مشاهدة النسخة كاملة : (( هل أثر النت على حياتك ؟؟؟ شارك بردك ))
حزن وفرح
05-23-2005, 01:29 AM
- منذ متى بدأت باستخدام النت؟
- ماذا شدك للنت هل هو مجرد فضول ام لزيادة الثقافه والمعرفه
ام لصقل مواهب معينه تتمتع بها ؟
- هل تقبل الاهل لاستخدامك الانترنت فورا ام كان هناك تردد ؟
- هل تغيرت حياتك بشكل عام بعد دخولك عالم النت ؟
- هل كانت نظرتك للنت هي نفسها قبل استخدامه ام تغيرت؟
- هل وجدت ظالتك اللتي كنت تبحث عنها في النت ام لم تجدها حتى الان؟
- هل أثر النت على حياتك الاسريه والروابط العائليه سلبا ام لا؟
- هل جربت يوما ما الدخول الى غرف التشات وان جربتها هل
صدمت من واقع شبابنا وبناتنا المؤسف في تلك الغرف الفارغه ..
وهل ندمت على دخولك لتلك المواقع؟
- ماذا سيكون موقفك لو تم الغاء النت نهائيا في بلدك؟
مع فائق التحية والاحترام
حزن وفرح،،،
miss_sweety
05-23-2005, 01:52 AM
- منذ متى بدأت باستخدام النت؟
بعد تخرجي ... منذ سنه تقريبا او اكثر شوي...
- ماذا شدك للنت هل هو مجرد فضول ام لزيادة الثقافه والمعرفه
ام لصقل مواهب معينه تتمتع بها ؟
اللي شدني للنت اني ما احب ان العالم تمشي وانا واقفه واللي كان مانعني عنه _ دراستي _
وطبعا .... اخوي ... هو اللي شيب شعر راسه لحد ماعلمني ... الله يخليه لي
اول الوقت كان حب استطلاع كنت ادخل جوجل واحوس اي شي اكتبه ماu\عرفت شلون الناس يستخدمونه بس مع الوقت حسيت اني فعلا بديت اصقل مواهبي عن طريقه
- هل تقبل الاهل لاستخدامك الانترنت فورا ام كان هناك تردد ؟
بالطبع فهم من شجعني على ذلك...فالحمدلله اهلي واثقين بتربيتهم لي واني وصلت لعمر قدرت اميز فيه الصح وين والغلط وين؟؟
- هل تغيرت حياتك بشكل عام بعد دخولك عالم النت ؟
صراحه لا هذي انا من يوم ولدتني امي ... بس زمان افكاري محصوره على معارفي شخصيا.. وابالوقت الحالي احس افكاري بدت تاخذ مجراها ... و زادت ثقتي بنفسي...
- هل كانت نظرتك للنت هي نفسها قبل استخدامه ام تغيرت؟
اكيد تغيرت....
- هل وجدت ظالتك اللتي كنت تبحث عنها في النت ام لم تجدها حتى الان؟
نعم اكيد وجدتها اول اذا كنت ابغى معلومه عن اي شي ........ يتقلب وجهي 60000 لون واستحي اسال العالم
اقول الحين يقولون وش هالغبيه اللي ماعندها سالفه.... والنت لبى لي تساؤلاتي
- هل أثر النت على حياتك الاسريه والروابط العائليه سلبا ام لا؟
ايجابيا نعم..........فكنت اطبع المواضيع اللي تعجبني واقراها عليهم .....او المسابقات .......يعني اتفلسف عليهم بكيفي ههههههههههههههههههه
- هل جربت يوما ما الدخول الى غرف التشات وان جربتها هل
صدمت من واقع شبابنا وبناتنا المؤسف في تلك الغرف الفارغه ..
وهل ندمت على دخولك لتلك المواقع؟
صراحه ماجربت ولا حبيت اجرب.....حتى اخوي يوم علمني قال لي عن كل اللي يصير وقال تبغين تشوفين شوفي بسلامتك بس على فكره تراك تتندمين
وانا ما احب اني اندم على شي سويته بحياتي ........... خاصة بالأمور اللي تحاول تخدش حيائي
- ماذا سيكون موقفك لو تم الغاء النت نهائيا في بلدك؟
شعور اي مواطن سعودي..............بس بيني وبينكم راح افقد مندى الغفيلي
مع فائق التحية والاحترام
حزن وفرح،،،
وشكرا لك يا اخي على طرحك المميز والحوار الهادف
miss_sweety
حزن وفرح
05-23-2005, 01:57 AM
الشكر موصلك لك اختي على تواصلك معنا ومشاركتك لنا الحوار
وننتظر بقية الاعضاء لنسمع رأيهم انا بقول رأيي بس مو الحين خلني اصبر شوي
تركي الغفيلي
05-23-2005, 02:17 AM
هلا حزن وفرح اتمنى اجاوبك بصرااااااااحه
- منذ متى بدأت باستخدام النت؟
من حوالي سنتين
- ماذا شدك للنت هل هو مجرد فضول ام لزيادة الثقافه والمعرفه
صرااحه فضاوه وحب معرفه ووناسه
ام لصقل مواهب معينه تتمتع بها ؟
مدري يمكن
- هل تقبل الاهل لاستخدامك الانترنت فورا ام كان هناك تردد ؟
يعني شبه كانو مترددين
- هل تغيرت حياتك بشكل عام بعد دخولك عالم النت ؟
يعني صرت احاول اقعد بالبيت ولقيت شي يشغلني
- هل كانت نظرتك للنت هي نفسها قبل استخدامه ام تغيرت؟
يمكن تغيرت
- هل وجدت ظالتك اللتي كنت تبحث عنها في النت ام لم تجدها حتى الان؟
مدري بس وناسه
- هل أثر النت على حياتك الاسريه والروابط العائليه سلبا ام لا؟
لا عادي
- هل جربت يوما ما الدخول الى غرف التشات وان جربتها هل
صدمت من واقع شبابنا وبناتنا المؤسف في تلك الغرف الفارغه ..
وهل ندمت على دخولك لتلك المواقع؟
عااااااااااادي صراحه دخلتها وكرهتها لاني شفت البلاوي فيها
- ماذا سيكون موقفك لو تم الغاء النت نهائيا في بلدك؟
صرااااااحه بصوووووووووع النت ما سكني شوي على الاقل لازم الساعه ثنتين اكون عنده
مع فائق التحية والاحترام
حزن وفرح،،،
مشكووووووووووووور
حزن
روان الغفيلي
05-23-2005, 02:59 PM
- منذ متى بدأت باستخدام النت؟
قبل سنتين من لما كنت بسادس كنت ماادري وين الله حاطني بس شبكت النت صرختي وصلت المريخ اذا قبل سنتين سمعتوا ضحكه تراها ضحكتي ..
- ماذا شدك للنت هل هو مجرد فضول ام لزيادة الثقافه والمعرفه
ام لصقل مواهب معينه تتمتع بها ؟
صراحه فضول كنت اشوف اهلي يدخلون وانا لا وكنت ابي اعرف وش فيه عشان يدخلون
- هل تقبل الاهل لاستخدامك الانترنت فورا ام كان هناك تردد ؟
عااااااااااااااااااااااادي
- هل تغيرت حياتك بشكل عام بعد دخولك عالم النت ؟
اكيد ..
- هل كانت نظرتك للنت هي نفسها قبل استخدامه ام تغيرت؟
لا اكيد تغيرت
- هل وجدت ظالتك اللتي كنت تبحث عنها في النت ام لم تجدها حتى الان؟
صراحه لا لان ماكان عندي شي ابحث عنه
- هل أثر النت على حياتك الاسريه والروابط العائليه سلبا ام لا؟
مره ميه وثمانين درجه
- هل جربت يوما ما الدخول الى غرف التشات وان جربتها هل
صدمت من واقع شبابنا وبناتنا المؤسف في تلك الغرف الفارغه ..
وهل ندمت على دخولك لتلك المواقع؟
صراحه مره حبيت استكشف واحوس ودخلت والحين انا نادمة لاني دخلت لاني صراحه انصدمت او باالحرى صارلي موقف منها ..
- ماذا سيكون موقفك لو تم الغاء النت نهائيا في بلدك؟
افرح عشان اركز على دراستي لاني صرت ادخل النت وانا ماادرس او ماافتح الشنطة الا الساعه 10 الليل واشوف الواجبات وماصرات اراجع وحالتي حاله كل شي اسويه الصبح ..
فياليت ينقطع النت
ومشكور حزن وفرح
غفيلية وافتخر
05-25-2005, 12:17 AM
منذ متى بدأت باستخدام النت؟
من خمس سنوات تقريبا
- ماذا شدك للنت هل هو مجرد فضول ام لزيادة الثقافه والمعرفه
ثقافه و معرفه
ام لصقل مواهب معينه تتمتع بها ؟
ايه هين مواهب
- هل تقبل الاهل لاستخدامك الانترنت فورا ام كان هناك تردد ؟
الحمد لله الثقه موجوده
- هل تغيرت حياتك بشكل عام بعد دخولك عالم النت ؟
يعني شي فشيئا
- هل كانت نظرتك للنت هي نفسها قبل استخدامه ام تغيرت؟
لا تقريبا هي هي ماتغيرت
- هل وجدت ظالتك اللتي كنت تبحث عنها في النت ام لم تجدها حتى الان؟
اقدر اقولك كل يوم القلى شي جديد واعرف شي ماكنت متوقعه بعرفه
- هل أثر النت على حياتك الاسريه والروابط العائليه سلبا ام لا؟
يس يس يس
- هل جربت يوما ما الدخول الى غرف التشات وان جربتها هل
صدمت من واقع شبابنا وبناتنا المؤسف في تلك الغرف الفارغه ..
جربتها الله لايعيدها من ايام تحسفت اني دخلتها بس وش اسوي عليميه مدري وشو النت ذيك الايام كنت احسبه شات وبس مع صديقاتي وقريباتي كنا نتواعد وندخل نسولف هناك بلحالنا ومن جد احزنا حال الشباب والبنات اللي هناك الله يرحمهم برحمته
وهل ندمت على دخولك لتلك المواقع؟
يس
يس
يس
- ماذا سيكون موقفك لو تم الغاء النت نهائيا في بلدك؟
مهي بعيده يسوونها >> ماقالت شي
والمفروض ماجواب لاني مليت وانا كل ابو ددايم اكتب هالرد وماينزل وينمسح وانقهر انا
شكرا حزن و فرح
حزن وفرح
05-25-2005, 12:35 AM
شاكر لجميع المشاركه مع انو كنت اتمنى اذا كان النت غير شي في حياتك تذكر هذا الشي يعني تقول كنت كذا
وصرت كذا
بس برضه مشكورين على المشاركه
المهم الحين جا دوري
- منذ متى بدأت باستخدام النت؟
قبل خمس سنوات تقريبا
- ماذا شدك للنت هل هو مجرد فضول ام لزيادة الثقافه والمعرفه
ام لصقل مواهب معينه تتمتع بها ؟
الي كان شادني له بصراحه وبدون كذب هو غرف الدردشه يعني كنت متصورها عالم عجيب غريب يعني كنت اقول
لنفسي اقدر اكلم من ما ابي ولد او بنت واقول له الي ابي واعبر عن شخصيتي هذا الي كان شادني له بصراحه طبعا
هذا ايام اول الحين الوضع شي ثاني
- هل تقبل الاهل لاستخدامك الانترنت فورا ام كان هناك تردد ؟
انا اقول لك قصة دخول النت معي انا بعد ما نجحت من ثاني ثانوي اختاروني مؤسسه الملك عبد العزيز ورجاله لرعاية
الموهوبين انو اكون احد الطلاب الموهوبين الي يدرسونهم في الصيف ويعطونهم شهادة من عندهم عاد سوو لنا
امتحنات قبول وماني عارف ايش ولله الحمد اخوكم طلع دافور ونجح وصرت موهوب ودرست معهم الزبده انو اهلي ما
يبون يعطوني النت عشان ما يأثر علي على دراستي عاد اان ضحكت عليهم وقلت لهم انو لازمني النت في دراستي
هذي ولازم يتوفر عندي خلال يومين عاد من ساعتين لين النت شغال انا ما كنت احتاجه في دراستي لانو كان
تخصصي في الدراسه ذيك اتصالات وما احتاج النت بس خميت اهلي عشان يدخلون النت بس من ناحية انهم متقبلين
للوضع فهم كانو متقبلين بعد الكذبه الي قلتها لهم اني احتاجه >> تقول قصة حياتك انت
- هل تغيرت حياتك بشكل عام بعد دخولك عالم النت ؟
تغيرت كثيييييييييييييير يمكن للاسف اقول لك انها اثرت حتى على دراستي بس بشكل خفيف بس انا مسيطر على الوضع
- هل كانت نظرتك للنت هي نفسها قبل استخدامه ام تغيرت؟
انا كنت متوقع عالم كبير بلقاه قدامي وهذا الي لحد الان اشوفه يعني ما تغيرت
- هل وجدت ظالتك اللتي كنت تبحث عنها في النت ام لم تجدها حتى الان؟
اقول لك استفدت مه صح بس مسألة وجدت ضالتي فاقول لك ما كان عندي ضاله ابحث عنها على النت
- هل أثر النت على حياتك الاسريه والروابط العائليه سلبا ام لا؟
اساس من اول وهي كذا يعني ما تغير شي انا اساس انسان مو اجتماعي لو ما جلست على النت جلست لوحدي يعني
اذاكر ولا اشوف تلفزيون ما تغير شي يعني
- هل جربت يوما ما الدخول الى غرف التشات وان جربتها هل
صدمت من واقع شبابنا وبناتنا المؤسف في تلك الغرف الفارغه ..
وهل ندمت على دخولك لتلك المواقع؟
دخلت وما اكذب عليك لازلت ادخل لاني فيه شياء ابيها من الشات اما مسألة الشباب فانا اعرف الوضع من قبل الشات
يعني الله يخلي لنا الفيصليه والمملكه وزمان كانت العقاريه يعني مخربه شبابنا من جد فما تفاجئت من الوضع
- ماذا سيكون موقفك لو تم الغاء النت نهائيا في بلدك؟
يعني عادي اقدر اعيش بدون نت بس بكون متحسر انو بلدنا مو قادره تواكب التطور
مشكوور حزن وفرح>>>>د داخل جو الاخو
غفيلية وافتخر
05-25-2005, 03:48 PM
شكرا لك اخوي حزن و فرح ع الرد ع الاسئلة ويعطيك الف شكر
> > > خشت جو :)
منذ متى بدأت باستخدام النت؟
مع بداية النت بالمملكة ,, ايام ماكن الديلب بالرياض الساعة 30 ريال
- ماذا شدك للنت هل هو مجرد فضول ام لزيادة الثقافه والمعرف
ام لصقل مواهب معينه تتمتع بها ؟
والله بالاول درعمه مع اخواني وخوالي ,,
اما صقل موهبة فكثر منها <<<<<<< الاخ يخاطب مين؟ ترى الاعضاء كلهم عريبيا :D
بصراحة استفدت منه ايام الجامعة كثير ,, مريحني بالبحوث انواع النسخ واللصق
ودرجة كامله .
- هل تقبل الاهل لاستخدامك الانترنت فورا ام كان هناك تردد ؟
الله يخلي لي الوالدة من شافتني انا واخوي اللي اكبر مني نتخانق على الجهاز طقت لي
جهاز جديد ذيك الايام,, <<<<<<<<< للحين الجهاز عندي وللبيع بنصف قيمته تشريه ولو ان سرعته 300 لكن يمشي :منضغط:
- هل تغيرت حياتك بشكل عام بعد دخولك عالم النت ؟
بصراحه,, ماذكر كيف كانت اول قبل النت ,,و للامانة جالس استرجع الذكريات
ومن جد ما اذكرايامي قبل النت ..
لكن خذ وضعي الحالي ,, انا ما اطلع من البيت الا للصلاة ولبيت الغالية وبس ,,
- هل كانت نظرتك للنت هي نفسها قبل استخدامه ام تغيرت؟
كمان مقدر اجاوبك ,, لاني اذكر اول مره اروح للرياض بعد ماخش النت
اخذني خالي لمقهى الانترنت , وانا ماعندي فكرة عن النت ,, واتذكر خالي بالحرف الواحد
قال تبي تدخل موقع اي سي ميلان الايطالي ,, يومها انجنيت من الفرحه.. :فزت:
- هل وجدت ظالتك اللتي كنت تبحث عنها في النت ام لم تجدها حتى الان؟
انا بالنسبة لي احس اني حصلت كثير بالنت واستفدت كثير ,,
وكثرخيره النت اللي كان معاي ايام البحوث بالجامعه ,, ولا اخوك مدرعم بالجامعه درعمه..
- هل أثر النت على حياتك الاسريه والروابط العائليه سلبا ام لا؟
ابد ,, لاني مهتم بالاهل كثير ,, والاقارب عموما احب جمعاتهم <<<<<<< والله ياللي اقارب ماشفتهم من كم سنة
- هل جربت يوما ما الدخول الى غرف التشات وان جربتها هل
صدمت من واقع شبابنا وبناتنا المؤسف في تلك الغرف الفارغه ..
وهل ندمت على دخولك لتلك المواقع؟
اللي قاهرني اني ماخشيته الايوم كبرت ,, والله غلطة وعدت على خير الحمدلله
بصراحة اول مره خشيت دردشه وطفيت طفه غير طبيعية
كانت بعد الجامعه على طول ( طوال الاجازة كنت حك شات ) <<<< لكن الغبن ان اخواني يشفوني ولا يقولون شيء :mad:
- ماذا سيكون موقفك لو تم الغاء النت نهائيا في بلدك؟
بالنسبة لي وسيلة تساية حاليا ,, يعني مو ضروري زي التلفزيون
لكن من جد لو الغوه
افتح جوالي ولا اقفله , وإن دق احد وقال اناعند الباب فتحت له,, وبس ;)
شاكر للاخ حزنان اتاحت الفرصة ,,
.
vBulletin® v3.8.4, Copyright ©2000-2012, Jelsoft Enterprises Ltd.