دراسة البنات في الخارج بين مؤيد ومعارض.. ما رأيك؟

[غفيلية وافتخر]

السلام عليكم

بصراحه عجبتني هذي المناقشه بين أعضا في أحد المنتديات وقلت ابي اعرف آرائكم

دراسة الفتيات في الخارج موضوع طويل ومعقد والخوض فيه يتطلب انفتاح على الرأي الآخر المعارض بالرغم من ايجابيات وسلبيات الغربة الكثيرة التي يستفيد منها طلابنا وطالبتنا في الخارج.

هل انت مع دراسة الفتيات خارج البلاد دون قريب يساعدها في لحظاتها العسيرة، ودون رقيب يرصد تحركاتها حتى إذا تعرضت للسوء، هب لمساعدتها، وإذا بحثت هي عن السوء، وقف بوجهها ليمنعها.



هل ذهاب الفتاة للدراسة في الخارج لا يعرضها للقيل والقال ام ان الفتاة قوية الشخصية تستطيع المحافظة على نفسها اينما ذهبت ومع كل من التقت؟



البنت في مجتمعنا العربي الذكوري تخضع لوصاية ولي امرها فكيف يمارس ولي امرها وصايته عليها دون مراقبة سلوكها وحمايتها من الاشرار المتربصين في المجتمعات المنفتحة.

والسؤال الاخير: هل تتقن الفتاة العربية التعامل والتصرف في المجتمعات الغربية؟

اتمنى منكم المناقشه الجاده

[سوداني أطخم]

جامعاتنا مو قصرة
واللي مسوي طنخة يتحمل اللي بيصير

[**سكوبي**]

انا اشجب واستنكر

وشووووووووووووله تدرس برا

بتكد علينا اذا رجعت!!!!

اصلأ انا ضد أعطاء المرأه وجه بالعربي

يعني مردها بيتها والأهتمام بزوجها وعيالها

وصعبه توفق بين الوظيفه والبيت لازم راح يكون فيه خلل في أحدهما

عاد وشلون تقولي بدرس برا البلاد؟

معصي والف معصي

عيالنا وشبابنا الي راحوا يدرسون هناك رجعوا متخلفين وبعضهم مدمنين وبعضهم مرضى وبعضهم محلق شنبه وجايب معه شقراء

عاد وشلون نودي بناتنا

انا ضد هالموضوع وبقوه

وأخيرأ زي ما قال اخوي سوداني اطخم الي مجتهده جامعاتنا ما قصرت

واذا تبون الصدز انا ان شاء الله بناتي بخليهم يدرسون الى الثانويه وبس اهم شيء يعرفن يقرأن ويكتبن

وبعدها اخليها تصير ظل امها عشان تعرف السنع والطبخ والنفخ وبكذا اخليها تستعد لأن تكون ربة بيت ناجحه

لأنه للأسف اغلب بنات هالوقت الواحد يتزوج ويبغى ينهي عالم العزوبيه ويتفاجأ انه ست الحسن والجمال

ما تعرف لا تطبخ ولا حتى تسوي شاهي وقهوه ولا تعرف الخلطات العجيبه يعني المره والحلتيته والحلبه ويبتلش يعلمها

مع انه المفروض الواحد يأخذ زوجه جاهزه من ما جميعه على المهور الي ندفعها 60 او 80 الف وآخرتها اعشيها بمطعم كل ليلة

وهذي وجهة نظري وسلامتكم...

ومشكوره غفيليه لطرح مثل هالمواضيع المهمه

[**مقطعني الغرور**]

بناتنا
هن الأحسن
وجامعتنا

[غفيلية وافتخر]

سوداني هع هع هع حتى هنا تخرع احس لوفيه بنت فكرت مجرد تفكير بتلغيه لو شافت ردك الصارم :)

شاكره لك المشاركه



سكوبي اولا لاشكر على واجب والموضوع لفت انتباهي مره > > > تراي ضد الفكره ;)

وبصراحه ردك عجبني بس لي ملاحظه عليك لاعاد مو مايكملوا الدراسه خلهم مثلي >>> اخس :)

وفعلا مثل ماقلت البنات الحين يتزوجو والضحيه الشباب تجيهم وحده ماتدير امورها كل همها تطلع وتلبس وبس :(


عبودي فعلا جامعاتنا شي >>> من مازح معك عبودي :dunno: للتنووووووووووووووووويه


مو تعتقدوا اني مع الفكره بالعكس انا ضدها وضدها وضدها وحتى ضد انو الشباب يكملو دراستهم فالخارج

[علي اليامي]

يسلمو غفيليه

موضوووع مهم جدا

وانا مع الشباب الله يخلي جامعتنا

[حزن وفرح]

اوكي انا بقول رأيي بدون تعصب ولا انحياز واعتقد انو بمثاليه من وجهة نظري

شوفي انا اساس ارفض وبشده انو البنت تدرس في كلية الطب وهي عندنا في المملكه والسبب ببساطه هو الاختلاط فما بالك انو بعد ارسلها برا مستحيل والسبب لانو حرااااااااااام اساس انو المراة تختلط بالرجال لما في ذالك من الفتن وابتعادها عن وظيفتها الاساسيه وهي تربية وانشاء اجيال مسلمة تخدم دينها

اما لو قلنا انو بتسافر برا وما فيه اختلاط في دراستها وتخصصها مباح ومو متوفر في المملكه ومعها محرم مثل زوج او اخ اوغيره من المحارم وما راح تتنازل عن تقاليدها الاسلاميه من لبس عبايه واخلاق اسلاميه معروفه انا اقول انو وقتها ممكن يكون في الموضوع كلام ثاني

بس الافضل لها انو تجلس في بلدها والتخصصات الحلوه متوفره في جامعاتنا

يعني انا افضل انو تدرس في بلدها واذا كان ولا بد من السفر للخارج راح يكون فيه وجة نظر بس بشرط توفر الشروط الي ذكرتها فوق

كل التحية لك اختي غفيليه وافتخر

[غفيلية وافتخر]

علي اليامي شاكره لك التواصل :)

حزن و فرح دائما ماتشدني مناقشاتك لانها فعلا في غايه الروعه والعقلانيه تسلم اخوي ولاتحرمنا :)

[فايز الغفيلي]

والخوض فيه يتطلب انفتاح على الرأي الآخر المعارض بالرغم من ايجابيات وسلبيات الغربة الكثيرة التي يستفيد منها طلابنا وطالبتنا في الخارج.

ويتطلب علم شرعي للحكم على هذه الأمور :لا:

ومعرفة الايجابيات والسلبيات معرفة تامة فاذا غلب احدها على الآخر يتم الحكم للغالب لأن درءالمفاسد مقدم على جلب المصالح.......

لذلك انا اتوقف عن الحكم على هذه الأمور لأن مقامي اقل من الأخذ والرد.. :dunno:
والعلماء هم الأدرى والأعلم..

انا اتيت للموضوع من محور اخر لم يتطرق اليه اخواني الأعضاء من باب اخذ الأمور من جميع النواحي..

واشكرك اختي غفيلية وافتخر على اثارة الموضوع...... :o

[مهند]

شوكووووووورن

الزعيمة >>>> جدا الموضوع مثير للاهتمام

الظاهرة غريبة ودخيلة , قد لا تكون بارزة بشكل كبير بالقصيم ولكن بالرياض وجدة الموضوع صاير موضة

وفشخرة ,, والله المستعان ,,

** حتى لو إفترضنا وجود محرم مع الفتاة _ لان سفرها بدون محرم لايجوز _ , بتيادر للاذها

سؤال :: هل ستستفيد من الدراسة ؟؟ ام مجرد شهادة وديكور؟ :confused:

من الواضح ان وظائف المرأة محدودة بالمملكة ( في غير المجال التعليمي والبنوك والصحة ) ,,

وما نعرفه ان الاقسام الموجودة بالكليات والجامعات الداخلية , تفي بالغرض.

إذا مالهدف من السفر وتكبد العناء والمشقة؟؟

وما الفائدة المرجوة من الذهاب للخارج ودراسة تخصصات لا اعلم إذا ماكانت موجودة بالمملكة ام لا؟

وإن لم تكن , هل للفتاة هدف من الحصول على الشهادة؟

ام انها تبحث عن السفر فقط؟

** لا اعلم لماذا نجد هذه الظاهره منتشرة في وسط مجتمعات تكسوها اللامبالاة , والفساد

والبحث عن الفشخرة المصطنعة (( اللتي لم تكن يوم فطرة المسلم )) :لا:

[غفيلية وافتخر]

قالط انتا كذااااا >>> يعني روعه فالرد

تسلم اخوي


مهند

حلوه ماخذينه فشخره يعني فري يعني الدين ولاشي عندهم لانو واللي اسمعه انو اكثر البنات اللي تسافر براء سواء من الطبقه العاليه فالمجتمع او غيره تستغني عن الحجاب فور مغادرتها المملكه يعني فوق انو اختلاط مافي حياء وبدون حجاب وهذا شي مايرضاه العقل ولا الدين اولا :(

تسلمووو اخواني