الدهـر لرجـل منسلـه
تقضي على بكرة الاقصين والدانـي
ويالله عسى مايجي في دنيتـي زلـه
واعيش من عقبها في العمر ندماني
__________________________________________________ _____________________________________
رد على قصيدة أخوي ابوشافي ( ربعي يا خالد يوم الاخوان )
هذي قصيدة ابوشافي
خط القلم في تالـي الليـل بيتيـن
ينخابهـا اللـي مايخلـي رفيقـه
ربعي ياخالد امس بالروض ممسين
وجدي عليهـم بـد كـل الخليقـه
ربعي حداني عنهم حظـي الشيـن
دايم يعاكسنـي ويخلـف طريقـه
ربعي مخوتهم عن النـاس تغنيـن
اهل الوفى والطيب هذي الحقيقـه
ربعي ياخالد يوم الاخوان قسميـن
دايم سوى ما احد(ن) يخلي رفيقـه
ربعي غلاهم راجح(ن) بالموازيـن
من فوق ناس(ن) قربهم مانطيقـه
ربعي عددهم اربعه فوقهـا اثنيـن
اوصافهم مثل الصقـور الطليقـه
ربعي ياخالد شوفهم غاية العيـن
وجدي عليهـم بـد كـل الخليقـه
وهذا ردي على ابوشافي
يامرحباً بالـي نصانـي ببيتيـن
ترحيبةً تشتـب مثـل الحريقـة
ترحيبة تسوى هل دبـي والعيـن
والي سكن وسط الخليج ومظيقة
لجلك بزين منتدا الشعـر تزييـن
واعدلـة ليـن ايتلامـع بريقـة
وباطلع الخافـي وابينـة تبييـن
وانطقـة ليـن يتعـدل نطيـقـة
جتني حروفك تشتكي بعد غاليـن
شوفت هلك تسوى الوجيه الطليقة
ربعك رجالً بالمواجيـب وافيـن
لاجاهم المهمـوم ينـزال ظيقـة
احروب لاصاح المنـادي ملبيـن
هم فزعت المظلوم لانشف ريقـة
قومً على فعل المـروه سلاطيـن
يشهد لهم تالي الزمان و عتيقـة
ولاجت لجازة عب موترك بنزيـن
ثم غير السيفـون ويـا صديقـة
واركب على لومينهً وارد الفيـن
وانصى بها خط القصيم و طريقة
واقبل تحية شاعر امن القحاطين
يصوغ شعره في البيوت العميقـة
__________________________________________________ _____________________________________
لولا عزازي ما تركت النداوي
زادت جروحي يابوشافي وونيـت
ونـت كسيـراً مالقالـه مـداوي
مافادني ياخـوك يمكـن وياليـت
ومافادني سجات بعض الحـراوي
ياخوك انا فـي دنيتـي ماتهنيـت
مكتوب أعيش العمر كلة شقـاوي
(مشرف)جروحي ثبت الهم تثبيـت
الين صـرت اليـوم للهم قـاوي
لولا الشعر ماكان للمنتـدا جيـت
ولولا عزازي ماتركـت النـداوي
ولو مالقيت رجال مثلك شفاليـت
حرام لقظي العمر ذيـب خـلاوي
وأن كاني يأخوك في الشعر وليت
أشطب علي ثم حطني عضو هاوي
حسام الغفيلي
05-27-2005, 08:18 PM
الطير روح ولاعاد التفت لية
الطيـر روح ولا عـاد التفـت ليـه
والله علم ويش عقب الطير يجرالـي
روح وخلا بوسـط القلـب ماريـه
ماريـةً جـددت حلـي وترحـالـي
همً علـى غـم والحالـه شقاويـه
من عقب ماطار صار الفكر بي سالي
هذا جزات الذي يعشق علـى النيـه
حبيت من قلب لاكن ويـش سوالـي
كنت احسب اخطاه بالروحات والجيه
والقلب يرتاح لامن شافـه اقبالـي
لاشفت زوله ابنشـر لعنبـو حيـه
ولادق رقمه علـى ايطيـح جوالـي
انشهد انـه كوانـي ياعـرب كيـه
واحرق ضلوعي بناره مير يهنالـي
ماشفت بالكون يالاجـواد انـا زيـه
هو الوحيد الذي دايـم علـى بالـي
شوفه يداوي همـومً بـي مخفيـه
ياليتنـي دايـمً ويــاه بالحـالـي
يفداه كل العـرب واهـل السعوديـه
ويفداه قلـبً همومـه دوم نزالـي
لاكن على الله يعـود ويلتفـت ليـه
ومن عقب ماذقت مره اشرب الحالي
__________________________________________________ _____________________________________
ترقد وانا ذيبً مع الليل ساري
لاتحسب اني خايفً منـك منحـاش
ترقد وانا ذيبً مـع الليـل سـاري
أشيل حملً يعترض دونـه الجـاش
حملً يشيله من على الطيب ضاري
ركبت جيبً يحفـر الارض لاطـاش
ورقيت رجـمً ماتجيـه الضـواري
وسويت كيف البن مانيب حشـاش
وقربت مقداعـي وشبيـت نـاري
وقمت اتغنى في هدب سود الارماش
الي اليا شفتـه بـرا الهـم بـاري
اول نهاري قنص في ديرة عمـاش
واخر نهاري اشتوي في القمـاري
واول نهـارك ميـتً فيـه يـالاش
واخر نهـارك تبتـرم بالحـواري
وانا من الي ممتهن ذبح الاكبـاش
وانته من الي يكرمـون البخـاري
كلً من العربان بالطيب لـه حـاش
وانته تمردغ بالردا فـي نحـداري
واخذ الكلام اليوم يالاجودي كـاش
فارق تقلـع لاتجـي حـول داري
__________________________________________________ _____________________________________
قصيدة مسندة من جليس القمر وردها
**ملاحظة** : جليس القمر= محمد الغامدي ( مشرف في منتدى عزازي )
قصيدة محمد ::-
ارسل سلامي عدّ همـال الأمطـار
وعداد سيل ٍ يهـدج الارض جـاري
للصاحب اللي يكرم الضيف والجـار
الصاحب الي له على البال طـاري
يا طير شلوا لـك مكـان ومقـدار
بين الضلوع اللي لها القلـب واري
شاعر ولد شاعر وجت منك الأشعار
جزله معانيهـا لهـا الكـل قـاري
شهم ٍ شجاع ٍ راعي الطيب مـدرار
يا سعد منهو لخوة الذيـب شـاري
خالد ترانـي تايـه الفكـر محتـار
من هـم ٍ امـزود لهيبـي ونـاري
سهيرة ٍ عيني إلى وقـت الأسحـار
حتى ونيني شاكـي ٍ منـه جـاري
سبة جحود ٍ قاسـي القلـب جبـار
خلى حياتي بيـن مقبـل وسـاري
خطاه فينـي ملتـه كثـر الأعـذار
عذروبه انه في شقى الروح ضاري
اشكي عليك الحال من غير تكـرار
ابيك تفـزع لـي وتاخـذ بثـاري
وهذا الرد
أرحب عدد ماقال أبن باز الاذكـار
وعدد مايطري على البـال طـاري
وأهلاً هلا مليون يانسـل الاحـرار
أهلاً هلا مليون وسمـع قـراري
لك يامحمد داخـل القلـب مقـدار
يعلم بـه الـي عـز دارك وداري
مثلك محلة عاليـاً فـوق الاقمـار
شيخً ولد شيـخً ولطيـب ضـاري
من نسل غامد مكرم الضيف والجار
هو مزبن الي جاه في الليل ساري
يابوحميد اشعـل الحـرب والنـار
وانا معـك باخـذ بثـارك وثـاري
وان مالقينا من جدى العلم قنطـار
لابـوة حـبً ظيعـوه الـعـذاري
ومن لايسجل صافي الحب بشعـار
ماله محـل ولا ولانيـب شـاري
خلة جعل بقعـى توريـه الاخطـار
وتذوقه مـر الدهـر ليـن يـاري
وختامها يامرحبا بنظـم الاشعـار
وان ماشعلت النار شبيـت نـاري
__________________________________________________ _____________________________________
لودريت أش صار فيني
ياحبيب الروح وشبـك
ليـش تجفانـي بحبـك
منيتـي والله قـربـك
وانـت تتغلـى علـي
والله انـي مانسيـتـك
لا ولا حتـى جفيـتـك
ولوتبينـي اروح بيتـك
والله انـي لـك لجـي
ولودريت اش صار فيني
مااجيك انتـه تجينـي
يا..... ظاعت سنينـي
لجل احط يـدك بيـدي
والمصيبـه مادريتـي
لا ولاحتـى رائيـتـي
نايمـه والا صحيـتـي
رايـح فحبـك وطـي
ارحمي حـال المعنـى
الـي بوصافـك تغنـى
سـارحً منـى ومنـى
ظيـع ادروب الحكـي
لاتزيـدي لـي عنايـة
لاتقولـي ذي النهايـة
لاتهـدي ذي البنـايـة
ارحمي حـال الشقـي
لاترديـنـي دخيـلـك
دام قلبك هـو دليلـك
ليتني اصبـح حليلـك
ياصـلاتـى عالنـبـي
حالة العاشـق ذليلـة
دايـم ايضيـع دليلـة
الله الــي نرتجيـلـة
ولانبي من الناس شـي
والختـام الله حسيبـك
كـان خليتـي حبيبـك
يامتى رجلـك تجيبـك
يامتـى تجيـن لــي
__________________________________________________ _____________________________________
الــروايـــه
يامبحرً في حبـك ذيـك الروايـه
مافيه غيري ياولـد بـدة النـاس
ترا الشعر عنـدي مجـرد هوايـه
أكتبه لاهاضت شجوني بقرطـاس
أكتبه لامن شفـت غايـة منايـه
لامن تعلق خافقي بيـن الانفـاس
لامن تسنـت صورتـه بالمرايـه
تذوب قيفان الشعر عشق وأحساس
وأكتبه لامـن خالفتنـي النوايـه
لامن شربت المر كاسً ورا كـاس
لامن ضاعت هقوتي في أخويايـه
مالي ببيتً ماعلى قاعتـه سـاس
وأكتبه لامن صار حظـي ورايـه
اليا أنتكس حالي مثل حال جساس
اليا تساوى مغربي مـع ضحايـه
لامن سطى بالفكر غيبه وهوجاس
قسمة لك شعـري ثلاثـة زوايـه
الحب والخوة وحالـي الا احتـاس
وختامها الشعـر عنـدي هوايـه
أكتبه لاهاضت شجوني بقرطـاس
حسام الغفيلي
05-27-2005, 08:21 PM
يا بنت حالي تعب
من سبتك قام قلبي ينزف أجروحه
من موقفك مالقيت أحـداً يداويهـا
مغير أهوجس مع الجيات والروحه
متى تعود السفينـة فـي موانيهـا
والفكر مترنـحً كنـه بمرجوحـه
يالله دخيلك ترد المـاء لمجاريهـا
والزلة الي تجيني منـك مدموحـه
غصبً على أدمح الزله ومشيهـا
من حبني لك أهد الوقت وصروحه
وبني صروحً تعلت بـي مبانيهـا
يابنت حالي تعب ماتسمعي نوحـه
هجرك ترا زاد بجروحـي بلاويهـا
قضيتي معك في جدولك مطروحـه
خلي المشاكل تفارق هي وماضيها
مادام نبع المحبـه فايـحً فوحـه
هيمي معي للأبد من دون طاريهـا
جيتك رجل واظحً نهجه ومصلوحه
راس الشرف رايتي مرضى بواطيها
يابنت شيً بقلبي وأسمعـي بوحـه
هديتـي تـب تجيـك ولا ترديهـا
أنا رجل لجل حبك مهديـن روحـه
الا والله الا مهدين روحه وراعيها
__________________________________________________ _____________________________________
أشكي زماني والزمن يشتكيني
أشكي زماني والزمـن يشتكينـي
مدري انا الغلطـان والا زمانـي
أن جيت ابضحك تذرف الدمع عيني
وان جيت أببكي قام يضحك لساني
أشري زمانـي قبـل لايشترينـي
صنن مغطى قبـل لحـد ايحدانـي
أخاف لامن قلت بـس اللسنينـي
تشريني الدنيا علـى حكـم ثانـي
وين أنـت يالـي لابغيتـه يجنـي
وين انت يالي لاتضايـق نصانـي
ياصحبي ذا وقعـك اليـوم فينـي
نسيتنـي والا زمانـك نسـانـي
أمن أولً تنشد اليـا غبـت وينـي
واليوم تشييك الحسابـات جانـي
ياصاحبـي ياجعـل ربـي يعينـي
وأنساك وأنسى من بعرفك بلانـي
لاصار مالي نجـدةً مـن يمينـي
شربي على يدين الهملش يبانـي
أنا عبيدي ومن روس القحاطينـي
وأبوي شيخً على الجودات ربانـي
أسل سيفي الامن حان له حينـي
وحفظ الكرامة زهابً لي وعنواني
أقولها والخوافـي باكـر أتبينـي
والله يعلم ووش الي زاد وجدانـي
هذا زمانً تكاثـر بـه عدوينـي
وانا جبل راسين في وجه عدواني
حسام الغفيلي
05-27-2005, 08:25 PM
خالد
تقبلها هدية
اخوك الصغير
حسام الغفيلي ;)
وادعوا لي يا عااااالم
مع الف سلامة :باي:
تركي الغفيلي
05-28-2005, 04:11 AM
تغلط وسامح والخطاء منك مزموت(محذوف)
لاكـن تــرا الــزلات مـنـك قـويـه
معزتـك بالقلـب بـانـي لـهـا بـيـوت
يشـهـد عـلـى مـاقـول رب البـريـه
كـم واحـداً سافـر دمـشـقً وبـيـروت
وعـود ولاكـن ماطعـن فــي خـويـه
لـك كـم يـومً مخلـفً نغمـت الصـوت
منـتـب خـويـي راعــي الاولـيــه
وتقول انا غلطـان فـي لحظـت اسكـوت
وشلـون مغلـط وانـت تغـلـط علـيـه
طبع الزمـان أيـدور وكـلً يبـى يمـوت
واخـذ الكـلام الـيـوم مـنـي وصـيـه
خـلـك خـبـري كـريـمً وشـفـلـوت
وعـدل مسـارك عــن دروب الخطـيـه
اسمـع كلامـي قبـل لايفوتـك الـفـوت
وتـذوق عقـب الحـلـو مــر التـريـه
:)
هاذي الابيات روعه
الف الف شكر حسووووووم
وتسلم اديك اخواي خالد على الابيات الروعه ;)
فايز الغفيلي
05-28-2005, 01:55 PM
صح لسانه
والله قصائد روووووووووووووووووعة
وابيات قوية
مشكووووووووووووووور
الف شكر ياطعين على النقل
وسلم لنا على الشاعر خالد
**مقطعني الغرور**
05-28-2005, 02:22 PM
مشكور أخوي
حسسسسسسسسسسوم
ومشكو يا خالد ع القصائد
طيرشلوا
06-22-2005, 10:38 AM
والله ماأدري وشلون أشكرك أو أكافأك بة ياطعين الدخيل
صراحةً اخجلتني بأهتمامك الدائم بي
ومجهودك الي تبذلة عشاني
ماأقدر أقول الا الله يعيطك العافية والله يساعدني على رد الجميل
وأيضاً أشكر الاخوان فتى الغفيلي وقالط وأبومحمد
على مرورهم وتشريفهم لديواني
واكرر شكري لك ياطعين الدخيل على كل حرف كتبتة
تقبل خالص تحياتي
بحر الكتمان
06-22-2005, 10:15 PM
ربي يعافيك ع المجهود الرائع سلمت ياغالي
death
08-03-2005, 01:26 AM
بصراحه قصائد رائعه
تسلم اخوي طعين
لاهنت على المجهود
والف شكر لك
vBulletin® v3.8.4, Copyright ©2000-2012, Jelsoft Enterprises Ltd.