يُـبَه شلــوونك ؟ ملل هَـآلكَـون مِـن دُونَـك ...:

[._$برنسيـ الغفيلي ـسة$_.]

قصيده رائعه للشاعر مسفر الدوسري

تحكي معآناتي .. ومعآناه كل شخص فقده أباه .. :tears:
سواء بحادث . أو مرض .. الخ :tears:

......

يبـه شلـونك ؟!..

يبه شلونك... ملل هالــكــون من دونك ..

يبه شلونك ؟؟وتمضي رحلة الدنيا..

بليا طلة عيونك..؟؟!!

يبه شلونك ؟؟وشلون المرض وياك ؟؟

بعد ماهدك بدنياك..عساها تغمض جفونك ؟؟

تبي تدري عن احبابك ؟؟عن عيون تغنا بك ؟؟عن قلوب دفنها الشوق..واذا جاها الغفا جابك ؟؟

.. يبه امي تخيلك دوم...تغني لك مع القمرا..
يبه واللي خذاك بيوم....خذا بنيتك بكرا..

خذا.. وياماخذا.. وياما..خذا ناس يحبونك

يبه حنا صرنا كبار..توفقنا وتخرجنا..

يبه ماعاد فيه صغار..يموج بهالزمن كل شي..

وحنا ماتموجنا..على ذاك العهد نسري..

نبيع العمر والدنيا..ولا تخلف بنا ظنونك

يبه شلونك ؟؟ تبي تدري عن اخباري ؟؟

عن افكاري وتذكاري ؟؟


اشيلك بداخلي جمره ..وبعيون الحزن عبره..تغرقني .. وتحرقني..

اشوفك نجمة تجبر..مراعيها .. يراعيها..

واشوفك للرجوله اسم..اذا شد الزمن تقسى..واحلم من معاني الحلم..احسك مقبل بكرى..وعيا لايجي بكرى !!

يبه تذكر زمان مر؟؟
يبه تذكر مجالسنا ؟
مقلطنا ومجلسنا ؟
وحارتنا ومسجدنا ؟يبه تذكر هدايا العيد ؟
صلاة العيد؟ وبشت العيد؟
يبه تذكر سوالفنا ؟
لاجل هذا ..
وكل هذا ..
اقول اليوم يايبــه ..
ملـــــــل هالكون من دونك
يبه وينك ؟؟ .... ولهت لنظره من عينك ....
يبه وينك ؟؟
اشوفه طوّل غيابك !! ... و من ودّاك .... ما جابك !!
قالوا ما يدوم الزين !! ... و انا عندي امل للحين ..
و لكني اعرفك وين !!
يبه وينك ؟؟
عسى الداعي يبه بس خير ؟!! عساك بخير .... مداين تكرم لعينك ...
بس ارجوك علمني ...
علمني .. يبه وينك ؟؟
سألت امي عن رجوعك ... ولا كني اعرفك وين !! و قالت .. ما يدوم الزين !! ... و انا .. عندي امل للحين ..
في رجوعك !! .... يبه بس تكفى علمني ....
متى رجوعك ؟؟ .... يبه بس تكفى علمني .
وش احلى من طلوع اثنين ؟؟
طلوع الشمس .... و طلوعك
يبه وينك .!!
سألت امي ...... غيابك طال ؟؟
ولا كنّي اعرفك وين !!
و قالت مثل ما قالت .. حسافه ...
ما يدوم الزين ... مع كل هذا صدقني .. انا عندي امل للحين !!
سؤالي عنك يالوالد .. صار كما الموال
و اشوفه طال ... والله طال ..
حزين .. بلحنه و حروفه ... يخاف .. يموت من خوفه ...
و قلب ٍ كان اقوى قلب ... ضعف .. من قسوة ظروفه ..
يبه ..
ارجوك علمني ...
تشوف اللي انا اشوفه ؟؟
انا اشوفك نهار و ليل ...
في وسط المجلس تصلي .. و تدعي الرب ييسر لي ..
يبه ..
ما عاد بي من حيل .. وين الحيل ؟؟
و انا اشوفك نهار و ليل .. مع اني ادري ما ترجع !!
غريبه .. بعدها تدمع .. عيوني من هموم البين !! .... و ادريبه مكانك وين !! ... مع َ هذا .. ارد و اسأل !!
يبه .... وينك ؟؟
و لا كني اعرفك وين !! شبكت العشر في غيابك ... على راس ٍ كساه الشيب .. و من وداك ... ما جابك ..
و لا ادري وش يخبي الغيب !! ... و جرح ٍ عذ ّب احبابك .... يبه ..عيّا يخف و يطيب !!
يبه.. كل جرح في الدنيا .. مصيره بالدوا يلتم ... و لكن البلا من جرح ..
نزف فرقاك ... بليّا دم !! ... و هذا الفرق في جرحي ... عجز يلقا الدوا دكتور .. انا جرحي غريب الطور !!!
ينزف ... بس بليّا دم .. و زاد الهم فوق الهم ... و دام انك يبه غايب ... جروح الغيبه ما
تـلتم ..
بس عندي امل للحين !! ... و لا كنّي اعرفك وين !!
يبه .. ذكراك تفرحني ....
في نفس الوقت تجرحني !! ... لا من جبت في طاريك ... دموعي غصب تفضحني ....
يبه .. تذكر ليالي الصيف ؟؟
عرس الحي .. و رقص السيف ؟؟
و كرم قلبك معَ هـالناس .. كل ٍ كان في بيتك ضيف ..
الا يا حيف .... الا يا حيف ..
زمن قاسي .. زمن قاسي ...
اخذ مني بلا رحمه ... اخذ مني اعز ناسي !!
و خلاّ لي سهر هالليل .. في عيني ضيف .. الا يا حيف !!
يبه وينك ؟؟
تعال و شوف ...
كبرنا مثل ما تمنيت ... درسنا كل ما حبيت .. نصلي مثل ما وصيت .. و ندعيلك في كل ظروف ..
يبه وينك ؟؟
تعال و شوف .. صحيح الدنيا ما ترحم ..
تجرعنا التعب انواع ... و لكن الأمل ما ضاع ..
و انا عندي امل للحين !! ... و لا كني اعرفك وين !!
يبه تذكر شطانـتـنا ؟؟
انا و اخواني و اخواتي ... معانا عيال حارتنا ..
نلعب في زوايا البيت .. يبه ... والله انا حنيت ..
لذاك الوقت في وجودك ... الا يا ريت ... الا يا ريت ...
ترجع .. يا يبه حنيت ..
حسافه الدنيا ما ترحم ...
خذت منا سعادتنا ... خذتك بعيد .. و خلتنا !!!
يبه امي تذّكرنا ... بأيامك قبل ما تروح ... تناديها.. يا روح الروح ..
تغازلها و تنظر لك .. مثل طفله ... ملامحها عشق مفضوح ...
في ذاك الوقت .. كنا صغار ...
معَ هذا ... كنا نغار ..
عليها .. او بعد منها ... كنا نغار
نحبك يا يبه ... ارجع .. مثل شمس الفجر .. اطلع
حزينه الشمس في غيابك .. و نفس الحزن في احبابك .. واخاف الشمس من حزني ..
تغيب و ما بعد تطلع !! .. يبه ارجع !! ... اذا لي خاطر فـ قلبك ..
تعال و زورنا بس يوم ... مع انه ما يكفينا .. نشوفك يوم .. نبي حضنك يدفينا .. و نشوفك دوم ..

لكن قلّت الحيله ... و يمكن مـ البطا ضاعت ..
و قلنا يوم !!
يبهسامحني بترخّص ... قبل ينشف حبر الأقلام .. كلامي بعده ما خلّص ..
و لكن موعد الأحلام .. حان ..
ولازم اوفي له.. بعد ما ضاعت الحيله .. اشوفك والوعد باكر !!
اذا فكّر يجي باكر ..!! .. و برجع اسألك وينك !!
بس لازم تجاوبني .. ترى عندي امل للحين !! .. و لا كني اعرفك وين ..!!
يبه شلونك ؟
ملل هالكون من دونك
يبه شلونك ؟
وتمضي رحلة الدنيا ... بليا طلة عيونك
لاجل هذا ... وكل هذا ... اقول اليوم يايبه..
ملل هالكون من دونك..

......


رحمك الله ياشخصاً لم يفتأ العقل يسترجع صورك....
والقلب يشتاق إليك......
والعين تدمع لذكراك....
واللسان يلهج بالدعاء إليك....

الله يرحم جميع اموات المسلمين
:tears: :tears: :tears:

[بنت الأصول]

برنسيسه خيتو بجد موضوعك مؤثر

بس عسى ربي يرحم أمواتنا وأموات المسلمين

مشكوره عل النقل

[الــوافــي]

برنسيسه

كلمات مؤثرة جدا وروعه في نفس الوقت
يعطيك الف الف عافيه على النقل الرائع
والله يرحم جميع اموات المسلمين
صحيح ان الدنياء ماتسوى اذا احد فقد والديه
بس المكتوب مكتوب عند الله سبحانه وتعالى


تقبلي مروري / الوافي المجروح

[._$برنسيـ الغفيلي ـسة$_.]

اللهم آمييين

ربي يرحمهم ويغفر لهم ويسكنهم الجنه ويجمعنا فيهم بمستقر رحمته

بنت الأصول ... الوافي

يسلمووو ع المرور

منوووووورين

[عجمية]

:tears: :tears: :tears: :tears: :tears:
:( :( :( :( :( :( :( :( :( :( :( :( :( :
:tears: :tears: :tears: :tears: :tears:


وربي لا تعلييييييييييييييق خنقت صدري العبرة



الله يرحمه ويرحم موتانا المسلمين ويجمعنا معاهم في الفردوس الاعلى اللهم امين


تسلم يمينك يالغالية:blushing: يا بنت الغالين

[كحيـ الغفيلي ـلان]

قصيدة روعة برنسيسة : (

يعطيك العافية


تحياتي

[._$برنسيـ الغفيلي ـسة$_.]

اللهم آميييييييين ياارب

عجميه ... كحيلان

يسلمووو ع المرور

[شوقة]

برنسيسة قصيدة مؤثرة..

والله يرحم جميع اموات السلمين..

يعطيكي العافية..

[عبد العزيز الغفيلي]

برنسيسه
يعطيك العافيه اختي
والله يرحم اموااااااااتنا واموات المسلمين جميعا يارب
الله يسكنهم فسيح جناته آمين ..

[جودي]

برنسيسه :( :( :( :( :( :( :( :( :( :( :( :(
ذكرتيني بعمي يابنت عمي >>ابوي الثاني
:( :( :( :( :( :( :( :( :( :( :(

الله يرحمه ويغفرله يارب وموتانا وموتى المسلمين

الف شكر ع النقل الرائع

[عاشق ريمي]

الاخت الغالية برنسيسة
الصراحة قصيدة معبرة

وما أمالك الا ان اقول رحم الله موتانا وموتاكم وموتى المسلمين

وهذا نداء للذين ما زالوا آباءهم موجودين فعليهم ببرهم وطاعتهم
لانهم هم سر السعادة والوجود
وكما قيل
لا يعرف قدرك حتى يفقدك
نصيحة بروا آباءكم تبركم ابناءكم

آسف برنسيسة على الاطالة بس شكلي امون
عشوقي

[._$برنسيـ الغفيلي ـسة$_.]

عبدالعزيز .. جودي . عويشق

اللهم آمييين

ربي يجزاكم الف خير .. ويرحم جميع أموت المسلمين

منوورين

[بوح الضمير]

:tears: :tears: :tears: :tears: :tears:
:tears: :tears: :tears: :tears:
:tears: :tears: :tears:
:tears: :tears:
:tears:


برنسيسة

الله يرحم موتى المسلمين ..

ويجمعنا بهم بالفرودس ..

قولي امين



*ربي مايضيّع :tears:


قصيدة مرررررررررررة مؤثرة:tears:


يعطيتس العافية ع هالنقل الحزين :tears: