مـــــؤيـــــد
12-10-2007, 12:14 AM
::
التوجد ..
قصيدة قالها الشاعر خالد بن مدعث الدوسري .. وبعد ماسمعها الشاعر ناصر الفراعنة السبيعي رد عليه بقصيدة سموها قصيدة ذباح أمه ..
القصيدتين تميزتا بأسلوب التوجد الذي يحاكي قصة طويلة وليس وصف حال عابرة كما هي العادة في أبيات التوجد ..
روعة القصيدتين لاتجعل لي مجالا ً لأتحدث عنهما .. فلهذا اترك القصائد لكم .. مع روابط صوتية للقصيدتين ..
::
أولا ً .. قصيدة التوجد للشاعر بن مدعث ..
التوجد صوتية (http://up1.m5zn.com/1cbfe6f1f7.rar.htm)
:
كل مافاضت عيوني باشة الاضلاع غنا=الموارد في الضلوع وكل ضلع فيه ونه
:
والتمني مايحقق هقوة القلب إن تمنا=بس قلبي مايداني تبعد الهقوات عنه
:
وا وجودي وجد من جلّي عن دياره مجنا=تو عمره عشر واربع والليالي ما تحنه
:
ماوراه الا عجوزه واخته وعودٍ مسنا=بين فقر وبين دين وبين ضيم وبين منه
:
ما ذبحهم غير دمعاً من الغبينه مايكنا=ويل من سود الليالي بالمصايب يبتلنه
:
راح مثل الذيب واهبلته حياة الذيب ظنا=وآمن والموت يومي بين مخلابه وسنه
:
راح ينقل دم قلبه وان ضواه الليل ونا=الذيابه مروحاته والسيوف يدورنه
:
لا ذكر دم القرايب عانق البيدا وثنا=وان تذكر ضحكة امه زاع قلبه من مغنه
:
مايلوعه في حشاه الا لا شاف البرق سنا=غاب عشر سنين مابه من يرد العلم عنه
:
إن حداه الخوف منا هزت الاشواق منا=يوم طال الوقت عود لديار اللي ربنه
:
قال مادام المذله والبلاوي يبتلنا =والله ان الموت بين الربع و الاوطان جنه
:
يوم عود في المنازل مالقى بيتٍ مبنا=غير بيتٍ للهبايب والذواري يلعبنه
:
راح يمه كنه اللي ضاربه رمحٍ مطنا=واعذابه مادرى ان سهوم بقعا يحترنه
:
يوم قرب سمع له صوت من العله يحنا=وحصل امه عندها ضيف يقول الموت سنه
:
قال يمه قالت عيوني من الدمع انعمنا=قال ابوي وقالت اطوال النصايب قد خذنه
:
قال واختي قالت اقفوا القوم باختك مع ضعنا=قال ربعي قالت سنين المجاعه فرقنه
:
قال جيتك قالت إن الموت ماأظن يتونا=واستلمها نازع الارواح روحٍ مرجهنه
:
ثم صاح من التفرق صيحت اللي فيه جنا=ودق صدره وانطوى من حر مابه طي شنه
:
كل هذا حال قلب من خلقه الله معنا=الهموم يوكلنه والروابع ياكلنه
:
ليه ادور للسبايب والسبب فينا ومنا=النفوس وماتسوي واليدين وما احصدنه
:
لا توسد للخطايا نلحق الشرهه زمنا=ماجزانا الا عملنا والحقايق يثبتنه
:
قلت اجرب وش ورانا بنتسلا وانتهنا=الليالي ماتخالف من طلب شيٍ عطنه
:
جاهلٍ في الغيب واثر اللي يسلينا طعنا=مادريت الا بقلبي والمحاني يردعنه
:
قلت وين تروح خلك في ضلوعك مرجهنا=قال مدري مير كن الحب تل العرق كنه
:
قلت مخطي قال ليه ليا ذكرناه اشتحنا=وانتبهت وطاح فكري للطواري واخلفنه
:
رحت ابسأل بنت حواء ليت حنا ماسألنا=كان والله مستريح ومخلفٍ قلبي وظنه
:
قلت هز العود صفق النود قال النود حنا= ماذكر به عود الا والهبايب يطرقنه
:
قلت في دارك غريب وقال حول في وطنا=لك محلٍ فيه قصور له سيوف يحتمنه
:
قلت اهلنا قال والله مانعيب سلوم اهلنا=والعفيف من الهوا مابه علوم يحرمنه
:
وابتدينا قصة السبع العجاف ومللنا=كل عام يمر يعطينا من اللوعات فنه
:
وافترقنا ما لقينا من يرد العلم عنا=غير حبٍ للهبايب والذواري يلعبنه
:
::
والآن رد الشاعر ناصر الفراعنة .. بقصيدة ذباح أمه ..
ذباح أمه صوتية (http://up1.m5zn.com/54f3c7ffba.rar.htm)
:
كل ما فاضت عيوني نجر ابن حربان دنا=في ضلوعي يسمع اللي من ورا بغداد دنه
:
يومٍ ابن مدعث لنا سن الوجود الحق سنا=وافؤادي كن دود الارض يرعى في مسنه
:
وافؤادي لو تضنا ياابن مدعث ما تضنا=كنه المجدور عقب الجور مرميٍ بعنه
:
أشعل التنباك من خلقته ماشبه وكنا=مير كنه من عجاج فاح من صدره يكنه
:
واوجودي وجد من هو عض بإبهامه وحنا=واحدٍ شاف الثلاث البيض سودٍ مستجنه
:
شاف قدام الخيام خشيف ريم مرجهنا=وثور البندق يبي يصيده وراغ الخشف منه
:
اطلق اربع عقبها اربع ثم سمع صوت يونا=واثرها امه صابها طلقه وطار العقل منه
:
واتهموه بذبحة امه ليلة العيد وتجنا=اتهمته الناس وصدوف النقادير اتهمنه
:
قالوا اخوانه ترا ما أنا بمنك ولا انت منا=يفرق الله بيننا وبينك عسى ما لك مضنه
:
لك ثلاث ايام من ذلحين وارحل من وطنا=عقبها تخطر على راسك مضاريب الاسنه
:
ودع مريته وتو بنته صغيره ماتحنا=توها ام اربع شهور وفي لحمها زود لنه
:
ركب غوجه وانقلب قبله بليل ما تونا=والحمايا من خلافه ارخوا حبال الاعنه
:
المطايا والسبايا من خلافه عمدنا=والمنايا سجدٍ قدام عينه يحترنه
:
كل ماعنز على قوم وطنّ الراس طنا=قالوا اذلف ذابح امه لعنبونا لو نحنه
:
ذابح امه لو زبنا عده انه مازبنا=لعنبوك بيوت قوم ذابح امه زبننه
:
الجماله ماتجمل في ولد حرٍ تدنا=مير دور غيرنا وانحش بقلبك لاندنه
:
وانقلب من عندهم كنه على محماس بنا=يمة اهل الغوص عجلات الركايب وجهنه
:
ركب بابور البحر ودموع عينه يذرفنا=فوق خده كنهن اذواد بدوٍ مرثعنه
:
يوم حل الليل اشرعة السفينه دودلنا=والهبايب ما يخلن محبلٍ مادودلنه
:
قام ربان السفيه قال ياناس امتحنا=قوموا ادعوا ربكم علام ماوسط الاجنه
:
قال شيخ منهم الا عندي الراي المطنا=ضحوا بواحد عسى الله ينقذ يدين رجنه
:
وطاحت القرعه على اللي ذابح امه ماتتنا=ثم رموا به في ظلمات البحور المستكنه
:
وادبحوا عنه وهو في غبّة البحور يتثنا=ثم عرض له من وحوش القرش جرجور وصنه
:
عض جرجور البحر ساقه وصايح واستجنا=ابك لولا الله كلاه القرش مايسلم مطنه
:
وفي ديار من بلاد الهند بين انسٍ وجنا=من فضل ربي عليه اطراف الامواج احذفنه
:
ومثل ماقبل امس متهوم بذبح امه معنا=اتهموه بذبح سلطان البلادالمطمئنه
:
وفي السجون المظلمه خمسة عشر عام قضنا=مع ثلاث ماقضن الا عقب حاله قضنه
:
لاسمع ورقاً تغني جر مسحوبه وغنا=وكل مغنى يزعجه غصب يجي تاليه ونه
:
لاطرته بيوت قوم في الخلايا يرفعنه=دار دولاب الدبا الدالوب دولابه وزنه
:
كل مابرقٍ سرى شرقٍ صدوق الغيث شنا=كن قلبه فوق سبق طيور بر شطرنه
:
عقب مده جاه من داره نذيرٍ مرثعنا=قال انا جيتك بعلمٍ والله إنه والله إنه
:
حرمتك ماتت لها عشر سنوات قد مضنا=والبنيّه معمسٍ تقرع عليك اقراع شنه
:
عمها عزربها في وسط بيته ماتهنا=خادمة نسوانه الثنتين واللي ضيفنه
:
ثم زوجها لابو سبعين عام ما انقصنا=شايب يطرب خفوقه لاسمع للقرش رنه
:
يوم سمع هروجهم فاضت عيونه وازحرنا=وسط سجنه كنه اللي ساكنٍ له في مجنه
:
قال ياربعي افزعوا لي من سجونٍ غيضنا=قبر قلبي الدمدم اغادي يديكم يظهرنه
:
قالوا انا وش لنا انا والله انا ما شحنا=غير بنتك والامثلك مابقربه قرب جنه
:
وانتحوا وعيون قايدهم جنوب خايلنا=وهو ورا سجنه عيونه كل نجمٍ خايلنه
:
وعقب عام من مجي ربعه وسنٍ عض سنا=اعفوا الكفار عنه من عقب سودٍ دهنه
:
يوم فكوا قيد رجله وانطلق خاطره منا=وانفلت يبغى ديار من ورا نجد اشحننه
:
حث ساقه مايشوف الا بنيته يوم قنا=من عقب عشرين عام في وطن قومٍ مصنه
:
من ردي حظه نهار اغظن عيونه وارقدنا= فز من نومه عقب عضه حنش داب بسنه
:
ومن اثر سم الحنش يونس ضلوعه يطبخنا=وطاح عزي لواحدٍ سود الافاعي طيحنه
:
يوم هو فكر إلى فوقه نجومٍ يبرقنا=وشاف بكيت بنته اللي جا يبيها بينهنه
:
قال يانجوم السماء تكفين روحي صوب اهلنا=علمي بنتي عن اللي صاب ابوها واستسنه
:
اشهد إنا ما بحلنا بالليالي اشهد إنا=مير حظي خانني ثم مات مابه من يقنه
:
ذاك وجده وجد حالي في وطنا من عطنا=من هنوف خدرها بيض الهنادي يحتمنه
:
وسلامتكم
::
صح لسان بن مدعث وصح لسان ناصر الفراعنة ..
،،
وحياكم
::
التوجد ..
قصيدة قالها الشاعر خالد بن مدعث الدوسري .. وبعد ماسمعها الشاعر ناصر الفراعنة السبيعي رد عليه بقصيدة سموها قصيدة ذباح أمه ..
القصيدتين تميزتا بأسلوب التوجد الذي يحاكي قصة طويلة وليس وصف حال عابرة كما هي العادة في أبيات التوجد ..
روعة القصيدتين لاتجعل لي مجالا ً لأتحدث عنهما .. فلهذا اترك القصائد لكم .. مع روابط صوتية للقصيدتين ..
::
أولا ً .. قصيدة التوجد للشاعر بن مدعث ..
التوجد صوتية (http://up1.m5zn.com/1cbfe6f1f7.rar.htm)
:
كل مافاضت عيوني باشة الاضلاع غنا=الموارد في الضلوع وكل ضلع فيه ونه
:
والتمني مايحقق هقوة القلب إن تمنا=بس قلبي مايداني تبعد الهقوات عنه
:
وا وجودي وجد من جلّي عن دياره مجنا=تو عمره عشر واربع والليالي ما تحنه
:
ماوراه الا عجوزه واخته وعودٍ مسنا=بين فقر وبين دين وبين ضيم وبين منه
:
ما ذبحهم غير دمعاً من الغبينه مايكنا=ويل من سود الليالي بالمصايب يبتلنه
:
راح مثل الذيب واهبلته حياة الذيب ظنا=وآمن والموت يومي بين مخلابه وسنه
:
راح ينقل دم قلبه وان ضواه الليل ونا=الذيابه مروحاته والسيوف يدورنه
:
لا ذكر دم القرايب عانق البيدا وثنا=وان تذكر ضحكة امه زاع قلبه من مغنه
:
مايلوعه في حشاه الا لا شاف البرق سنا=غاب عشر سنين مابه من يرد العلم عنه
:
إن حداه الخوف منا هزت الاشواق منا=يوم طال الوقت عود لديار اللي ربنه
:
قال مادام المذله والبلاوي يبتلنا =والله ان الموت بين الربع و الاوطان جنه
:
يوم عود في المنازل مالقى بيتٍ مبنا=غير بيتٍ للهبايب والذواري يلعبنه
:
راح يمه كنه اللي ضاربه رمحٍ مطنا=واعذابه مادرى ان سهوم بقعا يحترنه
:
يوم قرب سمع له صوت من العله يحنا=وحصل امه عندها ضيف يقول الموت سنه
:
قال يمه قالت عيوني من الدمع انعمنا=قال ابوي وقالت اطوال النصايب قد خذنه
:
قال واختي قالت اقفوا القوم باختك مع ضعنا=قال ربعي قالت سنين المجاعه فرقنه
:
قال جيتك قالت إن الموت ماأظن يتونا=واستلمها نازع الارواح روحٍ مرجهنه
:
ثم صاح من التفرق صيحت اللي فيه جنا=ودق صدره وانطوى من حر مابه طي شنه
:
كل هذا حال قلب من خلقه الله معنا=الهموم يوكلنه والروابع ياكلنه
:
ليه ادور للسبايب والسبب فينا ومنا=النفوس وماتسوي واليدين وما احصدنه
:
لا توسد للخطايا نلحق الشرهه زمنا=ماجزانا الا عملنا والحقايق يثبتنه
:
قلت اجرب وش ورانا بنتسلا وانتهنا=الليالي ماتخالف من طلب شيٍ عطنه
:
جاهلٍ في الغيب واثر اللي يسلينا طعنا=مادريت الا بقلبي والمحاني يردعنه
:
قلت وين تروح خلك في ضلوعك مرجهنا=قال مدري مير كن الحب تل العرق كنه
:
قلت مخطي قال ليه ليا ذكرناه اشتحنا=وانتبهت وطاح فكري للطواري واخلفنه
:
رحت ابسأل بنت حواء ليت حنا ماسألنا=كان والله مستريح ومخلفٍ قلبي وظنه
:
قلت هز العود صفق النود قال النود حنا= ماذكر به عود الا والهبايب يطرقنه
:
قلت في دارك غريب وقال حول في وطنا=لك محلٍ فيه قصور له سيوف يحتمنه
:
قلت اهلنا قال والله مانعيب سلوم اهلنا=والعفيف من الهوا مابه علوم يحرمنه
:
وابتدينا قصة السبع العجاف ومللنا=كل عام يمر يعطينا من اللوعات فنه
:
وافترقنا ما لقينا من يرد العلم عنا=غير حبٍ للهبايب والذواري يلعبنه
:
::
والآن رد الشاعر ناصر الفراعنة .. بقصيدة ذباح أمه ..
ذباح أمه صوتية (http://up1.m5zn.com/54f3c7ffba.rar.htm)
:
كل ما فاضت عيوني نجر ابن حربان دنا=في ضلوعي يسمع اللي من ورا بغداد دنه
:
يومٍ ابن مدعث لنا سن الوجود الحق سنا=وافؤادي كن دود الارض يرعى في مسنه
:
وافؤادي لو تضنا ياابن مدعث ما تضنا=كنه المجدور عقب الجور مرميٍ بعنه
:
أشعل التنباك من خلقته ماشبه وكنا=مير كنه من عجاج فاح من صدره يكنه
:
واوجودي وجد من هو عض بإبهامه وحنا=واحدٍ شاف الثلاث البيض سودٍ مستجنه
:
شاف قدام الخيام خشيف ريم مرجهنا=وثور البندق يبي يصيده وراغ الخشف منه
:
اطلق اربع عقبها اربع ثم سمع صوت يونا=واثرها امه صابها طلقه وطار العقل منه
:
واتهموه بذبحة امه ليلة العيد وتجنا=اتهمته الناس وصدوف النقادير اتهمنه
:
قالوا اخوانه ترا ما أنا بمنك ولا انت منا=يفرق الله بيننا وبينك عسى ما لك مضنه
:
لك ثلاث ايام من ذلحين وارحل من وطنا=عقبها تخطر على راسك مضاريب الاسنه
:
ودع مريته وتو بنته صغيره ماتحنا=توها ام اربع شهور وفي لحمها زود لنه
:
ركب غوجه وانقلب قبله بليل ما تونا=والحمايا من خلافه ارخوا حبال الاعنه
:
المطايا والسبايا من خلافه عمدنا=والمنايا سجدٍ قدام عينه يحترنه
:
كل ماعنز على قوم وطنّ الراس طنا=قالوا اذلف ذابح امه لعنبونا لو نحنه
:
ذابح امه لو زبنا عده انه مازبنا=لعنبوك بيوت قوم ذابح امه زبننه
:
الجماله ماتجمل في ولد حرٍ تدنا=مير دور غيرنا وانحش بقلبك لاندنه
:
وانقلب من عندهم كنه على محماس بنا=يمة اهل الغوص عجلات الركايب وجهنه
:
ركب بابور البحر ودموع عينه يذرفنا=فوق خده كنهن اذواد بدوٍ مرثعنه
:
يوم حل الليل اشرعة السفينه دودلنا=والهبايب ما يخلن محبلٍ مادودلنه
:
قام ربان السفيه قال ياناس امتحنا=قوموا ادعوا ربكم علام ماوسط الاجنه
:
قال شيخ منهم الا عندي الراي المطنا=ضحوا بواحد عسى الله ينقذ يدين رجنه
:
وطاحت القرعه على اللي ذابح امه ماتتنا=ثم رموا به في ظلمات البحور المستكنه
:
وادبحوا عنه وهو في غبّة البحور يتثنا=ثم عرض له من وحوش القرش جرجور وصنه
:
عض جرجور البحر ساقه وصايح واستجنا=ابك لولا الله كلاه القرش مايسلم مطنه
:
وفي ديار من بلاد الهند بين انسٍ وجنا=من فضل ربي عليه اطراف الامواج احذفنه
:
ومثل ماقبل امس متهوم بذبح امه معنا=اتهموه بذبح سلطان البلادالمطمئنه
:
وفي السجون المظلمه خمسة عشر عام قضنا=مع ثلاث ماقضن الا عقب حاله قضنه
:
لاسمع ورقاً تغني جر مسحوبه وغنا=وكل مغنى يزعجه غصب يجي تاليه ونه
:
لاطرته بيوت قوم في الخلايا يرفعنه=دار دولاب الدبا الدالوب دولابه وزنه
:
كل مابرقٍ سرى شرقٍ صدوق الغيث شنا=كن قلبه فوق سبق طيور بر شطرنه
:
عقب مده جاه من داره نذيرٍ مرثعنا=قال انا جيتك بعلمٍ والله إنه والله إنه
:
حرمتك ماتت لها عشر سنوات قد مضنا=والبنيّه معمسٍ تقرع عليك اقراع شنه
:
عمها عزربها في وسط بيته ماتهنا=خادمة نسوانه الثنتين واللي ضيفنه
:
ثم زوجها لابو سبعين عام ما انقصنا=شايب يطرب خفوقه لاسمع للقرش رنه
:
يوم سمع هروجهم فاضت عيونه وازحرنا=وسط سجنه كنه اللي ساكنٍ له في مجنه
:
قال ياربعي افزعوا لي من سجونٍ غيضنا=قبر قلبي الدمدم اغادي يديكم يظهرنه
:
قالوا انا وش لنا انا والله انا ما شحنا=غير بنتك والامثلك مابقربه قرب جنه
:
وانتحوا وعيون قايدهم جنوب خايلنا=وهو ورا سجنه عيونه كل نجمٍ خايلنه
:
وعقب عام من مجي ربعه وسنٍ عض سنا=اعفوا الكفار عنه من عقب سودٍ دهنه
:
يوم فكوا قيد رجله وانطلق خاطره منا=وانفلت يبغى ديار من ورا نجد اشحننه
:
حث ساقه مايشوف الا بنيته يوم قنا=من عقب عشرين عام في وطن قومٍ مصنه
:
من ردي حظه نهار اغظن عيونه وارقدنا= فز من نومه عقب عضه حنش داب بسنه
:
ومن اثر سم الحنش يونس ضلوعه يطبخنا=وطاح عزي لواحدٍ سود الافاعي طيحنه
:
يوم هو فكر إلى فوقه نجومٍ يبرقنا=وشاف بكيت بنته اللي جا يبيها بينهنه
:
قال يانجوم السماء تكفين روحي صوب اهلنا=علمي بنتي عن اللي صاب ابوها واستسنه
:
اشهد إنا ما بحلنا بالليالي اشهد إنا=مير حظي خانني ثم مات مابه من يقنه
:
ذاك وجده وجد حالي في وطنا من عطنا=من هنوف خدرها بيض الهنادي يحتمنه
:
وسلامتكم
::
صح لسان بن مدعث وصح لسان ناصر الفراعنة ..
،،
وحياكم
::