المساعد الشخصي الرقمي

مشاهدة النسخة كاملة : دامها وصلت لذل النفس يالدلوعه...والله ان يعيش راسي مانحنى لابنيه

حسام الغفيلي
02-27-2005, 03:09 PM
هذه القصيدة للشاعر فهد المساعد




الدلوعة


ايه اعرفك بنت عز وكلمتك مسموعـه
وادري انك من خلقتي في ظلال وفيـه
مالعب فيك الزمان ولاقرفتـي جوعـه
ولا وقفتي من همومك وقفـتً محميـه
ادري ورب اليتيم اللـي يهـل ادموعـه
مابعد هلت دموعك في ضحـى عيديـه
بين حظن ابوك ومـك وردةً مزروعـه
طول عمرك مافقدتـي لمسـة الحنيـه
ايه اعرفك واعرف ان الناس لك متبوعه
وادري ان امرك مجاب وحاجتك مقضيه
بس انا من فضل ربي وهامتي مرفوعه
ورث ابوي وراس مالي عزوةً جبريـه
مانحنيت الا لمخافت ربـي المشروعـه
ولا بعد دفقـت دم الوجـه امـد يديـه
ابدويً ماعرفت الضحكـه المصنوعـه
احمد الله من خلقـت وطيبتـي فطريـه
قانعً في حكمة الله ماشـيً فـي طوعـه
ماحسبت احساب دنيـاً ناسهـا طرقيـه
ايه انا يا ام الترف قلبي غدا موضوعـه
الفراق اللي بلا رجعـه وطـاري جيـه
بس روحي سايري قلبك وهدي روعـه
واعذريني والا عـادي ازعلـي عليـه
دمها وصلـت لـذل النفـس يالدلوعـه
والله ان يعيش راسي ما نحنـى لابنيـه



منقوووول
علي اليامي
02-28-2005, 12:33 AM
يسلم لنا الناقل والمنقول
حسام الغفيلي
02-28-2005, 01:31 PM
اشكرك اخوووووي علي مرووووووورك
حزن وفرح
02-28-2005, 10:35 PM
يعطيك العافيه ولد الغفيلي

ومجهود جميل في القسم
حسام الغفيلي
03-01-2005, 01:08 PM
حياك الله اخوووووووووي حزن


واشكرك على مروووووووورك
مهند
03-01-2005, 10:54 PM
شوكووووووووورن

ولدنا >>> ماشاءالله عليك ;)

من جد مسوي شغل صح ومجهود كبير ,, والله يعطيك العافية يالغالي :o


** يعجبني اللي ماينحني لاحد ,, وبالذات البنية ,,



مع التحية للغالي اللي بالرغم من انه عاجبني الا انه يستفزني بلابيات اللي

فيها إنكسار للرجل من اجل الببنت
حسام الغفيلي
03-04-2005, 08:17 AM
الف شكر اخووي مهند على مرورك

لكن الرجل هنا لم ينكسر للبنت

يوم أحس أنه سيدفع للإنكسار رفض

واقرأ القصيدة من جديد وسترى



آسف على تأخري في الرد
مهند
03-06-2005, 09:01 PM
ولـــــــ :قلب: ـــــــدنا

حبيبي من جد ماشاءالله عليك انت مسوي شغل صح ;)

واما الكلام اللي بالون الاصفر انا اقصد به احد الاعضاء اللي ماشاءالله عليه

دايما كتاباته حلوه لكن احس انها دايما بصف المراة ,,

بل تصل لحد إنحناء الرجل للمراة

اما القصيدة فاعتقد انها واضحه ,, وحرام تفهم اللي كتبته بهذا الشكل :mad:

انا زعلان عليك :(

من جد ماعاش من زعلك يالغالي ,, ولك خالص الشكر والتقدير على روحك :قلب: الحلوة

ورحابة صدرك ,,, وتوصي :confused:
حسام الغفيلي
03-06-2005, 09:15 PM
اوووووووه

اجل انا ملقووووووف


انا اسف اخووووي مهند يوم فهمتك غلط

واا ادري انك ما تقصر
غفيلية وافتخر
03-07-2005, 01:21 AM
تسلم وصح لسان كاتبه
ا
حسام الغفيلي
03-08-2005, 01:06 AM
ومن قال


اشكرك على مرورك اختي غفيلية :وع: