نهارالعجمي
06-12-2009, 06:27 AM
(وقعة جوده)
وقعة جوده عام 1287م بعد وقعة الوجاج واستيلاء العجمان والأمير/ سعود الفيصل على الاحساء علم بذلك الإمام/ عبد الله الفيصل وجهز اخيه الأمير/ محمد الفيصل ومعه هوايل الدنيا جيش كبير من أهل الوشم واهل القصيم واهل الافلاج وعساف ابوثنين وحدروا ووردوا رماح وركزوا البيارق ينتظرون باقي قوتهم والا به ثلاثة من ال حبيش على رماح ويوم شافوا هذا الجيش بينزل على العجمان قالوا لجارهم السبيعي حريمنا وداعة عندك واما الابل ماهمتنا بنروح نموت مع العجمان ثم عطوا حريمهم معارق الخيل ولبسوا عبيهم من فوقها ووضعوها فوق الخيل ويوم جاء المغرب ليهم على ضهورها وتحتهم ثلاث من مربط واحد وبنات حصان واحد ويجونك طيور شلوى ولمن جاءوا العرق ريحوها حولوا منها وركضوها امامهم ولمن ضربوا الجندلية لاذو بظهورها وقامت تناقف بهم ويوم عمد عمود الفجر لينهم على جوده ويمسون ولما اصبحوا فيشربون خيلهم ويروحون ولما جاء نصف الليل وليهم بالاحساء ويوم اصبحوا فعرضوا عند الأمير/ سعود الفيصل واخبروه بأن الأمير/ محمد الفيصل في طريقة إليهم ومعه جنود لا تحصى ثم اخذوا العجمان يجمعون حلالهم لانه كان بالمضما ومشوا والأمير/ سعود الفيصل معهم والأمير/ محمد الفيصل وجنوده حدروا وركبوا الجودي، عاد انا قريت في كتاب بن بشر الله يرحمه ويرحم أموات المسلمين يقول بان الأمير/ سعود الفيصل والعجمان سبقوا قوات المسلمين بقيادة الأمير/ محمد الفيصل ونزلوا على الماء مما ساعداهم على الانتصار وهذا الكلام غير صحيح وأنا والكلام للشيخ/ عبد الله الدامر يخبروني رجال حاضرين الوقعة وهم صالح أبو جحوم وحجاج بن جفين يقولون يوم اقبلنا على العرق الذي شرق جوده لنشوف خيامهم من حمراء جودة إلى الضليعات البيض الجنوبية وامسوا في العرق وراحوا ناسا يبون يردون عريعرة ليأتون بالماء ولحقهم الأمير/ حزام بن مانع وشقق قربهم وقال الماء على جوده اردوا الصبح ويوم اصبحوا ليهم يشوفون جموعهم بريق سيوفهم كنها بروق ويقول عاد حمد بن حنزاب الملقب بحمر شعر يا سعد عمي صنيتان بقل الشوف ما هوب يشوف اللي أنا أشوف غار والله أن أصلهم كون يطرحني الموت من دونهم ويقول ابو جحوم حنا يال ضاعن وال مصراء وال شامر جمع وال معيض جميع وال مرة جمع وسوى الامير/ سعود الفيصل بيرق وقال من اللي بيمسك البيرق يا أولاد المرزوق وتسابقوه ومسكوه عدة رجال والا اطولهم وانظرهم ناصر بن خلفان من آل سليمان قاله الأمير/ سعود الفيصل ما اسمك قال ناصر قال نصرا من الله ابن قال خلفان قال الخلف على الله قال من أنت منه قال آل سليمان قال سلامة من الله قال هدوه بيد ناصر ويوم تواجهوا فنطحه إبراهيم السلمه راعي بيرق الأمير/ محمد الفيصل حتى تضاربوا الاثنين وجاء الأمير/ سعود الفيصل وضرب السلمه ولاهو ميت ، ويقول ابوجحوم خطمت علينا خيلنا لذا الأمير/ حزام بن مانع على الطويسه مدرع ومطوس ومتنجدا سيفه ورمحه بيده قال تيك اللى في الضليعات هي خيل قالوا نعم وقال الضليعات الجنوبية قالوا كلها خيل قال الخيل كلها لا تهمكم يا رجليه كلها تروح باذن الله تروح هاكم الرمح ويحذف الرمح اليوم ماهوب يوم رماح ويدقها ولخيل العجمان ستين لا تزيد ولا تنقص قال ونتسابق على الرمح ويسبقنا عليه مشلش بن رزحان قلنا أنت امحق من كسب خذيت رمح حزام وان كانك مارويته من الدم اليوم والله أن تقوم من المجالس ولا عاد ينصبلك الفنجان قال والله أن يروي من الدم ولا ما عاد تعينوني وسبلوا عليهم وحصل اللي حصل الخيل يوم هجت الدنيا فهجت الأخرى من هجيجها وانكسر الأمير/ محمد الفيصل وجنوده والذي ساق ابله قدام العجمان هو حماد بن حذران من ال هادي وراكان لم يحضر جوده بل كان بالرياض عند الإمام/ عبد الله الفيصل وهو بعد الصلح اسكنه بالرياض ولا عاد حصل له الخروج منه ولم يحضر الوجاج ولا الرياحية وقال الشاعر عبلان قصيدته المشهورة في وقعه جودة:
يالله يا مـدرج الافـلاك فـي ساعـه
الحمـد لله جزيـل المـد نثنـي لـه
يوم على جال جـوده ترهـق افناعـه
يوم عبوس غشى الصفـرا مخاييلـه
جمع العوارض نطحنـا كـن تهزاعـه
سيل(ن) تحدر مـع جـاري مساييلـه
بارودهم في الخضيرا كـن تنيزاعـه
برق يرفـرف حقـوق وانحدرسيلـه
دفنا لهم من كثيـر المـوت واقناعـه
ماغير قـو العزيمـه والظفـر حيلـه
تسع ميـه عسوجـي جاذبـه باعـه
مثل الهشيم الخشيـع اجثـا رجاجيلـه
صرنا بيام شبـوب الحـرب قطاعـه
لين استداب المطوع وادبـرت خيلـه
وسيوفنا في جمـاه الـروس قضاعـه
كم جوهر(ن) خربـوا جهالنـا خيلـه
وقديمي في الشواكل عـاش صناعـه
ماعاد يجلـى الحـلا منـه صقاقيلـه
يا ابو هلا شوق من هو خوتم اصباعه
يزهى ضمير الحشـا لجـة خلاخيلـه
ياشبه عنـز المهـا ماهيـب دنّاعـه
تزهى من المشخص الغالـي مثاقيلـه
ارخى الشنق واهمل اليسرى بمصراعه
كب الحذارا وخلاهـا المـن هـي لـه
وخلي المبيرق يدق الحـزم بكراعـه
والراس فاخت حساب يديـه ورجيلـه
طالبك صفـرا مـن الزلبـات تواعـه
كن ذيلهـا العسـو لارزّت شماشيلـه
تلحق بعود (ن) قديم بانـت اوقاعـه
لا من خطو الردي مـا حقـق الزيلـه
وسبب معركة جودة هي الرياحية ، العجمان بعد حرب الرياحية طلب منهم عبدالله الفيصل بأنهم يؤدون اللي خذوا ، وصارت بينهم مشاجرة هم ويا امير الحساء وسمع بالخبر سعود بن فيصل وحول عليهم ابن سعود بقواته وانطحوهم العجمان في جودة ، زعيم العرب المحولين محمد الفيصل وزعيم العرب اللي جايين سعود الفيصل وصارت معركة جودة.
وقعة جوده عام 1287م بعد وقعة الوجاج واستيلاء العجمان والأمير/ سعود الفيصل على الاحساء علم بذلك الإمام/ عبد الله الفيصل وجهز اخيه الأمير/ محمد الفيصل ومعه هوايل الدنيا جيش كبير من أهل الوشم واهل القصيم واهل الافلاج وعساف ابوثنين وحدروا ووردوا رماح وركزوا البيارق ينتظرون باقي قوتهم والا به ثلاثة من ال حبيش على رماح ويوم شافوا هذا الجيش بينزل على العجمان قالوا لجارهم السبيعي حريمنا وداعة عندك واما الابل ماهمتنا بنروح نموت مع العجمان ثم عطوا حريمهم معارق الخيل ولبسوا عبيهم من فوقها ووضعوها فوق الخيل ويوم جاء المغرب ليهم على ضهورها وتحتهم ثلاث من مربط واحد وبنات حصان واحد ويجونك طيور شلوى ولمن جاءوا العرق ريحوها حولوا منها وركضوها امامهم ولمن ضربوا الجندلية لاذو بظهورها وقامت تناقف بهم ويوم عمد عمود الفجر لينهم على جوده ويمسون ولما اصبحوا فيشربون خيلهم ويروحون ولما جاء نصف الليل وليهم بالاحساء ويوم اصبحوا فعرضوا عند الأمير/ سعود الفيصل واخبروه بأن الأمير/ محمد الفيصل في طريقة إليهم ومعه جنود لا تحصى ثم اخذوا العجمان يجمعون حلالهم لانه كان بالمضما ومشوا والأمير/ سعود الفيصل معهم والأمير/ محمد الفيصل وجنوده حدروا وركبوا الجودي، عاد انا قريت في كتاب بن بشر الله يرحمه ويرحم أموات المسلمين يقول بان الأمير/ سعود الفيصل والعجمان سبقوا قوات المسلمين بقيادة الأمير/ محمد الفيصل ونزلوا على الماء مما ساعداهم على الانتصار وهذا الكلام غير صحيح وأنا والكلام للشيخ/ عبد الله الدامر يخبروني رجال حاضرين الوقعة وهم صالح أبو جحوم وحجاج بن جفين يقولون يوم اقبلنا على العرق الذي شرق جوده لنشوف خيامهم من حمراء جودة إلى الضليعات البيض الجنوبية وامسوا في العرق وراحوا ناسا يبون يردون عريعرة ليأتون بالماء ولحقهم الأمير/ حزام بن مانع وشقق قربهم وقال الماء على جوده اردوا الصبح ويوم اصبحوا ليهم يشوفون جموعهم بريق سيوفهم كنها بروق ويقول عاد حمد بن حنزاب الملقب بحمر شعر يا سعد عمي صنيتان بقل الشوف ما هوب يشوف اللي أنا أشوف غار والله أن أصلهم كون يطرحني الموت من دونهم ويقول ابو جحوم حنا يال ضاعن وال مصراء وال شامر جمع وال معيض جميع وال مرة جمع وسوى الامير/ سعود الفيصل بيرق وقال من اللي بيمسك البيرق يا أولاد المرزوق وتسابقوه ومسكوه عدة رجال والا اطولهم وانظرهم ناصر بن خلفان من آل سليمان قاله الأمير/ سعود الفيصل ما اسمك قال ناصر قال نصرا من الله ابن قال خلفان قال الخلف على الله قال من أنت منه قال آل سليمان قال سلامة من الله قال هدوه بيد ناصر ويوم تواجهوا فنطحه إبراهيم السلمه راعي بيرق الأمير/ محمد الفيصل حتى تضاربوا الاثنين وجاء الأمير/ سعود الفيصل وضرب السلمه ولاهو ميت ، ويقول ابوجحوم خطمت علينا خيلنا لذا الأمير/ حزام بن مانع على الطويسه مدرع ومطوس ومتنجدا سيفه ورمحه بيده قال تيك اللى في الضليعات هي خيل قالوا نعم وقال الضليعات الجنوبية قالوا كلها خيل قال الخيل كلها لا تهمكم يا رجليه كلها تروح باذن الله تروح هاكم الرمح ويحذف الرمح اليوم ماهوب يوم رماح ويدقها ولخيل العجمان ستين لا تزيد ولا تنقص قال ونتسابق على الرمح ويسبقنا عليه مشلش بن رزحان قلنا أنت امحق من كسب خذيت رمح حزام وان كانك مارويته من الدم اليوم والله أن تقوم من المجالس ولا عاد ينصبلك الفنجان قال والله أن يروي من الدم ولا ما عاد تعينوني وسبلوا عليهم وحصل اللي حصل الخيل يوم هجت الدنيا فهجت الأخرى من هجيجها وانكسر الأمير/ محمد الفيصل وجنوده والذي ساق ابله قدام العجمان هو حماد بن حذران من ال هادي وراكان لم يحضر جوده بل كان بالرياض عند الإمام/ عبد الله الفيصل وهو بعد الصلح اسكنه بالرياض ولا عاد حصل له الخروج منه ولم يحضر الوجاج ولا الرياحية وقال الشاعر عبلان قصيدته المشهورة في وقعه جودة:
يالله يا مـدرج الافـلاك فـي ساعـه
الحمـد لله جزيـل المـد نثنـي لـه
يوم على جال جـوده ترهـق افناعـه
يوم عبوس غشى الصفـرا مخاييلـه
جمع العوارض نطحنـا كـن تهزاعـه
سيل(ن) تحدر مـع جـاري مساييلـه
بارودهم في الخضيرا كـن تنيزاعـه
برق يرفـرف حقـوق وانحدرسيلـه
دفنا لهم من كثيـر المـوت واقناعـه
ماغير قـو العزيمـه والظفـر حيلـه
تسع ميـه عسوجـي جاذبـه باعـه
مثل الهشيم الخشيـع اجثـا رجاجيلـه
صرنا بيام شبـوب الحـرب قطاعـه
لين استداب المطوع وادبـرت خيلـه
وسيوفنا في جمـاه الـروس قضاعـه
كم جوهر(ن) خربـوا جهالنـا خيلـه
وقديمي في الشواكل عـاش صناعـه
ماعاد يجلـى الحـلا منـه صقاقيلـه
يا ابو هلا شوق من هو خوتم اصباعه
يزهى ضمير الحشـا لجـة خلاخيلـه
ياشبه عنـز المهـا ماهيـب دنّاعـه
تزهى من المشخص الغالـي مثاقيلـه
ارخى الشنق واهمل اليسرى بمصراعه
كب الحذارا وخلاهـا المـن هـي لـه
وخلي المبيرق يدق الحـزم بكراعـه
والراس فاخت حساب يديـه ورجيلـه
طالبك صفـرا مـن الزلبـات تواعـه
كن ذيلهـا العسـو لارزّت شماشيلـه
تلحق بعود (ن) قديم بانـت اوقاعـه
لا من خطو الردي مـا حقـق الزيلـه
وسبب معركة جودة هي الرياحية ، العجمان بعد حرب الرياحية طلب منهم عبدالله الفيصل بأنهم يؤدون اللي خذوا ، وصارت بينهم مشاجرة هم ويا امير الحساء وسمع بالخبر سعود بن فيصل وحول عليهم ابن سعود بقواته وانطحوهم العجمان في جودة ، زعيم العرب المحولين محمد الفيصل وزعيم العرب اللي جايين سعود الفيصل وصارت معركة جودة.