الشباب وموضة الشعر الطويل

[البدور]

:يخ: مساء الخير للجميع ،،
صراحة هالموضوع يأرقني وماأدري هل أنا عندي عقدة أووجهة نظري صحيحة؟
أنا وحدة ماأتحمل شكل الرجل بالشعر الطويل أحسه مقزز وماهو رجال(أتمنى أن عيال الغفيلي ما يطولون شعورهم) لأنه قليل جداً يطلع حلو حتى ديفيدبيكهام يوم طول شعره خرب شكله ،،
البنات وش رأيكم باللي يطول شعره؟
الشباب وضحوا لي وجهة نظركم وليه تشوهون أشكالكم؟

[حفيدة راشد]

مشكووووره حبيبتي على الموضوع ..

وصراااحة مررره انتشر بين الشباااب بشكل كبير وبعضهم لايق عليهم وبعضهم مو حلو ابد..

وعن نفسي انا مرررررره استحــــــــــــــقر الولد الي يطول شعره لان الشعر من علامات الانوووووووووثه والدلــــــــــع وما يليق إلا في البناااااااات....



... الله يعطيك العافيه..

تقبلي مروري ...

حفـــــــــــيدة راشــــــــــد...

[فايز الغفيلي]

السلام عليكم

اختي الكريمة

احيي فيك اختيارك للموضوع وجرأتك وطرحك سؤال للنقاش

وبالذات هالموضوع هذا

ولو انه متأخر كثير

لأن الشباب كل يوم طايحين لهم بموضه سواء اللبس او الشكل

صاروا يلاحقون الموضة مثل البنات اللي نعتبرهم معذورين بالشيء هذا لطبيعتهن الإجتماعية

انا من وجهه نظري تجاه هالموضوع عموما ولن اقف عند الشعر فقط فهو عندي تافه ولا اعيره

اهتمام لأن يكفيك هالمعلومة ان بعض الشباب اصبح يهتم ويعتني بشعره اكثر من البنات؟؟

انا انظر لأي شاب يحاول يبدل بشكله او يلفت الإنتباه سواء بالشكل او اللبس

اعتبره انسان ناقص لأنه ماسوى هالشيء الا انه يحس بنقص داخلي في نفسه

ويحاول يعوضه باعتقاده ان (النيو لوك) سيحجب عيوبه ولم يعلم ان مايفعل هو اول منقصه بحقه

والله اني لأحزن عندما ارى مثل هالأشكال بدون مبالغة او مثالية زائدة او تصنع

لأنك ترين اناس جل همهم الإهتمام بمظهرهم الخارجي بينما المظهر الداخلي من صفات ومعدن

تكاد تكون معدومة ان لم تكن هناك عكسها من الصفات والمعادن السيئة.

ختام كلامي اي واحد يحاول يغير شكله العام بأي شكل من الأشكال ويخالف القاعدة والعرف المتبع عند الناس هذا انسااان حاس بنقص ويحاول يظهر عكس مايبطن والسلام.

[البدور]

اختي حفيدة راشد هلا فيك وشاكرة لرأيك،،
اخوي فايز احييك وماراح احد يقول مثالي بزيادة او متصنع بالعكس هاذي نظرة الرجل السوي
والله لو يمنع كل واحد من هالأشكال دخول مجالس الرجال كان ماتمادوا؟

[غفيليه بنت غفيلي]

مشكوره اختي على الموضوع الله يعطيكي الف الف الف عافيه


صراحه انا ماتعجبني ابدا مره معفففففففففففففففففففن

بس انا مره رحت للسوق وكان واحد شعره طويل لمن مسكوه الهيئه قالوله ليش مطول شعرك له تعال معنا للحلاق قال انا اقتدي بالرسول الرسول كان مطول شعره بس اخدوه الهيئه للحلاق



بس انا مايعجبني

[البدور]

غفيلية بنت غفيلي،، شاكرة لرأيك ،،ماأدري يلعبو على مين لما يقولون زي الرسول اللهم صلي وسلم عليه.

[bdr Al:sama]

البدور يعطيك العافيه على الإختيار الموفق


موضوعك جا في وقته

أنا ماأأيد إن الشباب يطولون شعورهم بالذات أصحاب الشعور الجافه أشوفهم بالأسواق أحس

إنهم قنفذ قدامي <<< مع إحترامي للقنفذ

ودي أفك طرحتي وأغطيهم فيها..

[البدور]

اختي بدر السما يعطيك العافية ، بعذري ياختي حوموا كبودنا صرنا نمشي ونصد من شين الأشكال بس انتبهي حبيبتي لا تهورين بالطرحة؟

[اااحـ مـهـااااوي ـلى]

:وع: الرجوله مالها دخل بالشعر وكل واحد يفكر على حسب شخصيته
والشعر الطويل يناسب اي احد المهم تكون التسريحه مناسبه

والله يجننووووووووووووووووووووووووووووووووووووووون

[~العنكبـــــــوت الاسود~]

بسم الله الرحمن الرحيم ,,,,

كنت اتجنب الرد على الموضوع ... بس شفت ان كل الاعضاء .. راسخة في بالهم ان اللي يطول شعره يصير زي البنت اوو يقلد البنت ... او زي ماقالت حفيدة راشد ... (( علامات الانوثة))..؟؟!!

اولا ... علامات الانوثة واضحة ....

ثانيا مو كل واحد طول شعرة صار بنت او يقلد بنات .....هذا مفهوم خاطئ ...اصابع يدك مو زي بعض...... اللي يقلد بنت يبان علية من شكلة قبل لايبان عليه من شعرة او من شكل شعره...

وما اقول ان مافيه .. الى فيه وشفتهم وقعدت اتحمد ربي عليهم ..

لكن انا اشوف ان فيه ناس شعورهم طويله ولاهو راعي قصات ولا هو راعي استشوار دايم او الحركات هذي حقت البنات ... ولا يعيبه شي .. خلاص يعني هذا نقول عليه يقلد بنات .. واحد طول شعره مو لازم نربطه بالبنت يعني انه يقلد بنات ... :)

قولو شكله ما اعجبكم اقول ايه لكن فيه ناس مو راكب عليهم الشعر الطويل .. سواء خشن ناعم ..مو مهم المهم انه مو راكب عليه ... زي ماقالت البدور..((بعذري ياختي حوموا كبودنا صرنا نمشي ونصد من شين الأشكال)) .. وانتي وش عليتس من اشكالهم .. :) كل ينام على الجنب اللي يريحة .. :) :)
في السوق ماعليتس من احد خلتس في نفستس وخلصي غرضتس وامشي .. ماعليتس من هذا شعرة طويل ولا لا هذا شكله شين امشي نروح من هنا ... :)

وانا واحد منهم ولي اكثر من 8 سنوات وشعري طويل ... والرجوله مالها اي علاقة بالشعر الطويل ..

لان اللي مو رجال سواء شعرة طويل ولا لا ,,, مو رجال مالها علاقه بالشعر...

ياما شفنا جدانا وعمانا وخوالنا بشعر طويل بشكل ما تتصور ... وهذوليهم رجاجيل ماعابه شعره .. ونفتخر فيهم ولنا الشرف ...

وش معنى الحين .... الظاهر بقولون لي .. ((لا هذا اول )) ههههه :) انا معكم في نقطة واحدة اللي قاصد انه يتشبة بالحريم ايه هذا ودك من يمسحة من الارض مسح ...

لكن وش ذنب اللي مربي شعرة وهو محترم واخلاقة توب التوب ... ولا يعيبة شي وش ذنبه

عموما طولت عليكم...

ارجو ان تكون مشاركتي خفيفة عليكم .... عموما اختلاف الاراء لايفسد للود قضية ...

وعندي بعض التحفظات على عضو هو عارف نفسة :) يا ويله مني خلني اشوفه بس ... :) :)

تقبلو مرووووري

تحيااااااااااااااااتي ...............تشاااااااااااااااااو

[البدور]

الأخت احلى مهاوي يعطيك العافية على مرورك وشاكرة لرأيك.
اخوي العنكبوت الأسود وش دعوة ياخي ناوي تحقرنا؟ زين اللي غيرت رايك وشرفتنا
بمشاركتك،العذر والسموحة وتكرمون عن اللي يتشبهون بالحريم لو تعيد تقرا الموضوع تلاحظ اني ماتطرقت لهم انا اتكلم من ناحية القبح والجمال فقط.
انا عندي وجهة نظر وحبيت اشوف آراء اكثر حول هالموضوع.

[بنت العجمان]

البدور ....

فيه فرق بين الي شعره فرنسي ..................

اوطويل ينافس فيه البنت """
ويكون شكله جدا مقزز و يشوه نفسه مهما كانت درجةوسامته





.......... وشكرا لبدور ع الموضوع .........

[البدور]

بنت العجمان شاكرة لوجهة نظرك

[قيروان]

بارك الله فيك أختي البدووووور اختيار موفق لموضوعك أنه لأمرمحزن ومقزز أن نرى رجال الأمة (اشباه رجال)
وقداطال شعره واصبح همه الاعتناءبه كماالنساء ! و وحجته الاقتداء بالرسول صلى الله عليه وسلم
’أين انتم من صلاةالفجر؟ (أنا الااعمم).............

شتان من اطال شعره في ميدان الجهادكما البطل خطاب ومن اطال شعره وتجول في الاسواق!!!!!!!!!!

[البدور]

اختي قيروان ييسعدني ان يكون موضوعي باكورة مشاركاتك
ونعم الرأي كفيتي ووفيتي.

[زحفان كتلونيا]

الا والله نطوله بس نخليه ااافرو ما نخليه لييس زي البنات

[غفيلية والعـز ليـة]

تبين الصدز الله يجزاهم خير ما قد شفت واحد
شعره طويل يفتح النفس الا متقوطر زيت
ويخالف القاعدة والعرف المتبع عند الناس هذا انسااان حاس بنقص ويحاول يظهر عكس مايبطن والسلام.
والله انك كفو
واحد طول شعره مو لازم نربطه بالبنت يعني انه يقلد بنات
لا افااااا يقلد الرسول
وش ذنبه
ذنبه ان شعره طويل
وعندي بعض التحفظات على عضو هو عارف نفسة
من هو ؟ قصم القصمات ما اعلم :)

الا والله نطوله بس نخليه ااافرو ما نخليه لييس زي البنات
لا انا اقول كيرلي ازين :)


البدور قربي اذنتس
شوفي لو انه زين ميخالف نتغاضى >> خربته
موضوعتس صراحتن صراحتن وش زينه

[البدور]

زحفان كتلونيا
الا والله نطوله بس نخليه ااافرو ما نخليه لييس زي البنات
شرهتك على اللي تدري وش انت تقول؟
،،،،،

غفيلية والعز لية ،،تبين الصدز انتي اللي وش زينتس
يخلون شعورهم تقاطر زيت يشقون انفسهم ويشقون عيوننا،
أما فايز الغفيلي فالنعم برأيه وانا اشهد انه كفو الله بس يثبته

لا افااااا يقلد الرسول
عجزت اسكت من الضحك
ويعطيك العافية على رأيك وخفة دمك (شكل هواة الشعر الطويل يتحلطمون عليك )
بس ليش تهونين قولي كل اللي عندك وطلعي مابخاطرك من هالدرر

[الــوافــي]

موضوع رائع

وقال ايش قال يطول شعره

اقول بلا قرف بس

ويمكن يكون الشخص توه في فتره المراهقه مافكر زين

مشكوره اختي على الموضوع

الوافي

[زعيم الرس]

طيب تسلمين يالبدور على الموضوع المتميز

بس انتي تقولين ان الشباب يلحقون موضة الشعر الطويل ونا واحد منهم

بس انا موب غفيلي

ههههه

اللمهم حبت انا اقول بعد ان البنات يلحقون الموضوع وانهم يقصرون شعورهم ونا ماتعجبني البنت اللي تقصر شعرها احس ان مافيها من الانوثه شي ابد

[غفيلية والعـز ليـة]

حبت انا اقول بعد ان البنات يلحقون الموضوع وانهم يقصرون شعورهم ونا ماتعجبني البنت اللي تقصر شعرها احس ان مافيها من الانوثه شي ابد
وحدة بوحدة يعني :)

[البدور]

اخوي الوافي
شرفني مرورك وشاكرة لرأيك ،،
وقال ايش قال يطول شعره

اقول بلا قرف بس
،،شديد والله،،
ويمكن يكون الشخص توه في فتره المراهقه مافكر زين
المشكلة اذا عدى المراهقة زي عضو شارك بهالموضوع يقول من عشر سنين
وشعره طويل ؟كل هاذي مراهقة؟ وانا خايفة منه بس الله يعين اهله وياجرهم بمصيبتهم،
لاتعصب علي يالعنكبوت تراه مجرد رأي.
زعيم الرس
تسلم يازعيم الرس وحياك الله،
بس انتي تقولين ان الشباب يلحقون موضة الشعر الطويل ونا واحد منهم

بس انا موب غفيلي

ههههه
بس انا ماقلت ان الغفالا بس هم اللي محومين كبودنا
بشعورهم انا قلت كل الشباب (ولو ان الغفالا بهم ملح شوي) هههه ( شكلي خربتها)
أنا معك ان الشعر هو جمال البنت بس الدنيا هاللحين معكوسة الشباب يطولون شعورهم
والبنات يقصونة ،،الشباب يطولون ثيابهم شوي ويتعثرون بهن والبنات يتنافسن من اقصر
باللبس شوي و ،، ولا بلاش اتكلم خل الخافي مستور
غفيلية والعز لية
حياك الله وتراه صادق وكل الدنيا هاللحين يتعاملون وحدة بوحدة .