بين بنات الرس وأهل بريدة .. أين المشكلة؟؟!!.

[KID]

السلام عليكم ..
أخبـــــــــــــــــــــاركم؟
بما ان اغلبكم من الرس ((يا بعد حيي )) حبيت يكون أول موضوع أكتبه في المنتدى عن حالتنا يابنات الرس مع أهل بريدة وأفكارهم عنا (( يا بنات الرس ))
وأنا أكتب الموضوع عن تجربة أنا طالبة في كلية التربية العلمية ببريد (( تراي منب غفيلية لا تدورون من أنا بين بنات الكلية :لا: ))
وطبعا كنت أسمع عن فكرة أهل بريدة اللي آخذينه عنا وهي إن بنات الرس صايعات لدرجة ان بنت من بريدة قالت ان أصدقاء أخوة قايلين له : إذا بغيت بنت صايعة خذ من بنات الرس :mad: (( وينكم يا عيالنا :( !))
لكن ماصدقت لين دخلت الكلية وخذ مواقف مع بنات بريدة .

باحد ايام الاسبوع الاول بالدراسة قابلتنا مشاكل مع القاعات والشبكات . فكنا اذا تقبلنا مع احد بنات بريدة غالبا يكون الحديث كالتالي : ( شفتي الحوسة اليوم بمحاضرة الدكتور (..) ؟
- اية والله مغثة الشبكة ماصلحوة .
- أنا اسمي (.....) وانت ؟
- (.......) من هنا انت ؟؟
- لا من الرس . ) اول ماتسمع الرس ينقلب وجهها ويصيرالوان تقول ذابحة احد اهله :dunno: وبعدين تروح ماأدري وش السالفة ؟؟!!!!!!
وخذ وخل من المواقف مع البنات .
صحيح اننا الحين بدينا نشبك مع بعض البنات لكن مع كذا حنا كم بنت ما نقدر نغير افكار أهل ديرة كاملة
وش نسوي لهم؟! :ساعدوني: :ساعدوني: :ساعدوني: :ساعدوني: :ساعدوني: :ساعدوني: :ساعدوني: :ساعدوني: :ساعدوني: :ساعدوني: :ساعدوني: :ساعدوني: :ساعدوني:

المشكلة محتاجة حل ياشباب .
أنا متأكدة انه مو بس أنا اللي صارلي مواقف معهم ..

[دلع]

مشكورة اختي على الموضوع اللي كان لازم ينطرح من زمان
لكن اقولك شئ فية واحده من زميلاتي ما قدرت تكمل بكلية بريدة وفصلت اساسا من الكلية
الخلاصة ان موضوع بنات بريدة مع بنات الرس مو بس معاك مع الكل والله يعينكم
كمان احنا اللي ندرس بالرياض مشكلتنا اننا قصمان
حتى لما نسافر لاي دولة اخرى فية مشاكل كوننا سعودين
الا الامارات الشهادة لله احسن دولة تتعامل مع السعودين((هذا رأيي بناء على موقف صارلي)

[بحر الكتمان]

لاااا تعليق !!!!

[KID]

مشكورة يا منار الرس على التجاوب مع الموضوع ..

وتعليقاً على أهل الرياض ترى نصهم قصمان لكن ياااااااي كن ماعلى الدنيا مثلهم (( موب كلهم والله بهم الحليلين )) .

[روان الغفيلي]

حتى بالرياض لاحقينا . :جيتك:
بالمدرسة كل ما قالت بنت انت من وين قلت من الرس قالت وين قلت بالقصيم تقول بريـــــــــــده .. :منضغط: :mad:
جد تقهرني .. :عصبت:
اهل الرياض او بالاحرى الجنوب يحكمون على ان كل تصرفات وكلام وطبع القصيم كله بريده ..
صارت كل بنت تقول لي اقول لها بس تراها تختلف عن بريده توضيح بس :dunno:
وبريده مايبون الرس ... :عصبت:
جد اعرف وحده من بريده تقهرني تصرفاتها :( ودي اوديها واقول للبنات هذي من بريده اللي تتكلمون عنها
:لا: :mad: :جيتك: :dunno: :منضغط: :عصبت:
ومشكوره اختي على طرح المشكة :)

[نبض الغفيلي]

السلام عليكم ورحمةالله وبركاته :

بداية موضوع جميل أختي في الله ( كيد) ما عرفت معنى الأسم لكن يبدو من منطلق ( كيدكن عظيم ) .

أولا : ليكن شعارنا

إذا أتتك مذمتي من ناقص فهي الشهادة لي بأني كامل

يقول الشاعر أيضا :
لا يسلم الشرف الرفيع من الأذى حتى يراق على جوانبه الدم

وأخيرا :

الشجره المثمره هي التي ترمى بالحجر ....

لذا يا أخياتي ويا بنات عمي الكريمات ( وديرتي العظيمه ) الرس كن :

كالجبال الراسيات لا تهتز .

أخواتي الكريمات :

جميعنا يعلم أن لا نار بلا دخان ... ولا أشاعات بلا سبب ...

وكما قيل في الأثر : لا تضع نفس في موقع الريبه فتتهم !!!


أخواتي سأقف وقت حق :

في فتيات الرس من سافرت للخارج : لتدعوا إلى الله مع زوجها ولتعلم القرآن وتنشر الدين !!

وهي الوظيفه الساميه بعد العباده : الدعوه في سبيل الله .


من فتيات الرس من حملت هموم الدين والمحافظه في مكتب الدعوه ومدارس تحفيظ القرآن وتشهد لنا النسبه الأخيره بالمنطقه وهي تخرج العديد من الحافظات .

وعلى مستوى التعليم هناك المشرفه والموجه والدكتوره والمهندسه ..........

بأختصار الحمدلله هنا نساء بالرس عن آلاف الرجال ( فالمرآه تسمى المرأه الألف )

إذن مجال ديني مجال تعليمي وبعض المجالات الأخرى .

وفي النقيض تماما :
وفي النقيض تماما :
وفي النقيض تماما :

تأتي بعض فتياتنا وهن قله ( ولكن الشر يعم )

إذا سا فرت مع أهلها للخارج ( رمت الحجاب وقالت أنا من الرياض ( مير) أصلي من الرس )

تعتقد الحضاره بخلع جلبابها تاج عفتها بل وهي ورمز طهرها .

إذا خرجت للسوق لبست العباءه المخصره .. كاسيه معطره .. التي لو لم تلبسها لكان أستر لها ..
وتقول : يوووووووووووه ليه الناس يطالعوني ( ما تدري المسينه إنهم يحمدون الله على نعمة العقل )

وإذا دخلت ( الملاهي الترفيهيه ) الله العالم ماذا يكون بل تكون أقرب إلا الولد !!!

وأخيرا :

وأسأل الفتيات في الكليات ولنفرض بنات الرس في كلية بريده : ( أكرر كلامي لبنات قله من الرس جدا جدا جدا )

في أستراحة ما بين المحاضرات ماهو محور حديثكن :

آليس حمار أكاديمي أقصد دمار أكاديمي ( عفوا نسيت ) نار أكاديمي .

آليس حديثكن عن آخر الصرخات والموضات الغربيه وليتها كانت الشرقيه وبحدود المعقول وعدم خدش الحياء .

آليس جل أهتمامكن :

بالأغنيه الفلانيه والمسلسل الفلاني والدكتور وحبة الخال التي في خده الأيسر !!

والشعره الصغيره التي فوق عينيه اليمنى !!!

وبالأخير نقول وبكل براءه
وبالاخير نقول وبكل براءه وبلأخير نقول وبكل براءه

ليه هما ( بنات بريده ) آخذين عنا فكره مو زينه !!!

بنات بريده يشهد لهن التاريخ وأقولها شهادة حق كأبن بار من الرس ويشهد مع الحق : ( الغالبيه منهن )

فلو تكلمت الأرض والقبور في أنحاء العالم لشهدت لهم ( والحر تكفيه الأشاره ويفهم ) .

وأرجع وأقول :

فكيف بعد كل هذا ممن أعتقدن أن الحضاره في هذا المسالك الشيطانيه أن تقول :

يا ربي هم ليه يتكلمون عنا كذا !!! ( رميتي نفسك في البحر وتريدين آلا تبتلي بالماء ) !!!




لذا يا أخياتي الكريمات والعظيمات وحتى لو قدف سهمه بعض المغرضين فأنتن الشامخات .

فلا داعي للمشاحنات بنكن وبينهن فذي حيلة ( الضعيف الخاسر والغير واثق بنفسه )

بل : أجعلوا أفعالكن تتكلم عنكن بأخلاقكن وأهتماتكن الساميه لأنكن أكبر من أن تتكلمن :

لأثبات من أنتن ؟!

فسرن كالقافله لا تهتم لنبح الكلاب .....وكالخيول العاديات في شق الطريق إلى القمه .

وأخيرا لنراجح حسباتنا مع صوحيباتنا .. ونحاسب أنفسنا في جلساتنا ... ومحاور أحاديثنا والماجل واسع بذلك



والأهم :
مراقبة الله عزول وجل في كل شي ( وما يلفظ من قول إلا لديه رقيت عتيد )


همسه :
قد أقسو في بعض المواطن ولكن أنتن طلبتن الدواء والعلاج يكون دائما فيه بعض الألم والمراره ولكن النتيجه :

هي الشفاء بأذن الله تعالى .


للمعلوميه :

مصادري في هذا الموضوع بعض النساء من المحارم وصديقاتهن وبحثهن في هذا الأمر .


ختاما

عفوا :
فنساء الرس غنيات عن الشهاده فهن أكبر من ذلك .


والملتقى الجنه
نبض الغفيلي

[KID]

اخوي نبض الغفيلي ... شكراً جزيلاً على مشاركتك في الموضوع
لكن ابي اقولك عن المواضيع اللي دايماً نتكلم فيها (( أعني شلتي ))
غالبً ما يكون الحديث على هذا النحو علشان ما تظلمنا ............

- وراكم تـأخروا اليوم الصبح ؟؟ ..
- شفتي أختبارنا اليوم طلعنا ماجاوبنا الله * ** * * ماأدري من وين جايبه هاك السؤال .
- بنات ترى الدكتور غير توزيع درجات الاختبار علشان فيه بنات راحوا له وقالوا له أنهم ماجاوبوا السؤال الأخير ومجاوبين السؤال الاول فرفع درجة السؤال الاول اللي ماجاوبنا به .....
- وراتس ابطيتي مانزلتي تفطرين بالاستراحة ؟؟...... - عندنا معمل وما طلعتنا لين خلصنا ..
- يا خيه ناقله وش قالت الدكتورة اليوم ؟؟ ماأمدان أنقل وقعت على الكشف ولا كتبت وش قالت ..
- بنات شفتوا الدكتور ( ........) شفت درجات بنات قسم ( ... ) مانجح الا حوالي ثمان طالبات الله يعين عليه عاد اليوم متوعدنا,, منحيننا مزفتين بالمادة من دون ما يتوعدنا .. كله من هاك الشله اللي قاعدين يسولفون عند المايكات ( شين وقوي عين ) والمشكله ماأحد يجاوب غيرهم بالاختبار ..
- ياليت نطلع اليوم من المحاضرة الاخيرة بدري علشان ناصل بدري .....
........................................
....................
أما مسألة الأكاديمية .. أقولك من كثر مانشوف أهلنا عاد علشان نشوف التلفزيون لا بعد الأكاديمية !! .....

وشكراً مرة أخرى على المشاركة في الموضوع .

[KID]

185 قراءة 6 ردود 2 منها لي بعد حوالي 4 أشهر ساعه ونص أدور عن موضوعي في المنتدى والقاه في الصفحه16 وبعد كل هذا أجي ولا أجد أي رد آخر على الموضوع :mad: :mad: :mad:
أنتم مع إحترامي ........ وش تخلقون ؟؟؟؟؟؟؟؟؟؟؟؟!!!!!!!!!!!!!!!!!!!! :mad: :mad: :mad: :mad:
يعني إذا ماوجهتوا هالمشكلة ماراح تحلونها ؟؟!! وإلا وش سالفتكم؟؟؟ :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad:



الحين عرفت ليش المشكله هاذي من زمــــــــــــــــــــــــــــــــــــــــــــــــ ـــــــــــــــــــــــــــــــــان عالقه فينا يابنات الرس والى الآن ماقدرنا نتخلص منها........ :( :(
والسبب إن كل من سمع عنها قال (( وأنا وش علي؟؟ محد قال بوجهي شي ))

وأنا قولكم إذا كان هذا ردكم وأنتم من أهل الرس وخواتكم وبناتكم يدرسون هناك ببريده وهذا ردكم المشكله ماراح تنحل وبتبتل ليــــــــــــــــــــــــــــــــــــــــــــــــ ــــــــن يوم الدين .




هه !! وأنا اللي تقالي مستعزه بشبابنا ؟؟!!
أقول : ( مالت عليكم الشرهه مو عليكم , الشرهه على اللي يشاوركم ويستنجد بكم ) ماعدا مهند ونبض الغفيلي وروان الغفيلي وبحر الكتمان ومنار الرس هم اللي شاركوا أما الباقين والله زعلت منكم :( :(

[نبع الوفاء]

والله ياقلبي اني ما ادري عن اللي قاعد يصير بينكم بالقصيم
بس كد سمعت بالكلام هذا واعرف هذا الشي حتى عندنا
اذا اجتمعنا بناس من بريدة نتخانق ويرتفع الضغط عندي اذا قالو
اصلا القصيم بس بريدة بس بالنسبه لك ياقلبي حاولو تغيرون الفكرة
بمعاملتكم واسلوبكم الطيب وتعطون فكرة ثانيه غير اللي رسموها ولا
تنسين ان غيرت اهل بريدة معروفه منذ الازل مو بس بالكليه لا بعد حتى
بالشغلات الثانيه وانتم ادرا ياهل الرس ....


الف شكر عيني على هذا الموضوع وبانتظار جديدك ....

[death]

أهل مكه أدرى في شعابها

[تركي الغفيلي]

صراااااحه هاذي المشكله غاثتني

اذا رحت الرياض او الحجاز او الشرقيه

ودخلت محل اغاني او بناطيل قالو ليغريبه انتم يالقصمان كلكم مطاوعه


وبناااااات الرس مع احترامي هاذي سمعتهم

[KID]

فتى الغفيلي وضح ! وش قصدك بـــــــ:
وبناااااات الرس مع احترامي هاذي سمعتهم ؟؟؟؟!!

[قمر]

مرحبا

موضوع قديم حيل لكن القدر خلاني اشوفه اليوم

تصدقين ضحكت حييييييييييييييييييييييل لما قريته

منها كاني عرفتك

ومنها انك معصبة على الكلام الي يقال علينا

مايهمني احد طول ماانا واثقة من نفسي

صحيح انه ناس لسى يلاحقوننا بنظراتهم ويقولون اووووووه شوفي بنت الرس كيف لابسه اليوم شوفي بنت الرس كيف تتكلم شوفي بنت الرس الا اخره

الي قاهرني ليه بنت الرس مع العلم انه فيه من كل منطقة

لحد كذا ماهمني

الي قاهرني موقف حصل مرة وهو اننا طالعين الشله كلنا للسيارة الظهر وحصلنا السيارة مقفلة لانه السواق بالصلاة احنا مشوار عبال مانرجع للكلية ثاني قلت للبنات استنوا اكلم عالسواق واحنا واقفين عند السيارة جانا واحد عارف اننا من الرس بسبب سيارة نقلنا تلفظ علينا بكلام انا وصلت معاي لكن مارديت طلبت الهيئة على طول لما وصلت الهيئة وسالوا الشاب ليه سويت كذا قال هم من الرس ؟؟؟؟!!!!!!!

لا تعليق طبعا مني ولا من شلتي ولا من اي احد

حل للمشكلة مافيه لانه خلاص هالافكار عندهم ثابته لكن المطلوب منهم خلونا بحالنا ولا تكلوننا بعيونكم واستفهاماتكم وليه وكيف وعلى اي اساس ..

موضوع قديم لكن حسيت انه يعنيني حييييييييييل فحبيت اطلع الي بقلبي

تحياتي