ان قلت له هذا شماغ يقول هذي قبعه،،،،،،؟

[غفيلي حســـاوي]

مشكله لاصرت من تهواه مغرور وعنيد



لو تحاول تقنعه والله صعبٍ تقنعه !!..



دايمٍ متغطرسٍ منّغر واحساسه بليد



وإن بغى يفتن يحرك للمصايب زوبعه !!..



فنان في طرق الهوى دكتور في قطع الوريد



خبير في رسم الخدع حريف لبس الاقنعه !!..



ماتعجبه الّحان رابح صقر والاطرش فريد



كل الاغاني مايبيها لو تجيه منوعه !!..



ماينبسط الا على نوحي ونغمات النهيد



يرقص على لحن الحنين وفيه يطرب مسمعه !!..



دايم يعاندني ولا ادري من عناده ويش يريد



كل يوم يمر انا وياه حده واقرعه !!..



ان قلت له هذا قديم يقول لي هذا جديد



وان قلت له هذا شماغ يقول هذي قبعه !!..



وان قلت له هذا ذهب يقول لي هذا حديد



وان قلت ذا راس الضبي يقول هذي اصبعه !!..



كل ما زود عناده حبه بقلبي يزيد



بس مادري ويش اسوي له على شان اردعه !!..



قلت انا بهدده بفراقنا وابقى بعيد



يمكن اني من ورى التهديد احصل منفعه !!..



قال قبل انك تهددني ترى فرقاك عيد



كم شجيع قد نوى قبلك وضيع مرجعه !!..



قلت انا بشب ناري يمكن يذوب الجليد



بقدح زنادن وبالقوه بحطه وارفعه !!..



قال ريّح لا تشب النار وتزيد وتعيد



خلك على حبل الرجى من قبل لا اقوم اقطعه !!..



واصبحت انا محتار بين القلب والعقل الرشيد



عقلي يقول انساه و القلب يردد اتبعه !!..



والنهايه يوم صار الفكر من عقلي شريد



والقلب دمي في عروقي حالفٍ مايدفعه !!..



طاوعت انا قلبي وصرت امشي معه مثل العبيد



وانا اشهد انه طوعني وانا عجزت اطوّعه !!..

[وافي زماني]

صح لسانك والله يعطيك العافيه,,,,

ولاحرمنا جديدك......

[غفيلي حســـاوي]

العفو ياغالي

[""غموض انسان""]

كل ما زود عناده حبه بقلبي يزيد


^
^

طاوعت انا قلبي وصرت امشي معه مثل العبيد


ابيات حلوه وقويه بنفس الوقت

وبدايتك قويه

الله يوفقك

[غفيلي حســـاوي]

وتسلم لي ياغموض وتستأهلون اكثر،،،،