الشيخ راكان بن حثلين ورسالة التهديد من ابن قرمله شيخ قحطان

[علي اليامي]

هذه القصيدة لابن شافي امير بني هاجر مسندها لمحمد بن هادي بن قرملة أمير

قحطان يستنصر بها على العجمان حيث تجمع بين بني هاجر وقحطان أواصر

قربى حيث يقول فيها:




يا راكبن حمـرا بلونـه سحامـه
ترعى الزهر وين الشحم فوقها زام

فوقه صبـي مـا تغيـر كلامـه
يِدي الخبـر يـم الرفاقـه بَلَـوْلام

يا جـن تـرك الرثـا والحمامـه
إحمولنا مـن قبـل حِـلْ التِنـدام

صبيان قحطـان غشاهـم ملامـه
ويلها على صبيان جلـبٍ تلـم لام

حنا كمـا مايِـحْ ثمانيـن قامـه
هَيْما وفي جيلانهـا تسعـة هِيـام

ما يظهر الماء يِحْمي أقصى غمامه
خطـرٍ علـى جيلانهـا بتـهـدام

حنـا شـوي وحاميتنـا القرامـه
قطاعةٍ ننطـح ولـو كملـوا يـام

أرماحنا وسـط المدينـة علامـة
مع الصحابة حاربوا ذيـك الايـام




ثم رد عليه ابن هادي بقصيدة وهي رسالة تهديد ووعيد واعلان حرب على

العجمان ومنها هذه الابيات :




لي لابـةٍ حَدَّرتهـا مـن تهامـة
وسلاحها صنع الافرنجـي والاروام

الاروام: جــمــع رومـــــي

ولا بد من يـوم يثـور عسامـه
إما على العتبان واما علـى يـام

ويا ذا البهم والله إن تباري الجهامة
إلين تنزل بين صفـوى والاوجـام

صفوى والاوجام : مناطق في الاحساء

حنـا كمـا سيـلٍ يطـم العدامـة
حول على طاش البحر لـه تِلِطـام

العدامه: هو كثبـان رملـي مرتفـع.

هذا على عـودٍ وصلنـا سلامـه
اللـي غَثانـا بِالبكـا والتِّظـيـام




فلما سمع الشيخ راكان قصيدة ابن هادي ردَّ عليه بهذه الابيات ويقول فيها:




يـا راكـبٍ حـرٍ تـذرب سنامـه
نَيَّه جديدٍ فوق نَّيـه مـن العـام

ما صك لِحْيَه في ليالـي فِطامـه
ومدلهن يشرب لبن كـل مـرزام

إليـا ورد عـدٍ يِطَيِّـرْ حمـامـه
جاله صريمٍ مـن إلحِيَّـه تقصـام

الـعــد: هـــو بـئــر الــمــاء.

ملفاك ابن هادي كبيـر العمامـه
شيخٍ ورمحه مع أهل الخيل مرسام

مـرٍ يواعدنـا بحـرب وقوامـه
ومرٍ يجينا مـن هـرج وتسـلام

حي الكلام وحـي منهـو كلامـه
اللي لفانـا مـن هـرج التوهـام

وش الجزا يا شوق زاهي الوشامه
لِسَّابق إللي ما عرفنا لهـا أوقـام

أهديت لك نور السلف والجهامـه
باغيه ذخرٍ فـي مقابيـل الايـام

وغديت أنا ويـاك مثـل النعامـة
جاها بَلاها مـن ثقيـلات الاقـدام

إن كان تبغي سابقـك والسلامـه
خلوا ضعاينكم مع العتـش خـرام

العتش: شعيب في وادي العرمه جنوب الدهناء

حِرِّم عليك النـوط فكـت إبلامـه
ما دام حيٍ واحدٍ مـن ضنـا يـام

معنا الطويل اللي تجيكـم علامـه
مثل العِديم اللي على الجول صرام

الطويل : هو فـارس ال حبيـش المشهـور

الترك قبلك زارِنـا بـه زعامـه
قد عافنا وِعْتاض عنا اهل الشـام

الـتـرك : هــم الـدولـة العثمـانـيـة

وان كان تطري حِدْرتك بالجهامـه
لما توصل بك إلى ذيـك الارجـام

ذي ديرة حاكـم كبيـر العمامـه
إللي نحى عنهـا طوابيـر الاروام

قدامـك شيـخٍ رفيـعٍ مقـامـه
الخيل قِرَّح وأبيـض الخـد قـدام

وإن رادها غيره ضربنـا لثامـه
عـودٍ يبـدل هفـوتـه بتـنـدام

يالله عسى الفردوس ملقى إعظامه
اللي بعث دين النبي دين الاسـلام

مثل الدويش اللي يِقَدي الجهامـه
عِقرت جواده فوق رجله والاقـدام

وإن كان حَدَّر لابـةٍ مـن تهامـه
حنا لهم في مقطع الصلـب قـدام

الـصـلـب: هـــو وادي الـعـجـمـان

اقبل وحنـا لـك نسـوي كرامـه
شِلفٍ على قبٍ سريعـات ألـولام

شِلف: جمع شَلفه وهي أصغر مـن الرمـح

قـــب : هـــي صـفــة للـخـيـل

تسعين رمحٍ كسرت فـي عدامـه
عشرين مِنْهِن بين فوران وحـزام

كم ثار عند إركابنـا مـن كِتامـه
ياما هلك من ضدنا من سبب يـام

كم من حريـبٍ دارج الـدم دامـه
يشبع بها السرحان والطير لا حام

الـسـرحــان: لــقــب الــذيــب

حنا كمـا سيـلٍ تَناحـا غمامـه
حامل بَردهـا بالفرنجـي والاروام

سيله يقزي ما نحى مـن عدامـه
ورعودها منهـا المِدَلَـه تقصـام

وان كانكم سيـلٍ يِطْـم العدامـه
حنا زبارٍ يشرب السيـل لا عـام

وان كانكم ضلـع كبيـر حَجامـه
حنا كما نجمٍ على الضلـع هـدام

وان كانكم مثل الرعـد بِنْقِصامـه
فإن الرعد ينبت زبيـدي برضـام

كم سيف هنـديٍ فِظَخْنـا لِجامـه
بأيمانِنا كِنـه مقابيـس الاظـلام

نروي من إرقاب السِّكارا حَيامـه
في هيةٍ يشبـع بهـا كـل حـوام

الــهـــيـــة: الــــحــــرب

قطعا لعينٍ اللي عريـضٍ سَنامـه
شقحٍ مفاليهـا مباكيـر الاوسـام

وان كان وِدك عندنا لـك كرامـه
تدري بضيفتنا أهل الشرق والشام

أقبل علينا حي سـوق المسامـه
وعاداتنا نغلي جلـب كـل سـوام

حريبنـا تصبـح بكبـده نـدامـه
وبراية الله نجعلـه حـذو الاقـدام

نرجـي مهاشيـل تعـدى تهامـه
لا ساق كالله والقـدر ناحـرٍ يـام

وصلاة ربي عد منشـى غمامـه
على نبـيٍ خـص هالله بالاكـرام




فاراد الشيخ راكان ان يبعث برسالة فعلية الى ابن هادي قبل المعركة ليعرف

بها قوته فنادى بالعجمان فقال من اللي يشوف لي ابن هادي وربعه ورد لي

خبرهم فبرز من بين الصفوف واحد من شباب ال حبيش وعمره 15 سنة فجاء الى

قحطان ورأى بيوتهم مبنيه بين الدهناء والصلب متوجهين الى العجمان فسأل

الجنود وهم لا يدرون انه عجمي أين بيت ابن قرمله ( وهو محمد بن هادي )

فقالوا له بيت الشعر الذي يتوسط البيوت هناك فجاء الشاب فوقف على بيت ابن

هادي وركز الشلفه فوقعت بينه وبين نار الدلال رسالة تهديد الى ابن هادي

مفادها اني بمقدوري ان اقتلك وهرب الحبيشي فاسرع فرسان قحطان بطلبه

ولكن لم يدركوه فايقن ابن هادي بقوة العجمان فرجع ادراجه الى ديرته ولم

يحارب العجمان.

منقول

[حسام الغفيلي]

مشكوووووووووووووووور اخووووووووووي علي


لكن انا قرأت ان الرسالة لم تكن بشاب
وانما كانت بعشرة شباب من آل محفوظ اتجهوا الى جيش ابن قرملة وقت مغيب الشمس
وبينما الجيش يصلي قاموا برميهم بالسهام حتى تفرق الجيش فقال ابن قرملة كلمته المشهورة
((علم ذا اوله ما نبي تاليه))



على العموم لا انسى شكرك

[علي اليامي]

لا شكر على واجب اخوي ولد الغفيلي

بس اكثر اللى روي انه شخص واحد

بس احتمال يكون كلامك صح

[فايز الغفيلي]

قصيدة بطولية لأميرنا راكان..

شووووووووووووهد ماسبق

مشكووووووووور علي اليامي

[ثامر الغفيلي]

مشكور

[~العنكبـــــــوت الاسود~]

والله القصيدة يا اليااامي والله انها قصيدة من جد...اااه يا راكان .....واااه يا العجمان .......

الله يعطيك العافية يا علي اليامي

والله من جد قصيدة ....تحيااتي ...تشاااو

[صنديد قحطان]

ولا بد من يـوم يثـور عسامـه
إما على العتبان واما علـى يـام ..

شكرا ً على طرحك ..

=============
بسم الله الرحمن الرحيم .. بعد ماقرأته في هذا القسم من مواضيع تاريخية .. وكما تعلمون سرد التاريخ يجب أن يستند على وثائق تاريخية .. كي لايتم التحريف فيها وزيادة بعض الكلام .. ( عشان نمنع التعصب القبلي )
حبيت أطلب منك طلب أنك توثق لي كلامك بوثائق تاريخية وتحكيمية غير مواقع قبيلتي قحطان والعجمان العريقتين ..

أرجو انك ماتاخذ كلامي على أنه تكذيب لروايتك ..

فقط نريد إستنادا ً على كلامك .. كلامك يحمل من الصحة شيء كثير ولكن إزدياد بعض الأمور لاداعي لها .. وقبيلة العجمان نكن لها كل المحبة والتقدير .. ولكن لاتقارن بأي شكل من الأشكال (لقبائل) قحطان العريقة

[حسام الغفيلي]

هلا صنديد قحطان

الحين تقول لي بين قوسين ( عشان نمنع التعصب القبلي )

ثم تكتب تالي .. وقبيلة العجمان نكن لها كل المحبة والتقدير .. ولكن لاتقارن بأي شكل من الأشكال (لقبائل) قحطان العريقة



مع ليش يبعدي هذي فيها عصبية قبلية اللي انت تحاول انك تمنعها

واسمح لي رجال يام وخصوصا العجمان مشهود لهم من كل القبايل وأولهم قحطان على الخصال الحميدة اللي يتمتعون فيها .. وانت هنا تحاول تنقص من قدرهم .. كلامك متناقض

عموما كل قبيلة ماخذه حقها برجالها يا الطيب ونتشرف فيك عضو هنا ولعلمك ترى منتدى العجمان يعتبر مستند تاريخي عند الكثير لما يتمتعون فيه من مصداقية وبعد عن التعصب القبلي و احقاق الحق لو على نفسهم

[صنديد قحطان]

عزيزي حسام .. هدأ من روعك

الموضوع أصغر مما تتوقعه .. كل مافي الأمر انا طلبت اسنادات .. للكلام اللي تقولونه .. وقسمكم هذا جديد .. وافعال راكان بن حثلين كثيرة وأهمها سجنه ونفيه لتركيا .. ليش ماتكلمتو بهالموضوع ؟ ولا بس التاريخ دوّن افعال راكان مع قبائل قحطان ؟
هذه العنصرية بعينها المقيتة


اذا موقع العجمان يعتبر موثق جدير بالنظر اليه .. اذا ً كل مواقع القبائل تعتبر مراجع مهمة لها .. بغض النظر عن اداريّيها

ونخلي الشيبان والتاريخ تحت الأدراج ونقعد بس نتجول في المنتديات

أعتقدت انك اكبر من كذا

انا ماسجلت هنا الا للرد على بعض المهاترات فلا تجعلو قسمكم متنفسا ً للعنصرريين ..

واذا احد يبي يناقش في التاريخ فلايناقش من هم يبحثون اصلا ً عن التاريخ

فليناقشو من لهم باع طويل في تاريخ القبائل العربية

[حسام الغفيلي]

انا هادي يا صنديد قحطان انت اللي متنرفز

ولعلمك القسم هالجديد اللي تقوله من اول ما فتح المنتدى وهو موجود وانت اللي رفعت الموضوع المغبّر وطالع التاريخ اللي نزل فيه الموضوع وراح تتأكد ..@!

وزي ما قلت افعال راكان الشهـــــــيرة معروووفة ومن ضمنها الموضوع اللي تناقشنا فيه الحين .. ولا تبينا نخفي ونشطب كل فعل لـ راكان مع كل قبيلة عشان ما يكون فيه عنصرية زي ما تقول حتى لو انها صحيحة ويشهد لها التاريخ

حبيبي وانت تعتقد الكلام اللي في منتدى العجمان من قصص وغيره كلام اطفال
الا كلام منقول من الشيبان نفسهم ورح شف مقابلات منتدى العجمان اللي مستحيل تلقاها في اي منتدى ثاني وتعرف صدق كلامي ومصداقية المنتدى

حبيبي الشمس ما تغطى بغربال عشان هذا شيخ ولا مو شيخ.. الرواية معروفة ولو تسأل شيبان قحطان راح يعلمونك عنها

اخوي الراوي اللي يعتبر نفسه تشبّع من البحث في التاريخ ما يعتبر راوي .. فالكل يعتبر باحث الا اذا انت تشوف غير هالشيء فهذا راجع لك

غير كذا الحين تبي تقول ان يام والعجمان ماهو عيال عم .. هههههه عشان المذاهب ... هههههه كلامك مضحك .. تبي تقلب التاريخ انت ولا كيف .. من جدّ ابي اعرف وش قصدك بآخر جملة عن العمومة مدري وش مقصدك فيها

[حسام الغفيلي]

يالقحطاني

موضوعنا كان عن ابن قرملة ورسالة التهديد

لا تحاول تغيّّرّ الموضوع لأنك عرفت الحقيقة ... وعرفت كيف ردّوا جيشكم الكامل بـ شاب عمره 15 سنة :clap:


وما هو انت اللي تكلّم في يام .. وكل يعرف يام وافعالها .. ومدامك ما تدري وش سالفة قيامهم على ولي أمرهم ليش تهرج ولا بس من نقالة القيل والقال .. رح اسأل يامي ساكن في نجران يعلمك بالسالفة كلها .. ولا تنقل كلام من راسك ...

واحترم نفسك واحترم المنتدى اللي أنت مسجل فيه .. واطالب الادارة بتحرير ردك اللي يوضّح لنا كيف طريقة تفكيرك وحجم عقلك