قصيده للشاعر ماجد عبدالله الدهيثم الغفيلي الشمري

[ولد الطنايا]

السلام عليكم ورحمه الله وبركاته
هذه اول مشاركه لي وحبيت انقلكم هذه القصيده للشاعرماجد عبدالله الدهيثم الغفيلي الشمري
بمناسبه ماحدث في بلادنا من ارهاب

بديت باللي نزل العلم تنزيل ......... اللي رفع سبع بليا عمدها

عازل بياض الصبح عن مظلم الليل ......... عالم خفيات السنين وعددها

مرسل على جيش آبرهه طير ابابيل ......... بامر الولي جاه الذباب وحصدها

بديت بالله قبل اقول التماثيل ......... تواردن يمي وفكري وردها

وجهتهن للضايعين المهابيل ......... اللي بتخطيطه تدمر بلدها

حطاطتن بالدين زيف(ن) وتضليل ......... وافعالهم لعيونهم هي رمدها

نجد(ن) ولاها معرب الجد حلحيل ......... عبدالعزيز اللي لشعبه مهدها

ورث عيال(ن) ضابطينه عن الميل ......... حكام نجد اخوه فهد مع فهدها

وجنود(ن)لياركب الرشاء للمحاحيل ......... سباع(ن) تسن ضروسها من نكدها

لراع الطمع مامن وراهم محاصيل ......... الا الغثا والغبن وامر وادها

ولانستمع للهيلمه والطهابيل ......... مثل اللذي تنقض بريمه بيدها

قلته وانا من لابت(ن) توفي الكيل ......... قبيله(ن)ماتختلف عن وعدها

شمر ليا ركبوا على قرح الخيل ......... كم وحده(ن) تبكي تعشوا ولدها

وليا تناخوا عند برص الدحاليل ......... بيوم(ن) تعيف الروح غالي جسدها

من فوق قب(ن) كاظمات مشاويل ......... وأفعالهم تخبر ولاحد(ن) جحدها

وكل القبايل به صعول(ن) مشاكيل ......... وديان شعبان (ن) تقطع زبدها

وصلاه ربي عد طش الهماليل ......... وعد النفود ونبتها مع جلدها

على النبي موضح الدين بالحيل ......... وهدام للأصنام واللي عبدها


وسلامتكم

[حسام الغفيلي]

اشكرك اخوي ولد الطنايا وشكلك من ديار الجود والكرم

لكن ابعلمك ان اسم الشاعر الغفيلة ماهوب الغفيلي اذا كان شمري الاصل

لان الشمامرة غفيلات ماهوب غفالى

فهمت اخوي

ومرة اخرى اكرر شكري

[علي اليامي]

يسلمو

اخوي على النقل الموفق

[الدكتورالغفيلي]

ولد الطنا يا اخوي مشكور على النقل الموفق لشا عر نا ماجد عبد الله الد هيثم الغفيلي ونطلب منك المذيد عن شعرا ئنا الافاضل من جميع مملكتنا الحبيبه وخاصتا من بني عمنا من امثال ماجد الغفيلي

[حسام الغفيلي]

يا اخوااااان هذا شمري وحنا عجمان يعني ماهو ولد عمنا

ولو انه مهب ولد عمنا حياه الله لكن لا تكتبو ولد عمنا وهو مو ولد عمنا

[الدكتورالغفيلي]

ماجد عبدالله الدهيثم الغفيلي شاعر نا اصله عربي مو عجمي وهو ولد عمنا جدنا وجده غفيلي انت ولدنا ما عارف حقيقة الغفالا والله الغفالا في جميع انحا العالم جدنا واحد لا عجمي ولا شمري هم سا دة العرب والله حاله منا تاركين بني عمنا وملصقينا للعجم والبا قين ملصقينه لشمر الله يستر يمكن يطلع غفيلي من دوله ثا نيه غير سعودي الله يستر

[حسام الغفيلي]

يا اخوووووووي دكتور الغفالا اللي موجودين في الرس هذولي من قبيلة العجمان من يام من همدان من قحطان

ونسبهم واضح


وفيه فرق بين عجمي=اعجمي

وانا قلت ذا شمري ماهو ععجمي يعني ماهو يامي يعني ما هو ولد عم لنا

الله يهديك

[الدكتورالغفيلي]

ياولد الغفيلي يا نشمي ممكن سوال قبيلة العجمي التي في السعو ديه و في الكويت وقطر والبحرين والا مارات فيه فرق بينهم لا جميعهم ينتسبون الى جدهم العجمي ماعليك من كلامهم القديم والله هذ منشرخ لسا نه والذي في الكويت وباقي الدول شنو منشرخ في جدهم ولقب بلعجمي واخواننا الغفالا في باقي المملكة الحبيبه جدهم غفيلي عربي الا صل والله كلو الغفالا بني عمنا مافيه فرق بيننا خلي عنك يا اخي هذ االتعصب و نترك بني عمنا لمين افضل بان نكون متحدين كافة الغفالا في مملكتنا وبا قي الدول الذي يتواجدو فيها الغفالا المهم الذي جده غفيلي بني عمنا دمه من دمنا وان شا الله بنتحد في القريب العاجل مانبي ننتمي لا للعجم ولا لشمر طال الله عمرك الغفيلي راس