Rathath AL:aml
08-09-2007, 10:27 PM
http://www.grnaas.org/img/upload/wh_33216205.gif
:
:
:
صـــــبــاحـــكــم / مـــــســـائــكـــــــم ..
ورد
من شاعرات عجمان الرس الشهيرات ومنهم : ( مويضي السعد الدهلاوية ، وزينب المحمد العجمي ) :
مويضي الدهلاوية :
هي شاعرة من العائلة المعروفة الدهلاوية من ال محفوظ من حاضرة الرس، عاصرت حملات الاتراك بقيادة ابراهيم باشا ، كانت تناهض هذه الحملات وتدعوا الجميع للوقوف ضدها وتحث الرجال على محاربتها والتصدي لها ، لها مشاركات كثيرة اما قصائدها التالية ومواقفها فأخذتها كما هي من قطوف الازهار للاستاذ الشاعر عبدالله بن عبار العنزي .
قالت موضي الدهلاوية هذه القصيدة عندما نجعت البادية من الرس وكان الشيخ جديع بن هذال شيخ عنزة زوجها قد أبطأ في المغيب لكثرة الحل والترحال حتى اشتاقت اليه وهي في الرس فقالت هذه القصيدة تحثه على القدوم:
يـا الله موصـل غريـب بـلاده=يا مجري سفن البحر فوق الامواج
تريح قلبـي فـي مضنـة فـؤاده= ان كان ما طاوع بنا كـل هـراج
امـي توصينـي تقـول الجـلاده=وقلبي إليا جاء طاري البدو ينفاج
امـي تقـول ان التمنـي قـراده=وانا اقول ان التمني بـه افـراج
يا راكـب حمـرا جديـد إشـداده=ومعودينـه للمـسـاري والادلاج
تلفي على شيـخ بجـو الحمـاده=جديـع بيتـه للمسايـر مدهـاج
مودع على المطران كدار هجـاده=هجيجهم بيـن أبانـات وسـواج
خلا المريخي طايـح فـي معـاده=والخيل بالجبـلان راحـن مـراج
قل لابن وايـل كـان وده امـراده=القيض زل وبارق المـزن لعـاج
حطيت لك ريش النعايم أوسـاده=والبطن لك يا فارس الخيل مسهاج
وعندما وصلت قصيدة الشيخة موضي الى زوجها الشيخ جديع غضب لتناقل الناس شعرها وذلك من شدة غيرة العربي الاصيل رغم انها لم تقترف ذنب ولكنه كره أن يسمع شعرها على ألسنة الناس وقد طلقها بقصيدة منها قوله:
يا راكب حيـل إليـا لجلجنـي=إليا كن حاديهن مع الدو خيـال
مدن من الانجاح حين أنهلنـي=وخذن لهن من نازح البيد مقيال
والعصر عند صويحبي بركنـي=اللي ثمانه كنهـن در الاهجـال
قله تراها طالق الحبـل منـي=اللي قصيدة يلعبه كـل رجـال
وعندما وصلت قصيدة جديع الى زوجته تأثرت تأثر بالغ لكونها لم تستحق ما حصل وقالت هذه القصيدة :
حي الجواب وحي من هو جوابـه=يا شيخ يا مدكى غثيثين الاجنـاب
يا شيخ والله ما مشيـت المعابـه=ولا خايلت عيني على كل نصـاب
وان كان قولي فيك كلـن حكابـه=عرضي نزيه ولا حكى فيه هـزاب
أرجيك رجوى الباديـة للسحابـة=وجازيتني في كلمة مالها أسبـاب
هذا النصيب وما بغى الرب جابـه=وان صك باب العبد عند الولي باب
ثم بعد هذه القصيدة قيل ان الشيخ أراد إسترجاعها فأبت وقد بلغها بعد ذلك أن جديع كسر في إحدى المعارك حيث صوب وكسرت رجله فقالت هذه الابيات:
يا راكب ملحا تجوب أشهب اللال=أيضا ولا فوقـه رديـف محنهـا
أول نهاره بس مشـي وزرفـال=وتالي نهاره طير الربـخ عنهـا
واقطع لها من غاية السدر محجال=واستدنها بالنايفة مـن شغنهـا
تلفي لبيت نايـف كنـه الجـال=واليا لفيت بربعته طـش عنهـا
فكوك ريقك شفت الفجـر فنجـال=وحايل ثمان أيام ينـدا صحنهـا
سلم على شيخ الشيوخ ابن هذال=شيخ صليبين المشايـخ غبنهـا
قل كيف رجلك يا ذرا كل مشـوال=لا طـار سـرد السبايـا يقنهـا
يعلن شره ينقسـم بيـن الانـذال=أطلبك يـا رب الملاعـف عنهـا
ومن قصائدها بعد انفصالها عن زوجها الشيخ جديع بن هذال قالت عندما طلب مراجعتها وقد اشتد غيضها من مفاجأتها بالطلاق فقالت توضح له ما يجول بخاطرها نحوه:
جدعان يوم انـه بغانـي بغيتـه=ما طمحوني عنه كثر العشاشيـق
واليوم من شفته رمانـي رميتـه=رمية وضيحـي رمـوه التفافيـق
الشوق انا حرمت مسكـان بيتـه=الا مغيب الشمس يرجع لتشريـق
والا ان صرت الحي يوحيه ميتـه=او ينبلع سم الحيايا مـع الريـق
عسى يجيني شيخ نسمع بصيتـه=سنافي ويعطي من طوال السماحيق
وعندما شاع خبرها تكاثر عليها الخطاطيب من مشائخ القبائل لعفتها ولادبها ولما لها من منزلة عالية عند البادية والحاضرة وقد اخذها الشيخ مجلاد بن فوزان شيخ الدهامشة من عنزة وانجبت منه ولده اسمه خالد وهي تسكن في بيتها في مدينة الرس وكعادة البادية ينتقلون من مكان الى مكان وقد اقتضت الضرورة ان يرحل الشيخ مجلاد من الرس ويذهب الى الشمال بسبب جدب توالت على منطقة القصيم فشاور زوجته بالرحيل معهم أو البقاء في الرس بكنف والدها أحد مشائخ الحاضرة في الرس وكانت تؤثر حياة الحاضرة على حياة البادية وقد طلبت منه ان يبقيها في الرس لعل الله يعيد للبلاد فيرجعون وقد رحل مجلاد وبقيت مويضي بالرس وعندما مضت مدة من الوقت أرسلت هذه القصيدة للشيخ مجلاد تقول فيها :
يـا راكـب ملحـا تكـب الشـدادي=عِمْلِيِةٍ ماهي بتمشـي علـى الهـون
كنـه ظليـم جافـل مـع حـمـادي=أقفا وقلبه حـروة الدحـو مشطـون
تسهج بـك الجبـلان ببـلا بعـادي=والعصر وأنتم عند عكـاش تلفـون
يا خو هوى يا القرم وين انت غـادي=ودي علـى جـال الرفايـع اتبنـون
بالحاجـر المنقـاد مـع بطـن وادي=فوقه دواويـر علـى العـد يـردون
حزت طلوع الشمس وقـت المقـادي=من حين رعيـان البـوادي يمـدون
تسمع لسبـر القـوم حسـه ينـادي=عاين وهو بالرجم الى الجو مقطـون
تلقا بهم مـن قـال كـب السـوادي=وارجي عساهـا بالزماميـل يلهـون
عند الركايب صار هـوش ونكـادي=وراعي الحصان المنتخي طاح مطعون
وراعي فريحـه كـن فيهـا قيـادي=يثني مثـل سبـع الخـلا لا تذلـون
وقالت مويضي الدهلاوية ترثي زوجها السابق جديع بن هذال بعد مقتله في معركة كير:
يا كير ولامرت عليك المخاييـل=في قاعتك يا كير حـل الذباحـي
هليه يا وضحى دمـوع هماليـل=على عشيرك يم ضلع البطاحـي
لومي على اللي يبعدون المحاويل=ما عفتوا لارقابهن يوم طاحـي
خلوه بوجيه العصـاه المغاليـل=وراجوا عليه مغلبين الرماحـي
اخذ حلاوتها جديع ابـن منديـل=وخلا الغثا لارباعته وإستراحي
زينب المحمد العجمي
ولدت في الرس واشتهرت بكنية والدها "مخراق" أي شديد الكرم فكان يطلق عليها مخراقة.. وهي تفتخر بهذا اللقب فتقول:
ان قيل مخراقـة فلابـه معيـره=عمهوجة تزهي جديد المياديـج
الى اقبلت مع ناسمات الجديلـة=ماهيب من خثل البطون الجوابيج
برعت زينب في قول الشعر وكانت غزيرة الانتاج إلا ان معظم شعرها ضاع لأنه لم يدون.
لها قدرة على تصوير احاسيس المرأة في مواقف حياتها المختلفة وحين تزوج زوجها عليها قالت:
سيرت ابنشـد سالـم كيـف ودي=الطارش اللي غايب لـه زمانيـن
قال إن شوفك عن علومك يصـدي=من يمكم ماهوب طلق الحجاجيـن
تـزوج لـه وحـدة لـه يكـدي=وانتي يبيك الى رسـة المعاطيـن
تهت الطريق وجيت انا سوق سدي=غديت ما اميز طريقي من البيـن
:
:
:
منقول من مجالس العجمان ..
لكــــــــم ودي ..
http://www.grnaas.org/img/upload/wh_33216205.gif
:
:
:
:
:
:
صـــــبــاحـــكــم / مـــــســـائــكـــــــم ..
ورد
من شاعرات عجمان الرس الشهيرات ومنهم : ( مويضي السعد الدهلاوية ، وزينب المحمد العجمي ) :
مويضي الدهلاوية :
هي شاعرة من العائلة المعروفة الدهلاوية من ال محفوظ من حاضرة الرس، عاصرت حملات الاتراك بقيادة ابراهيم باشا ، كانت تناهض هذه الحملات وتدعوا الجميع للوقوف ضدها وتحث الرجال على محاربتها والتصدي لها ، لها مشاركات كثيرة اما قصائدها التالية ومواقفها فأخذتها كما هي من قطوف الازهار للاستاذ الشاعر عبدالله بن عبار العنزي .
قالت موضي الدهلاوية هذه القصيدة عندما نجعت البادية من الرس وكان الشيخ جديع بن هذال شيخ عنزة زوجها قد أبطأ في المغيب لكثرة الحل والترحال حتى اشتاقت اليه وهي في الرس فقالت هذه القصيدة تحثه على القدوم:
يـا الله موصـل غريـب بـلاده=يا مجري سفن البحر فوق الامواج
تريح قلبـي فـي مضنـة فـؤاده= ان كان ما طاوع بنا كـل هـراج
امـي توصينـي تقـول الجـلاده=وقلبي إليا جاء طاري البدو ينفاج
امـي تقـول ان التمنـي قـراده=وانا اقول ان التمني بـه افـراج
يا راكـب حمـرا جديـد إشـداده=ومعودينـه للمـسـاري والادلاج
تلفي على شيـخ بجـو الحمـاده=جديـع بيتـه للمسايـر مدهـاج
مودع على المطران كدار هجـاده=هجيجهم بيـن أبانـات وسـواج
خلا المريخي طايـح فـي معـاده=والخيل بالجبـلان راحـن مـراج
قل لابن وايـل كـان وده امـراده=القيض زل وبارق المـزن لعـاج
حطيت لك ريش النعايم أوسـاده=والبطن لك يا فارس الخيل مسهاج
وعندما وصلت قصيدة الشيخة موضي الى زوجها الشيخ جديع غضب لتناقل الناس شعرها وذلك من شدة غيرة العربي الاصيل رغم انها لم تقترف ذنب ولكنه كره أن يسمع شعرها على ألسنة الناس وقد طلقها بقصيدة منها قوله:
يا راكب حيـل إليـا لجلجنـي=إليا كن حاديهن مع الدو خيـال
مدن من الانجاح حين أنهلنـي=وخذن لهن من نازح البيد مقيال
والعصر عند صويحبي بركنـي=اللي ثمانه كنهـن در الاهجـال
قله تراها طالق الحبـل منـي=اللي قصيدة يلعبه كـل رجـال
وعندما وصلت قصيدة جديع الى زوجته تأثرت تأثر بالغ لكونها لم تستحق ما حصل وقالت هذه القصيدة :
حي الجواب وحي من هو جوابـه=يا شيخ يا مدكى غثيثين الاجنـاب
يا شيخ والله ما مشيـت المعابـه=ولا خايلت عيني على كل نصـاب
وان كان قولي فيك كلـن حكابـه=عرضي نزيه ولا حكى فيه هـزاب
أرجيك رجوى الباديـة للسحابـة=وجازيتني في كلمة مالها أسبـاب
هذا النصيب وما بغى الرب جابـه=وان صك باب العبد عند الولي باب
ثم بعد هذه القصيدة قيل ان الشيخ أراد إسترجاعها فأبت وقد بلغها بعد ذلك أن جديع كسر في إحدى المعارك حيث صوب وكسرت رجله فقالت هذه الابيات:
يا راكب ملحا تجوب أشهب اللال=أيضا ولا فوقـه رديـف محنهـا
أول نهاره بس مشـي وزرفـال=وتالي نهاره طير الربـخ عنهـا
واقطع لها من غاية السدر محجال=واستدنها بالنايفة مـن شغنهـا
تلفي لبيت نايـف كنـه الجـال=واليا لفيت بربعته طـش عنهـا
فكوك ريقك شفت الفجـر فنجـال=وحايل ثمان أيام ينـدا صحنهـا
سلم على شيخ الشيوخ ابن هذال=شيخ صليبين المشايـخ غبنهـا
قل كيف رجلك يا ذرا كل مشـوال=لا طـار سـرد السبايـا يقنهـا
يعلن شره ينقسـم بيـن الانـذال=أطلبك يـا رب الملاعـف عنهـا
ومن قصائدها بعد انفصالها عن زوجها الشيخ جديع بن هذال قالت عندما طلب مراجعتها وقد اشتد غيضها من مفاجأتها بالطلاق فقالت توضح له ما يجول بخاطرها نحوه:
جدعان يوم انـه بغانـي بغيتـه=ما طمحوني عنه كثر العشاشيـق
واليوم من شفته رمانـي رميتـه=رمية وضيحـي رمـوه التفافيـق
الشوق انا حرمت مسكـان بيتـه=الا مغيب الشمس يرجع لتشريـق
والا ان صرت الحي يوحيه ميتـه=او ينبلع سم الحيايا مـع الريـق
عسى يجيني شيخ نسمع بصيتـه=سنافي ويعطي من طوال السماحيق
وعندما شاع خبرها تكاثر عليها الخطاطيب من مشائخ القبائل لعفتها ولادبها ولما لها من منزلة عالية عند البادية والحاضرة وقد اخذها الشيخ مجلاد بن فوزان شيخ الدهامشة من عنزة وانجبت منه ولده اسمه خالد وهي تسكن في بيتها في مدينة الرس وكعادة البادية ينتقلون من مكان الى مكان وقد اقتضت الضرورة ان يرحل الشيخ مجلاد من الرس ويذهب الى الشمال بسبب جدب توالت على منطقة القصيم فشاور زوجته بالرحيل معهم أو البقاء في الرس بكنف والدها أحد مشائخ الحاضرة في الرس وكانت تؤثر حياة الحاضرة على حياة البادية وقد طلبت منه ان يبقيها في الرس لعل الله يعيد للبلاد فيرجعون وقد رحل مجلاد وبقيت مويضي بالرس وعندما مضت مدة من الوقت أرسلت هذه القصيدة للشيخ مجلاد تقول فيها :
يـا راكـب ملحـا تكـب الشـدادي=عِمْلِيِةٍ ماهي بتمشـي علـى الهـون
كنـه ظليـم جافـل مـع حـمـادي=أقفا وقلبه حـروة الدحـو مشطـون
تسهج بـك الجبـلان ببـلا بعـادي=والعصر وأنتم عند عكـاش تلفـون
يا خو هوى يا القرم وين انت غـادي=ودي علـى جـال الرفايـع اتبنـون
بالحاجـر المنقـاد مـع بطـن وادي=فوقه دواويـر علـى العـد يـردون
حزت طلوع الشمس وقـت المقـادي=من حين رعيـان البـوادي يمـدون
تسمع لسبـر القـوم حسـه ينـادي=عاين وهو بالرجم الى الجو مقطـون
تلقا بهم مـن قـال كـب السـوادي=وارجي عساهـا بالزماميـل يلهـون
عند الركايب صار هـوش ونكـادي=وراعي الحصان المنتخي طاح مطعون
وراعي فريحـه كـن فيهـا قيـادي=يثني مثـل سبـع الخـلا لا تذلـون
وقالت مويضي الدهلاوية ترثي زوجها السابق جديع بن هذال بعد مقتله في معركة كير:
يا كير ولامرت عليك المخاييـل=في قاعتك يا كير حـل الذباحـي
هليه يا وضحى دمـوع هماليـل=على عشيرك يم ضلع البطاحـي
لومي على اللي يبعدون المحاويل=ما عفتوا لارقابهن يوم طاحـي
خلوه بوجيه العصـاه المغاليـل=وراجوا عليه مغلبين الرماحـي
اخذ حلاوتها جديع ابـن منديـل=وخلا الغثا لارباعته وإستراحي
زينب المحمد العجمي
ولدت في الرس واشتهرت بكنية والدها "مخراق" أي شديد الكرم فكان يطلق عليها مخراقة.. وهي تفتخر بهذا اللقب فتقول:
ان قيل مخراقـة فلابـه معيـره=عمهوجة تزهي جديد المياديـج
الى اقبلت مع ناسمات الجديلـة=ماهيب من خثل البطون الجوابيج
برعت زينب في قول الشعر وكانت غزيرة الانتاج إلا ان معظم شعرها ضاع لأنه لم يدون.
لها قدرة على تصوير احاسيس المرأة في مواقف حياتها المختلفة وحين تزوج زوجها عليها قالت:
سيرت ابنشـد سالـم كيـف ودي=الطارش اللي غايب لـه زمانيـن
قال إن شوفك عن علومك يصـدي=من يمكم ماهوب طلق الحجاجيـن
تـزوج لـه وحـدة لـه يكـدي=وانتي يبيك الى رسـة المعاطيـن
تهت الطريق وجيت انا سوق سدي=غديت ما اميز طريقي من البيـن
:
:
:
منقول من مجالس العجمان ..
لكــــــــم ودي ..
http://www.grnaas.org/img/upload/wh_33216205.gif
:
:
: