الولـــد & البنت

[اخت اخوها]

ترى الموضوع يتكون من قسمين ..
+++++++++++++++++++++++++++++++++
ابدخل بالموضوع الاول علطول .. وبختصر
============================
.. ليه الولد وين ماكان حتى لو عند عيال عمه او عيال خاله ما يقول اسم اخته ..

يعني من جد اسم البنت عيب ؟؟


مثل قبل يومين تقريبا .. اخوي الصغير يمكن بثاني ابتدائي يبغا يعلمني انه بيروح بيت الجيران دق الجرس وكان معه صديقه ((صغير مثله)) ردت اختي اللي اصغر مني قال مين انتي ؟؟ جت بتقول اسمه .. قام قاطعها وقال لها .. طيب طيب قولي لاختك الكبيره (( يقصدني )) ترى بروح بيت الجيران..
<<<< مايبي يقول اسمي هو ووجهه :mad:

والا مره ولد خالتي بالابتدائي جاي يصيح من قللللللب عند امي يقول علميني وش اسم زوجة استاذنا ((صديقة امي ))
لانه قال للعيال اسم امي !!!!!!!!!!!!!!!!!!

يعني بس سبب واحد اقنعوني فيه !!!
طيب اوكيه اقربائي يعرفون اسمي .. ليه ماتبي تقوله قدامهم ؟؟ :confused:

================================================== ===========
================================================== ==========
الموضوع الثاني ..

معاملة الولد لاخته !!

يعني فيه عيال مثلا برى البيت .. مافيه احسن منهم ..
لكن روح شوف شلون يتعامل مع اخته .. صراخ .. وهواش .. وبعض الاحيان تاصل للضرب ..

++++++++++++++
حتى لو تكلم عليك اختك او زوجتك .. وكنت عند عيال .. تلقى نفسك تكلمها بطريقه جااافه ..
وتحاول تختصر المكالمه ... <<<<< صح والا لا؟؟؟

طيب وشفيها لو حسست اختك بأهميتها؟؟
لو كلمتها برقه .. لو قلتلها لو سمحتي ..
لو مدحتها شوي .. ادحها حتى لو كانت اشين خلق الله .. صدقني بتحبك ..
لو قلتلها شفيك محلوّه اليوم ؟؟
كل هذا الكلام ما بيقلل من رجولتك ..
وصدقنــــي .. بتتفاخر فيك قدام كل صديقاتها .. وبتوصلك للسماء
حب اختك .. وشوف وش بيصير لك
++++++++++++++++++++++++++++++++++++++++++++++++++ +++
8
8
8
وهذا الكلام انا مجربته بنفسي يعني الحمدلله اخواني ما اعتقد ان فيه اطيب ولا احلا منهم بالكووون كله :o
================================================== =============
================================================== =============




وسامحوني على القصور .. واذا اي احد عنده اي اضافه .. او اي قصه .. او اي انتقاد .. فلا يبخل علي

[من جماعة علف وافتخر]

احلــــــــــــــــــــــى تحيه لأخت اخوها

هذا الكلام السنع ايه ليش حنا بس دايم يتفشلون منا تقلننا مانشرفهم من صدق يعني وراه العيال دايم يجحدون اسمائنا ومايبون يعلمون ويقبسون لو درى احد من اصدقاءهم عن اسماءنا

انا مع اخت اخوها ابشوف وش يقولون العيال عن الاتهام هذا

[بحر الكتمان]

يعني فيه عيال مثلا برى البيت .. مافيه احسن منهم ..
لكن روح شوف شلون يتعامل مع اخته .. صراخ .. وهواش .. وبعض الاحيان تاصل للضرب ..


،،،،،،،،،،،،،،،،،،،،،

هذا النموذج اختي الفاضله يكون في عمر المرهقه لدى الشباب من حيث الصراخ والهواش ع احد خواتها وهو بأعتقاده وفي عقله الباطني ان هاذي بداية الرجوله !!! فهو يجهل ولاكن بعد نضج فكره يرجع الى الهدوء وتعامل بالعقل



حتى لو تكلم عليك اختك او زوجتك .. وكنت عند عيال .. تلقى نفسك تكلمها بطريقه جااافه ..
وتحاول تختصر المكالمه ... <<<<< صح والا لا؟؟؟

،،،،،،،،،،،،،،،،،،،،،،،،،،،،،،،

اختي لنكن واقعيين لا اتكلم بطريقة جافه وانما اذا كان الموضوع يستاهل المناقشه والتكلم قمت من مجلسي وخرجت للخارج وتكلمت معها او اذا كان موضوع فضاوه بنات اختصر ودردب ع وجها اسكر لأنها فاضيه وتبي تسولف وانا مو فاضي
طيب وشفيها لو حسست اختك بأهميتها؟؟ ====>> لاتبرز اهمية الاخت عن طريق مكالمه جوال حتى لو كان الأسلوب جاف

لو كلمتها برقه .. لو قلتلها لو سمحتي ..
لو مدحتها شوي .. ادحها حتى لو كانت اشين خلق الله .. صدقني بتحبك ..====>> يالله مادري ع ايش اناقشك ع الزوجه او الاخت حددي وناقشك في الاجابه لأنه لو الزوجه وضعها رايح يكون مختلف عن الاخت
لو قلتلها شفيك محلوّه اليوم ؟؟====>> وربي اقول وش فيك محلوه ،،، قصدك محوله اليوم !! هاي عند الشباب وابي اجلس ادلع فيها صعبه هاذي مررررررررررررررررررررره وحتى لو سويتها مو حلوه بحقي وحقها



كل هذا الكلام ما بيقلل من رجولتك .. =====>> ليس تقليل الرجوله وانما مو هنا ينقال الكلام هذا
وصدقنــــي .. بتتفاخر فيك قدام كل صديقاتها .. وبتوصلك للسماء =====>> الله يعني اذا ماسويت الي تبي مارايح تتفاخر فيني !! هاذي مصيبه!!

حب اختك .. وشوف وش بيصير لك =====>> الحمد لله احبها مووووووووووت






















بنسبه للموضوع الثاني اختي اخت اخوها
ببدى في رد هزلي =====>> اخوك قال لأختك قولي لأختك الكبيره ،، يمكن لأنه اسمك مو حلوووووو ويفشله!!!


اوكي

تعليقي ع كلامك اختي اخت اخوها

من جد هذا شي ظاهر ومنتشر الحياة من ذكر اسم المرأه امام الرجال ،، يعني مثلا رجال كبير ومتزوج وهو يكلم مرته اذا كان معاه خويه او شي يقول يامره!!! او كلم ع بيت اهله يقول روح ناد اختك !! يعني فيه حياة من قبل المجتمع السعودي بتحديد من هاذه الناحيه

لاكن انا لا ارى اي عيب فيها ولاكن اعتادنا ع ذلك فكثير من الامور العاده في حياتنا نصعبها ونعقدها

[اخت اخوها]

من جماعة علف وافتخر....

تو ما نوّر الموضوع .. :o وماشالله عليك تسمعين الكلام .. رديتي بسرعه
==========================================

اللحين نجي عندك بحووري ..

..====>> يالله مادري ع ايش اناقشك ع الزوجه او الاخت حددي وناقشك في الاجابه لأنه لو الزوجه وضعها رايح يكون مختلف عن الاخت
8
8
لا الزوجه هذي شي ثاني ...

انا قصدي الاخت
===========================
لو قلتلها شفيك محلوّه اليوم ؟؟====>> وربي اقول وش فيك محلوه ،،، قصدك محوله اليوم !! هاي عند الشباب وابي اجلس ادلع فيها صعبه هاذي مررررررررررررررررررررره وحتى لو سويتها مو حلوه بحقي وحقها
8
8
8
وشفيك انت .. انا موقصدي وانت عند الشباب .. انا قصدي بالبيت .. :rolleyes:
================================================
================================================
، يمكن لأنه اسمك مو حلوووووو ويفشله!!!
<<<<< يالله بس انت حصّل اسم حلو زي اسمي ;)


لاكن انا لا ارى اي عيب فيها ولاكن اعتادنا ع ذلك فكثير من الامور العاده في حياتنا نصعبها ونعقدها..
8
8
8
صح مافيها اي عيب لكن ليـــــــــــــــــــــه؟؟؟

+++++++++++++++++++++++++++++



ومشكوووور على الرد .. والتفاعل .. والصدر الوسيع ..



،،،،،،،،،،،،،،،،،،،،،،،،،،

[غفيلية وافتخر]

هلا والله بالزين كله والله صدقتي يااحلاااهم انتي

وجبتها ع الجرح وكنك مدريت . . . . . . . :(


يعني من جد اسم البنت عيب ؟؟ >> >> >> قولو عيييييييييييييييييييييييييب والا لا :mad:


اما عن الشطر الثاني من الموضوع فانا يتلكني الاستغراب من بعض الشباب اللي احنا نشوفهم بوجه ونقول ياسعد خواتهم بهم ونستغرب اذا سمعنا خواتهم يتشكووون اثاري الحلوين بوجهين مع الناس عسسسسسسسسسسل ومع خواتهم بصل

بس الحمد لله اخواني كذا ويعجبوني والله يخليهم لي واولهم ابو فتون لانووو يعجبني خصوصا اذا جلس يتريق علي

((( فتون تذكرين ابوك يتريق علي ايام المتوسطه ويسميني فتون )))

[مهند]

شوكوووووورن

الاخت >>>>>>>> جدا بارعة بالمحماة عن الفتيات

من اليوم وطالع بسميك

المحــــــــــــا مــــــــية :mad:

جدا رائع طرحك اختي الغالية ,,


قد يكون اخوانك الافضل بعينك ,, وهذا هو الواجب ,

** انا لن اتحدث بلسان غيري وخاصة إذا كانت المسألة متعلقة بتقييمي

انا كأخ ,, لكن الذي انا متأكد منه ان اخواتي هن الافضل بين نساء الكون

ولا يتفوق عليهن إلا إمرأتان (امي) والغالية ,, <<<<<< ومن الطبيعي ان هذا شيء شخصي..

* عزيزتي علمنا اسماء امهات المؤمنين رضي الله عنهن , ومن هذا المنطلق لا اراء حرج في

ان يذكر الشخص إسم احد محارمه (إن لزم الامر) ,,

إن لزم الامر = مثل الموقف الذي حدثت لاخيك مع إبن الجيران, وكذلك عند المكالمه الهاتفيه..

وما تأتي به الظروف >>>> في سياق الحياة..

** مسألة مداراة الاهل عموما والاخوات على وجه الخصوص ::

جدا هامه هذه المسألة ولعل من جرب مثل هذا الشيء لاحظ الفرق ,,

** ولمن لم يتعامل برفق مع اهله اقول له :

جرب ولو لمرة , وبإذن الله سترى النتائج بسرعة , و اؤأكد على (بسرعة) لاني

واثق من النتائج الفورية في مثل هذه الحالات,,

** إذا كان هناك شخص لا ترتاح له وقدم لك في احد المناسبات هدية لك ....

ما النتيجة؟ >>>> إن كنت كريم إبن كرام ستتغير نظرتك تجاهه , وإلا فالعكس.

وحسبي بأن كل من معي بهذا المنتدى كرام ابناء كرام ,,

** المحـــــــــــامية اشكرك على سعة صدرك واسف على الاطالة :)

[بحر الكتمان]

اوووووووووووووكي

تبوووووووون الصراحه

اذا كان الموضوع كذا

انا بعتذر عن الاجابه

والتعليق !!!!

اووووووووكي لاتزعلون وبتقولون ليه!!

بقولكم


لأنه نادراً جداً اجلس مع اهلي وخواتي

وذلك لأنه الصباح بكون في الجامعه والظهر في الجامعه والعصر والمغرب والعشاء بكون مشغول خارج البيت لحد الساعه 9 ثم بطلع للاستراحه لحد اخر الليل

يعني ماشوف خواتي الا نادراً جداً لذى صعب اتفاعل معاكم بلموضوع

ومهند يشهد ع كلامي =========>> تذكر يوم تسلم ع امي وقولها عسى ماشر صوتك قالت صح النوم توك تسأل!!! :confused:


لاكن اذا كنتم ترغبون في مناقشة الموضوع بشكل عام وليس خاص فلي تعليق بس مو الحين اقوله لأنه بروووووح انااااااااام :(

[حزن وفرح]

انا مع الغالي مهند في كل كلمه قالها

واوافقه الرأي في هذا الموضوع وبكل كلمه قالها

ومشكور مهند المره هذي ريحتني من الكتابه

عاد مالي خلق كتابه الحين ;)

ويعطيك العافيه اخت اخوها على الموضوع الرائع

[صلوح المملوح]

طيب


الموضوع الأول



بالنسبة لي ومحيطي اللي عايش فيه أقصد عيال عمي وعيال خالاتي اللي ذكرتي موب موجود بيننا
بالعكس تلقين الواحد يقول لاخوه رح قل لاختك فلانة تسوي كذا
قبل فترة ولد عمي يكلمني عن أخته والمشاكل اللي بمدرستهم رغم اني مافتحت الموضوع أصلا
حتى بنات عمتي -طبعا كلهم أكبر مني-أسولف أنا وياهم وننكت علىبعض وخصوصا الكبيرة أعتبرها
مثل أختي تصوري أنااللي قايل لها تغطي عني لأني كبرت :p



لكن بصراحة يوم اني صغير كنت أعتبر اسم أمي من الأسرار العظمى ماودي أحد يدري عنه (بالمدرسة)
وصارت لي سالفة مثل سالفة ولد خالتك تقريبا

أنا عندي تصور ثاني للي ذكرتي أعتقد اذا كان عيال العم أو الخال متقاربين من يوم انهم صغار راح تكون الأمور عادية جدا لأنهم شبه عايلة وحدة

أما اذا كانوا مايشوفون بعض لأي سبب ماراح يمونون على بعضهم بلحيل أصلا متى يجي طاري أخته وجلساتهم غالبا رسمية شوي؟؟

أنا أحد أصدقائي-من كثرهم-بحكم اني معاشره من يوم انا صغار يكلم أهله قدامي بدون أي رسميات والعكس صحيح
لأنه يعرفني زين من يوم انا صغار





الموضوع الثاني





أنا أتفق مع أخوي بحر تماما المراهقة لها دوركبير
لكن للأسف فيه ناس تلقينه رجال ما طق خبر لأمه حتى يهتم بخواته؟؟
اذا كان الوالدين مربين عيالهم صح وما يفرقون بينهم ومعطينهم الحنان والثقة من الصغر راح يكونون يد وحدة

تحياتي :)

^
^
^


يازيني وانا مثقف :D

[بحر الكتمان]

وش القصه صارنا احزاب ونختلف اوكي بصراحه حلو يعني كل واحد له وجهة نظر

بس الي يقهرني ويرفع ضغطي

الموضوع يهم الفتاة اكثر من الشاب

ليش ويتنازلون اصحاب الأقلام النسائيه في المنتدى ويشاركون ويعطونا رايهم

واذا جاهم تكفيخ او شي من القبيل يقلولنا يمكن نقدر نساعدهم :cool: