رحله للماضي مع قصائد الشاعر سليمان الحزاب الغفيلي رحمة الله

[MOHaMmMED]

سليمان الحزاب الغفيلي ,,,


ولد الشاعر في مدينة الرس قبل مئة وثلاث وثلاثين سنة في عام 1296 هـ وانتقل مع أهله إلى الرويـضـة احـدى ضواحـي الرس الزراعيـة حيث أمضـى فتـرة طفـولته الأولى هنـاك ولما شـاب عن الطـوق سـافر إلى الحجــاز ومكث فيهـا فترة من الزمـن ثم عــاد إلى الـرس ولبث فيهــا فتـرة من الـوقت وفي سـنــة 1327 هـ سـافر إلى سـوريـا طلبـاً للرزق حيث استقر به المقـام هنــاك في منطقـة يطلق عليهــا اسم ( ديرة الزور ) فمكث فيهــا حتى توفـي سـنــة 1362 هـ .



ويتسـم شـعــره بالجــزالة وقـوة التعـبيـر . ومن قصـائدة هذه الأبيــات التي تجسـد آلام الفـرقـة والحنـيـن للوطــن . وقد بعث بها إلى الأميــر عبـدالله العـقـيــل أمير الجــوف آنــذاك \

الله على اللي ما يملي الفديدي
باغي عليه افارق الهور والزور
فوقه سوات الرجم ني جديدي
غير الحويل مقضبه يزحم الكور
أمه ذلول من ركـاب الرشيدي
وأبوه ولد عقــاب بالصلى مشهور
إلى مشى يفصـم عضـود الحديدي
عـيـذه بربي الى مشى تقل بابور
الى مشى خله على ما تريدي
ما يصبـح الا يم عـرعر وابا القـور
والى لفـى يمـسـي حوالي زرودي
وغبـة غياب الشمـس بالرس بالسور
دار لنـــــا لوكــــان حنـــا بعــيــدي
القـلب فيهــا والعــضـا كــان بالــزور
مشي الحصــان اللي بلاه الحديدي
والا كمــا حــــر عـن الصيــد مقهـور
ودي بهـــا لاشــك أنا ويش بيدي
لاشك أنا مع كــل الأحــــوال مصقــور
عيت تسنع لي على مـــا نـــريدي
لامــن عــارن به ولا افــرس بمنقــور
راودت فــكري ثم قلت لعـضـيدي
وش هقــوتك باللي عن البعــد مجبـور
ودي أشــوف الزول عنق الفريدي
لاشـك ما نصبــر على الغبـن والجــور
غـــبن الليــــالي والزمـــان الجـــديدي
يـركب على ولد العــــرب خـطـوة الثـور
ما يدري أن الوقــت يمكن يعيدي
نقـص ويمكـن يــنكـتـب يمنـــا الــدور
يمكن بهالغــربة نعــام ٍ نصيــدي
وننكس على مــا فــات وابليس مدحـور
وحنــا بوقت ٍ فــات درع الحديدي
مع ربعنــا نلبس الى نفخـة الصـور
اللي محــواو اللي كديد جــديدي
ما ساعدن حضــي فلا شـك مستـور
إن جــون ربعــي كَـنـه أيــام عيدي
أنـشـد أهل العيرات ون جو على الخور
نقعـد حجــاج اللي يجي من بعيــدي
من مــــرزق ماهــو عن الربع ما فـور
ومفطحـه ني ٍ حــويل جــــديدي
تلقـــاه فــوق مـزبـــر العيـش مغمــــور
مــن فضـــل ربي كل يـوم ٍ يزيدي
واللي يـســـوى نيـه الخــيـــر مـذكـــور
لولاي أوســع خــاطري بالقصــيـدي
وبس اتغـــاضى كـان انا تقــل مـاسور






ومن قصــائده الرائعه هذه القيده التي انرسم فيها الشوق \

ياراكب اللي فوقهـا الني مــزبــور
مثــل الطعــوس بعاليـــات الزبــاير
ما فـوقهـــا الا صفنـة الخــرج والكور
ودويرع ٍ من فـوق الأمتــان صايــر
مســراحهــا ما بين عرعر وابالقور
والعصـــر ما بيــن الجنـــادل تخـــاير
كـب الطـوارف لاتجنب عن الســـور
الســور تلقى بــه ضبى البحـــــــاير
ســـاعة لفيتــو سلمـو لي على النــور
عــد التـــراب وعــد بطحــــا الحـوايــر
خلي بحــــزم الــرس وأنا بصنــقور
الــديـــر لا دارت عليه الـــدوايــــــر
كـني بعيــر راعي عشـبة الغــــور
وهي كذالك لاعمينــا البـصــــاير




وله في الغـزل \
الله مـن قـلـب الى راح شـــــــــره
وقـلت انتهـت عـنــه الهواجيس جـازى
يـطري عليه اللـي كمــا وصـف دره
وأنــا بضـلعـــان الحجـــــــاز النــوازى
ليته بنــو الخيــــر كـفـّــــان شـــــره
ولا شــب في قلب الشــقاوي بقـازى
يا راكبــين الهــجن ياللي تمــره
قله تــراني كل الأفطـــــار لازى
عقب الفـطر يشــوف شـي يســــره
حقـاق ٍ أكثــر من دفــوع الجهــازي
اللي حـقـــاقه بس حــق وجـــــــره
لا تفــرشن له يا عيــون الجــوازى
حقــاقنــا بدله حـريـر تجره
الى لفينـــا من بعيـــــــد المفــازى





ومن قصيدة يمدح بها جلالة المغفور له الملك عبدالعزيـز آل سعــود \

يالله يا منشـي المـطــــر من سحــــابه
وتقـــدره وتنــــزله بالمــوازيـــــن
تـــامــر بـــرزق مـنـــك مــاهــو نهــابه
مـن مـد جـودك تبـسطه مع هل الدين
الى بان شـيـب العـبـد وامضــى شبــابه
يــدور اللي ينـفــعه بــــاول الحـيـــن
ولا بــــــد مــن قـبــر يــزبــــر تـرابــــه
مـــن وحــشـتـه والنـار يالله تحمــيـــن
مـيـر المصــيـبـه ديننــــــا واسفى بـــه
يـــاسف عليــنـا لــــو نـحــصــل ملايين
ابي ديــــــــــــار مشـوشـيــن الحـــــرابـه
على مطــــــــوعــه ربنــــــــا مستـعدين
ديـنـي يــــــوافق مقــدمـيـن الصـحــابة
عــامـوده المـقـــرن ومـقـدم اهل الدين
ســيـف لابـــو تـــــركـي بيـده نصـــابـه
ويــصــوبه روس العــيــال الصعـيـبـين
عبـد العــزيز الليــث فــرســه بنـــابه
يـاويــل من تنـــصـاه هــــــاك الثعــابين
يــاطى الـوعــر والسهـل ما شـي ٍ يهـابه
الله يـــطــــــول عـمـــره لعـــدة سـنــيــن







ونتمنى من لدية قصائد آخرى للشاعر إيرادها
:

مع وافر المحبة والتقدير
:



أخيكم \ محمد

[نورة]

/
\

اللهـ عليكـ

ماشاء الله قصائدهـ تحمل معاني وحكم حلوهـ ومفيــده ونعايشها .

الله يرحمه ويغفر له,

والله لايهينك اخوي محمـد على هالطرح المتميـز والمنفرد ..

الله يكثر من امثالكـ

الى الامــام

[bdr Al:sama]

محمد .. ْ
ماشاء الله تبارك الرحمن ..
إبدآع يفوق الوصف .. إختيار رآقي جداً ..
نكهة لاتغيب ..
أرق التحايا لك ..

[Rathath AL:aml]

http://gfly.org/up/2009/02/15/24827_178136.gif


][ MOHaMmMED ][


رحم الله سليمان الحزاب الغفيلي واسكنه فسيح جناته ..


والله يعطيك العافيه أخي الكريم على ما نثرته هنا من روائع ..


تسلم يمينك .. ولا هنت ..


تـمنياتي لك بالتوفيق في الدارين ..


http://gfly.org/up/2009/02/15/24827_178136.gif

[كبرياء انثى]

الله يرحم الشاعر سليمان الحزاب..

قصائد رائعه ..


محمد

قصائد مختاره ..

وموضوع موفق..


عوافي على الطرح ..



تحياتي

[عبدالله سليمان العلي]

الله يغفر له ويرحمه

الف شكور ابوناصررررررررر

[فهد]

يـ خوي ..

الله يرحم الشاعر ويغفر له ..
أبدعت في الطرح .. متلهف لموآضيعك ومتابعتها
ألف شكر لك ..

[عبث فرشاه]

آلله يرحمه ويغفر لـِ آلشآهر آلحزآبَ ..

قصآئد فيَ غآآآيهـً آلرووع‘ـهَ ..

مآ شآء آلله قصيدهـً تحملَ كل مآ هـِو جميلَ ..

يعطيكَ آلعآفيهـَ محمد مآ قصرتَ ..

موفقَ يآآآربَ ..

[قناص الغفيلي]

الله يرحمه ويغفرله ويسكنه فسيح جناته
انا واحد من احفاده
مشكور على طرح الموضوع
ممكن المصدر يالغالي

[MOHaMmMED]

الأخوان
والأخوات

الله يعطيكم العافيه وشاكرلكم على حظوركم الطيب


ويا مرحبا يا قناص ونعم والله بك وبأهلك والله يرحم الشاعر

والمصادر يا طويل العمر كتاب درر الشعر الشعبي لـ عبدالرحمن السويداء فيه له قصيده والباقي من كتاب الرشيد شعراء الرس

[جودي]

الله يرحمه ويغفر له ياااارب



يعطيك العافيه اخوي