كل اولاد الحارة [الأرشيف] - منتديات أسرة الغفيلي

tendergirl

01-29-2010, 11:50 PM

مرحبا

الليلة مطرت عنا شوي شوية
وبعدها بان القمر بدر بكل دلاله
كان هالاسبوع حافل بالعواصف والامطار
غريب امر الصغار اليوم على طول محشورين
دراستهم لعبهم اكلهم ونومهم بالبيت او بالمباني ( المول المدرسه المطاعم)
الاهل اليوم غير عن زمان
بخطر عبالي دايما كان عنا روتين بالبيت
من الصبح للظهر بالمدرسة
من الظهر للعصر دراسة بالبيت
من العصر للمغرب في الحارة او ساحة البيت
المغرب حمام بجامات شرب الحليب
بعد هيك جلسة مع الكبار لحد موجز اخبار الساعة سبعة
هيك بيخلص اليوم ومن التعب بنغط بالنوم بدري

بايام المطر كنا تلبس الجزمات ومرات نطلع حافيين
نلعب ببرك المي اللي عملها المطر

كان الوالد رحمه الله زارع شجر ورا الدار برتقال خشخاش موز فرسامون واصناف من الحمضيات
كنا تغزو الشجر نوخذ حبات البرتقال

http://www.tradewindsfruit.com/citrus_chinotto_sour_orange2.jpg

نلف وندور بالحارة والعمارة نجيب خشب نولع نار بالغرفة بجنب الدار "السقيفة"
كنا نتقسم نعمل "امبوش" لاختي الكبيرة
قسم منا يلهيا وقسم يغزو المطبخ
نوخذ بطاطا بصل طقطاق (جوز) كستناء اللي موجود من فواكه وخضر الشتوية
طحين ماء وملح (كمان شوي بتعرفو ليش)
ونرجع للسقيفة
اول شيء ندفن البطاطا والبيض بالنار
بعدين نشوي الجوز والكستنا
ما ازكى البرتقال لما ندفي شوي عالنار
اخر شي وبعد عالاقل ثلاث ساعات حول النار
بعد ما ضحكنا اكلنا ودرسنا بعض على مادة الامتحانات وخلصنا كل الوظايف
ههه تسالونيش عن ريحة الكتب بعد هيكههه :dunno:

بعد كل شي يجي اهم شي
:nosweat: العجينة نعجنها وندفنها بالجمر
عشان نوكل ازكى "لبة" بالعالم

هاي من اهم التقاليد اليومية بعائلتنا بعد دق القهوه
اللبه عودنا عليها ابوي
كان معودو عليها ابوه
اللي كان معلمو اياها ابوه
لحد آخر جد بالسعودية ( مع اني استبعد ان يكونوا اكلوها يوميا)
كنا نطلع اللبه ونقسمها بيننا
ونشرب شاي عالنار

http://i36.tinypic.com/14mtb3k.jpg

اكيد بالسعودية الها اسم ثاني احكولي ايش هو :S_023:
اكبر واحد فينا كان عمره 9 سنوات
اليوم اولادنا بيطلعوش برا يلعبو
ما في وقت بين الدراسة والتلفزيون والحاسوب
بعد ما كانت حارتنا مليانه صغار
اليوم فضيت