مرّ عشرطعش يوم <<< ففي آمان الله

[أم العنزين]

بسم الله الرحمن الرحيم

الضيافة ثلاثة أيام وأنا مرّ علي عندكم الظاهر عشرطعش يوم مدري إسبوع
المهم
أنا مومن عائلة الغفيلي وطبعاً هم ونعمّ العائلة وتربطني فيهم قرابة بعيدة ونسب...
مرة أبوجدي غفيلية >>> خخخخخخخخ ياخال جارنا عطني بوسة مدري ياخال ابوي حك ظهري
لا صدق عمي متزوج غفيلية وبنات عمي الثاني متزوجين غفالا وخوالي يقربون لهم الغفيلي بشكل مقرب <<< وطبعاً هذا الحال مع كل عوائل القصيم (يعني من كثر ماتداخلت العوائل مع بعضها صارت الدعوه سلطة)
^
^
عموماً
أنا سجلت بمنتدى الغفيلي لأن أخوي العزيز بحرالكتمان دعاني أكثر من مره وياليت الكم يوم اللي راحوا أكون طلعت عند حسن ظنه
آني وي .....
ضيافتكم أسعدتني فألف شكر لكم
و
العذر والسموحة إذا بدر مني أي غلط أو تقصير
و
تمنياتي لكم بالتوفيق والرقي بمنتداكم الجميل
و
السلام عليكم ورحمة الله وبركاتة*

[**مقطعني الغرور**]

لا أم العنزين
وين رايحة
ما فيه روحة هذي مب ضيافة أنتي صرتي عضو عندنا
وأرجو العودة والا أن أبجي عندكم :جيتك:
تحياتي:
عبودي

[غفيلية وافتخر]

أم العنزين ياشينك >> ابوك يالاسلوب راحت البنت :D

وراك بتروحين ماتدرين انك صرتي لؤلؤه فعقد الغفيلي :قلب:

بعدين انتي عاررفه انو انتي عسسسسسسسسسسسسل مره فتعاملك واسلوبك فليش تخليننا نخسر وحده مثلك وهو

دخول المنتدى زي خروجه :confused:

اتمنى تراجعين نفسك ولو طلي علينا

[حسام الغفيلي]

اختي ام العنزيين

تراي منب اداني اللي يجي وبعدين يستاذن


يا تصيرين مرة >امرأة< ولا ابجي اوريك الشغل


طلعة من المنتدى مافيه
وخليني ما الاقيس فيه ولا الاقيس عد منتدى الرس ولا تجين هنيا

ما فيه الا ذبح

اقول خلي عنك سوالف البزران وبس

[أم العنزين]

عبودي
غفيلية وافتخر
ولد الغفيلي
^
^
ماراح أعلق على تعليقاتكم يالغلا
لكن
مروركم بالموضوع وردودكم أسعدتني
و
رجعت للمنتدى عشان أرد إكراماً لكم
و
بالنسبة لتركي المنتدى فأنا أصلاً داخلته كضيفه وضيافتكم لي شرفتني
فجزاكم الله خير وفي أمان الله *

[علي اليامي]

يحزننا رحيلك اختى ام العنزين

لكن راح اقولك زي ما قلت لحزن

خذي لك فترة نقاهه وراح تشتاقين للمنتدى

واذا اشتقي للمنتدى ولاعضاءه حياك الله وترانا ننتظرك

[**سكوبي**]

اخس يا ام العنزين تعرفين تتغلين !

ههههههههههههههههههههه امزح لا تزعلين

بس متى ما ضاق صدرك سيري علينا

والله يوفقك دنيا وآخره

وعز الله انك شقرديه وارتحت لك :لا: